Emibiri 26 - Nouveau Testament et Psaumes en Ndandi Version 1962

Paulo embere wa Agripa

¹ Agripa mwabuga na Paulo ati, Uri nehamuli yeribuga ebyawe. Neryo Paulo mwakoherya omo byala mwabuga ebiwe ati:

² Uwe Mwami Agripa, namabuyahirwa omo mutima kusa­ngwa ngabuga ebyage embere syawe munabwire busana nerihandikirira ryosi ryabaYuda,

³ kusangwa unasi ndeke emitsye yosi namahaka wabaYuda; neryo ngakusaba nyiti unyihulikirire neritindaluha.

⁴ Emigendere yage eritsuka nomo bwana bwage, monabya omo kihanda kyage neYerusalema okwitsuka erimbere naba Yuda bosi banasi.

⁵ Babiriminya kubiro bingi, bamaliga eritulago, ngoko nabya muFarisayo ngakwama ndeke erisaba ryetu.

⁶ Na lino nyimene hano oko lubanza busana namaha werilagana Mungu alaga abotata wetu,

⁷ eryo ebihanda byetu ikumi nebibiri bikayiketera, omugulu bakakukama nomuhwa omo kiro neritungi. Uwe mwami, busana namaha aya nga handikirirawa na baYuda!

⁸ Busana naki mukaminya muti sikyangatokekana erikiriribwa ko Mungu akalubukaya abaholi kwehi?

⁹ Nage monaganirya nga nyitolere erikola emyatsi mingi yerilwa nerina rya Yesu we Nazareti.

¹⁰ Monakola nyitya eYerusalema; monahira abangi bababuyirire omo muliki, nahabwa ehamuli nabahereri bakulu butsira ekyo kisa, nikwa omugulu bitawa monaligaryo.

¹¹ Monasuyirabo ngendo nyingi omo manyumba werihindana monalenga erikunabo okwitsuma; nerikarama rinene monendereryabo erihika oko miyi yebi handa hali.

¹² Monagenda nyitya eDamaseke nahabawa ehamuli neri tegekwa ryabahereri bakulu.

¹³ Nomwitungi, uwe mwami, monalangira ekyakakala kyalwa elubula, ekihenirye kwilaba ekyeryuba, kikakoleraya erinyitimbako nabagenda haguma nage.

¹⁴ Nomugulu itwe bosi twamabigwa ahisi, monowa omulenge akabuga nage omo mubuge wabaEbrania, ati, Saula, Saula, busana naki ukanyendereraya kwehi? Rikakwagalaya erigusa omwise omo migera.

¹⁵ Nage monabuga nyiti, Urindi, Mukama kwehi? NOmukama ati, Indi Yesu oyu kendereraya.

¹⁶ Nikwa hangana wimane omo bisandu byawe; kusangwa nabirikubutukira busana nomwatsi oyu erikuhira okwikola neritulago oko myatsi eyo wabirinyilolako nomo myatsi eyo nasyakubutukira,

¹⁷ eribatongolya oko bandu noko Bihanda, ngakutuma kubo,

¹⁸ erilibula ameso wabo, ibatoka eribindukira ekyakakala erilwa omo mwirimya nomo kagala keSatani ibasa oko Mungu, ibatoka eribana eribuyirwa ryebibi neribana aho wabo omukati-kati kabo ababirihigulwa busana nerikirirya omwisi wage.

¹⁹ Neryo uwe Mwami Agripa, mondagana eriowa enzoli yelubula,

²⁰ nikwa natsuka eritulirago abanyaDamaseke enyuma kwaho abanyaYerusalema nabomo kihugo kyosi kya Yudea, neBihanda nibya nyiti babindukire oko Mungu bakole emibiri itolere eribinduka ryabo.

²¹ Kyaleka abaYuda ibanyi tsimbira omo hekalu mobalenga erinyita.

²² Erihika munabwire nabiribana eriwatikya erikalwa oko Mungu, sindibuga kindi kyenekyo abaminyereri na Musa babuga bikandisyabya:

²³ ko Kristo atolere eriagalwa, kandi, kusangwa abya owembere werilubuka oko baholi, atule omwatsi wekyakakala oko kitunga kyetu noko Bihanda.

²⁴ Nomugulu abuga ebiwe atya, Festo mwabuga nomulenge munene ati, Paulo uri kwisire; amenge manene wawe abiriku hindula mo musire.

²⁵ Nikwa Paulo mwabuga ati, Sindi kwisire, uwe Festo mubuya, nikwa ngabuga omwatsi wakwe nene owate wisire.

²⁶ Kusangwa omwami anasi emyatsi eyi, nage ngabuga naye neritindiubaha; kusangwa nyinasi okubyo sihari ekyatagerwe, kusangwa eki mokitetakolwa bubi-sobiso.

²⁷ OMwami Agripa, wamikirirya abaminyereri kwehi? Nyinasi ko wikirirye.

²⁸ Agripa mwabuga na Paulo ati, Omo katambi kake ukaganiraya erinyiyira mo muKristo!

²⁹ Paulo ati, Ngasaba oMungu nomo kangabya katambi kake kutse nyiri, kumbe si we ugwowene nikwa abosi bakanyowa lino bangabya ngangye— butsira mahulula aya.

³⁰ Neryo omwami mwahangana, nomurongani mukulu na Berenike nababya bikere haguma nabo;

³¹ neryo babere babiya embita, mobabwirana bati, Omundu oyu siaritakola ekitolere erimwitisya kutse ekyangamubohesya.

³² Agripa mwabuga na Festo ati, Omundu oyu angabohwerwe atariabuga ati angaya tswerwa na Kaisari.