Emibiri 5 - Nouveau Testament et Psaumes en Ndandi Version 1962

Anania na Safira

¹ Nikwa mundu muguma akahulawa mo Anania, nomukali wuwe Safira, mobagurya eririma,

² neryo mwabisa eki hande kyobuguli, na mukaliwe inianasi, mwaletabo ko kihande, mwahirakyo oko bisandu bya bakwenda.

³ Nikwa Petero mwabuga, ati, Anania, busana naki Satani abiriusulya mutima wawe eribihira eKirimu Kibuyirire, kwehi? neribisa oko buguri bwekitaka.

⁴ Omugulu kikine ewawe, isikyawe kwehi? nomu­gulu kyamabiguribwa, sikyabya omu hamuri yawe kwehi? ni musindoki alekire iwahira omwatsi oyo omo mutima wawe kwehi? suritabiha oko bandu nikwa oko Mungu.

⁵ Neryo Anania abere biowa ebinywa ebi mwagwa ahisi mwahola: neri ubaha inene moryahika oko bosi bowa.

⁶ Nabalwana moba hangana mobamusenge, mobamutwala neriyamuta.

⁷ Kandi hahwa nga ndambi isatu, omukali mwingira isiasi ekyakolirwe.

⁸ Neryo Petero mwamusubirya, ati, Umbwire nga mwagulaya ekitaka kyo singaha. Naye ati, Inga, kona singaha.

⁹ Nikwa Petero mwamubwira ati, Niki kikaleka imwahanana haguma erilenga oko Kirimu kyoMukama kwehi? lebaya ebisandu byabariata ibawe biri oko luyi, nawe bakandi kutwala.

¹⁰ Naye mwagwa neryo-neryo oko bisandu biwe, mwahola: nabalwana mobingira mobeya iniamabihola, moba mutwala eyihya mobamuta hakuhi niba wuwe.

¹¹ Neriubaha inene moryahika oko kanisa yosi, noko bosi bowa emyatsi eyi.

Ebitikotiko

¹² Nebitikotiko nebyeriswekera bingi mobyakoleka omukati kati kabandu omo byala byabakwenda: nabosi babya bomutima muguma omo kiseku kya Solomono.

¹³ Nikwa sihabya nomu guma gokobandi owalenga eriyihira kubo: nikwa bandu mobapipabo;

¹⁴ Nabikirirye mobatomekerwa oko Mukama kwilaba, esyo ndeko syabalume nabakali:

¹⁵ kyaleka ibahekera abakoni omo syonzira, nerihirabo oko syongingo nebirago, neryo omugulu Petero akalaba, ekitsutsu kiwe ikyatoka erihika kubo muguma muguma.

¹⁶ Nendeko moyahindana erilwa oko miyi eyihere renye ne Yerusalema, erileta bakoni nabakagalawa nesyombinga: abosi mobalimibwa.

Eribohwa ryabakwenda

¹⁷ Nikwa muhereri mukulu mwahangana, nabosi ababya naye (ekyo ni kihanda kya baSadukayo) mobusula neritsuro,

¹⁸ mobatsimba abakwenda, mobahirabo omu nyumba yomuliki.

¹⁹ Nikwa omulaika woMukama mwakingula esyonyuyi syenyu mba yomuliki omo kiro, mwahulukyabo, mwabuga, ati,

²⁰ Mu gende, muhangane mubugire omo hekalu oko bandu ebinywa byosi byeNgebe eyi.

²¹ Nomugulu bowa mobingira omo hekalu bwasondikya, mobakangirirya. Nikwa muhereri mukulu mwasa, na babya haguma naye, neryo mwabirikira eribugiro haguma, na bakulu bosi ba bana ba Israeli, neryo mwatumirabo oko nyumba yomuliki baletawe.

²² Nikwa abagombe abahika mo bateteyabo omo nyumba yoinuliki; neryo mobasubula moba tulago,

²³ bati, Enyumba yomuliki motukegayayo ininaki ngiri ndeke, nabateya ibanimene oko syonyuyi: nikwa turyabya twakingulamo, motuteteya mo mundu.

²⁴ Neryo omu teya wehekalu nabahereri bakulu babere babiowa ebinywa ebi, mobabya nengitsi ngo mwatsi oyu ngakandisyabya ati.

²⁵ Nomundu muguma mwahika mwabwirabo, ati, Lebaya abalume mwahira omo muliki bimene omo hekalu bakakangi riraya abandu.

²⁶ Neryo omuteya nabagombe mobayendabo, butsira erikunangabo; kusangwa bubaha abandu, ambu baka syaswiryabo amabwe.

²⁷ Babere babiletabo, mobahirabo embere wabo omwibugiro. Nomuhereri mukulu mwabulyabo,

²⁸ ati, Kwe motutetabakunga tuti sumuswekangiriraya omu rina eri kwehi? talebaya mwabariusulya eYerusalema omwika ngirirya ryenyu, mukasonda erituhira komusasi womundu oyo.

²⁹ Nikwa ye Petero nabakwenda mobasubirya, bati, Ritolere itowa oMungu kwilaba abandu.

³⁰ OMungu wabotata wetu, mwalubukya Yesu, oyo mwita, oyo mwabamba oko muti.

³¹ Mungu akamusikaya oko byala biwe byamali eribya Mukulu noMulamya, eriha eribinduka oko Israeli, neribugirwa ryebibi,

³² Netu turi balangiri bemyatsi eyi haguma neKirimu Kibu yirire ekyo Mungu abiriha abakamowa.

³³ Nabo babere babiowa ekyo, mobahitana omo mitima, mobasonda eriitabo.

³⁴ Nikwa omwibugiro mohahangana omuFarisayo oyo kahulawa mo Gamalieli, omukangirirya wamahano, oyu kakengawa nabandu bosi, mwategeka ati bahirawe eyihya akatambi kake.

³⁵ Neryo mwabuga nabo, ati, Inywe balume baIsraeli, muyitondeke busana nabandu aba nga mwangakolaki.

³⁶ Kusangwa oko biro byerimbere mohahuluka Teuda, iniakayahula mo mundu mukulu; nabandu nga magana ani, mobamukwama: naye mwitwa; nabosi bamowa mobapanza panzwa mobabya buyira.

³⁷ Nenyuma waho Yuda we Galilaya mwahangana omu biro byeriganzwa, mwakura bandu bangi erimukwama: naye mwahera: nabosi bamowa mobapanza panzwa.

³⁸ Na lino ngabuga nenyu, nyiti, muyilusaye oko bandu aba, mulekebo: kusangwa erihana eri nomubiri oyu amabya wabandu, iniasyaguswa:

³⁹ tse amabya ini woMungu simwendisyatoka eriheryago; isimwabanika nga mukalwa no Mungu.

⁴⁰ Nabo mobamowa: mobabirikira abakwenda moba swirabo mobakungabo bati sibakangiriraye omo rina rya Yesu, mobalwikabo.

⁴¹ Neryo mobalwa omwibugiro, ibanemotsema kusangwa baganzawa kobatolere eriitwa esisoni busana neRina eryo.

⁴² Nebiro byosi omo hekalu newabo, mobatumbya erikangirirya engulu yowene ya Yesu kwari Kristo.