Emibiri 22 - Nouveau Testament et Psaumes en Ndandi Version 1962

Eritulago ryaPaulo

¹ Balikyetu nabotata, muhurikirire muleke mbuge kyage embere syenyu.

² Nomugulu bowa akabuga nabo omo kiEbrania, mobalaba kwaho eribya bukutu. Naye ati:

³ Ingye ndi muYuda, nabutirawa eTarso omo kihugo kye Kilikia, nikwa nakurira omo muyi oyu inyikere omo bisando bya Gamalieli, yowangangiriraya erikwama ndeke ebihano bya botata wetu, inyikwire omuhwa busana noMungu ngoko mwe bosi muri nago.

⁴ Monendererya Enzira eyi eriita abakwamayo eribohabo nerihirabo omo nyumba yomuliki abalume nabakali.

⁵ Ngo muhereri mukulu neribugiro ryosi ryabakulu bakabya balangiri bage. Monimya esyobarua sikalwa kubo busana na balikyetu, monalendera eDamaseke eritsimba ababyayo neri letabo ibanabohire eYerusalema erisugirabo.

⁶ Nabere ngagenda nerihika hakuhi na Damaseke, hakuhi neritungi, neryo-neryo ekyakakala kinene mokyanyikoleryako erinyitimbako.

⁷ Monagwa oko kitaka monowa omulenge aka buga nage, ati, Saula, Saula, busana naki ukanyendereraya kwehi?

⁸ Monamusubirya nyiti, Urindi Mukama kwehi? Naye mwambwira ati, Ingye indi Yesu weNazareti oyu ugende reraya.

⁹ Nikwa ababya haguma nage mobalangira ekyakakala nikwa mobatowa omulenge woyo kabuga nage.

¹⁰ Nage monabuga nyiti, Ngire nyiti Mukama kwehi? NoMukama mwabuga nage ati, Hangana, uye eDamaseke, neyo wasya bwirwa ebyosi byabiritegekwa kowasyakolabyo.

¹¹ Nomugulu nataluka erilangira busana nerihenia ryekyakakala ekyo, mona sondolwa omo byala ebyababya haguma nage, monahika eDamaseke.

¹² Nomuguma ye Anania, omundu mugenge oko bihano, iniakahulawa mo mubuya na baYuda bosi ababya bikereyo,

¹³ mwambikako, mwimana hakuhi nage mwambwira ati, Saula mulikyetu, ubane erilangira ryawe Noko ndambi eyo mona bana erilangira ryage monamulolako.

¹⁴ Naye mwabuga ati, OMungu wabotata wetu amayisoga we eriminya erisonda riwe, erilola okoyu Tunganene neriowa omulenge akalwa omo buno buwe;

¹⁵ kusangwa wasyabya omutuli womwatsi webyo wabirilangira nebyo wabiriowa busana naye oko bandu bosi.

¹⁶ Na lino ukalinda busana naki? Hangana ubatisibawe, weraye ebibi byawe erilakira erina riwe.

¹⁷ Nabere nabisuba eYerusalema ngasabira omo hekalu, monabya ngindi mu bulime.

¹⁸ Monamulolako akabuga nage ati, Anguha ulwe mo Yerusalema luba, kusangwa sibendesyaliga eritulago ryawe busana nage.

¹⁹ Nage nyiti, Mukama nabo banasi konahira abakwikiriraya bomo muliki monaswiriryabo omo manyumba werihindana gosi.

²⁰ Kandi omugulu buta omusasi wa Setefano omulangiri wawe, nanabya nyimeneho monasima, monabika esyongimba syabamwita.

²¹ Naye mwa mbwira ati, Genda; kusangwa nasyakutuma hali oko Bihanda.

²² Mobamowa erihika oko kinywa ekyo; neryo mobabugira igoma bati, Omundu ngoyu angalwa omo kihugo! kusangwa siatolere eribyaho

²³ Nomugulu babugira igoma nerihunga hungya esyongimba syabo nerigusanga olututu lwendata,

²⁴ omukulu wabasoda mwategeka aletawa omo nyumba yaba soda, kandi mwategeka ati alengaweko omwiswiribwa omo mikoba, eriminya ekyamaleka ibabugira igoma batya busana naye.

²⁵ Nikwa babere babimuboha omo lukoba, Paulo mwabuga na mukulu wabasoda erigana oyo wabya wimeneho ati, Ebihano bikaliga kwomundu eriswiribwa amabya ari muRoma, atariasingwa omo lubanza kwehi?

²⁶ Nomukulu wabasoda abere owekyo, mwayabwira ogundi omukulu ati, Ukasonda erikolaki kwehi? Kusangwa omundu oyu ni mu Roma.

²⁷ Omukulu mwasa mwamubulya ati, Mbwire, uri muRoma kwehi? Naye ati, Ega.

²⁸ Nomukulu mwamusubirya ati nage nagula eribya muRoma omo buguri bunene. Paulo ati Nikwa ingye ndi mbutirwa yayo.

²⁹ Kyaleka abasonda erimu lengako ibamuleka luba; nomukulu mubaha, aminya ko Paulo ari muRoma kandi alwe amamuboha.

Paulo embere wabakulu

³⁰ Nikwa engyakya, abere asonda eriminya ndeke ekyaleka abaYuda ibamuhandikirira nga niki, mwamubohola, mwategeka abahereri bakulu neribugiro ryosi bahindane, neryo mwanda galya Paulo mwamuhira embere syabo.