Emibiri 24 - Nouveau Testament et Psaumes en Ndandi Version 1962

Paulo emuliro wa Piliki

¹ Habere hakya biro bitano omuhereri mukulu ye Anania mwandagala na bandi bakulu nembuyi ye Tertulo. Mobabwira omurongani mukulu yebyo bakahandikirira Paulo.

² Naye abere abibirikirwa, Tertulo mwatsuka erimuhandi kirira, ati: Kusangwa busana nawe Feliki mubuya kutsibu tukabuya hirawa nobuholo, nakandi busana nerilembera ryawe, eritu nganene erikaletawa omo kihanda eki,

³ tukangirira omo syonzira syosi nehosi eki newasingya yosi.

⁴ Nikwa sinyibye ngakuluhya, ngakusaba utowe nebinywa bike omo bubuya bwawe.

⁵ Kusangwa twabiribana mundu oyu ni mundu womwaga, ni mubabirirya wabaYuda bosi omo kihugo kyosi, nomusondoli wekihanda kyabanya Nazareti.

⁶ Mwalenga eritsandya ehekalu, nikwa motwamutsimba, motwasonda eri mutswera ngebihano byetu.

⁷ Nikwa Lusia omukulu wabasoda mwasa na maka manene mwamulusya omo byala byetu,

⁸ eritegeka abahandikiriri biwe eriasa okuwe. Nawe wowene wamabimubulya wasyatoka eriminya busana nebyosi ebyo tukamuhandikirira.

⁹ NabaYuda nabo mobayihira okwihandikirira eryo bati ni kwenene.

¹⁰ Omurongani mukulu amabimukoherya ati abuge, Paulo mwasubirya: ati, Kusangwa nyinasi kowamabuga mituta mingi ukatswera ekihanda eki, ngabuga ekyage nobutseme.

¹¹ Ngoko wangatoka eriminya sihalabire ebiro ikumi nabibiri eryo nahetukira eYerusalema naya sabirayo;

¹² sibetanyeya ngakuba buhaka nomundu nomuguma kutse eritwa eyisesi omo ndeko, kutse omo hekalu kutse mo manyumba werihindana, kutse omo muyi.

¹³ Kutse sibangatoka erikukangya ebyo bakanyihandikirirako lino kobiri kwenene.

¹⁴ Nikwa ngahulukaya eki embere syawe nyiti omo Enzira eyo, bakahula mo dini, ngakukamira Mungu wabotata wetu, ngikiriraya ebyosi byebihano kutse ebisakire nabaminyereri,

¹⁵ inyinawite amaha omwisi wo Mungu ago nabo bakasima ko hakandisyabya erilubuka ryabatunganene neryabatatunganene.

¹⁶ Neryo ngayitsinga eribya nomutima mubuya embere woMungu nembere syabandu.

¹⁷ Neryo enyuma we mituta mingi monasa eriletera ekihanda kyage erihitya nekiguma kyerikumi.

¹⁸ Omugulu nakola nyitya, mobanyeya omo hekalu ngera, butsira ndeko kutse lukanda. Nikwa abandi baYuda balwa eAsia—

¹⁹ babya batolere eribya hano embere wawe erinyihandikirira, kumbe bangwite ko kibi.

²⁰ Kutse abandu aba nabo babuge ekibi balangira nyinimene embere weribugiro,

²¹ kye nekiguma eki nabirikira nyinimene omukati-kati kabo, nyiti, Busana nerilubuka ryabaholi nyiri oko lubanza embere syenyu ekiro eki.

²² Nikwa Feliki, iniawite eriminya ndeke rye Nzira eyo, mwalindyabo, ati, Lusia omukulu asyabya asa, nasyatwa olu banza lwenyu.

²³ Neryo mwategeka omukulu wabasoda ati ategibawe nikwa ayigendiraye, sibakakiraye abira buwe erimu watikya.

²⁴ Nenyuma webindi biro Feliki mwahika na mukaliwe Durusila, oyo wabya muYuda; mwatumira ku Paulo mwamowa eribuga ebyerikirirya ku Kristo Yesu.

²⁵ Nomugulu akangiri raya ebyeritunganene nebyeriyiteya nebyolubanza olukandi syasa, Feliki mubaha kutsibu ati, Ukatagenda lino; nasyabya nabana omwanya inaswakubirikira.

²⁶ Noko ndambi eyo mwahira amaha uku Paulo ati mbino asyamuha esyofranka. Kyaleka iniabya akamutumirako ngendo nyingi akakania naye.

²⁷ Nikwa emituta ibiri yamabilaba, Porkio Festo mwaya oko ngoma ya Feliki; neryo Feliki erianza erisimwa na baYuda mwasiga Paulo omo muliki.