Emibiri 21 - Nouveau Testament et Psaumes en Ndandi Version 1962

Olugendo lweriya eYerusalema

¹ Twabere twabigabana nabo motwagenda omo bwato, motwahika eKosi omunzira itunganene nengyakya mo twahika eRodo, nerilwa eyo motwahika ePatara.

² Itukegaya obwato obukasokera Foiniki, motwingiramo, motwagenda.

³ Nomugulu twalangira eKipuro motwasigakyo oko luhande lwamalembe motwalola eSiria, motwalwiramo eTiro; kusangwa aho bakalusiraya ebindu omo bwato.

⁴ Twabere twabisonga songya abiga, motwikalaho ebiro birinda. Nabo mobabwira Paulo omo kagala keKirimu bati, Siaye eYerusalema.

⁵ Neryo twabere twabuga yebiro byetu, motwalwayo motwagenda; nabosi mobatutsindika, abakali nabana erihika ho kyaswa kyo muyi: motwakukama oko misege yengetsi motwasaba motwa hana obuholo.

⁶ Neryo motwingira omo bwato, nabo mobasuba ewabo.

⁷ Neryo twabere twabuga olugendo erilwa Tiro motwahika eTolemai; motwabukya balikyetu motwikala nabo ekiro kiguma.

⁸ Nengyakya motwalwayo motwahika eKaisaria: motwingira omwa Filipo omukangirirya wEngulu yowene, abya muguma woko balinda, motwikala naye.

⁹ Abya awite abali bani abata hikibwe, abaminyerera.

¹⁰ Twabere tunikereyo ebiro bingi omuminyereri oyu kahulawa mo Agabo mwalwa Yudea.

¹¹ Mwatuhikako mwimya omukoba wa Paulo mwabohago oko magulu noko maboko, ati, EKirimu Kibuyirire kikabuga kitya, kiti, AbaYuda beYerusalema basyaboha omundu mwenye omukoba oyu yobatya, basyamuhotela omo byala byeBihanda.

¹² Twabere towa ekyo itwe nabaho motwamugonga-gonga tuti siahetukire eYerusalema.

¹³ Paulo mwasubirya ati, Muka yira muti, eririra nirihahukya omutima wage kwehi? kusangwa nyisikire si ryeriboherwa eYerusalema risa nikwa nerihola busana nerina ryoMukama Yesu.

¹⁴ Nomugulu agana eribi ndulwa, motwayibera bukutu tuti, Erisonda ryoMukama rikolawe.

¹⁵ Enyuma webiro ebi motwagosola motwahetukira eYeru salema.

¹⁶ Kandi abandi biga balwa eKaisaria motwagendania, mobatuleta omo nyumba ya Nasoni weKipura, omwiga weri mbere, itukandigotsera omuwe.

Paulo eYerusalema

¹⁷ Twabere twahika eYerusalema, balikyetu mobatukokya ndeke nobutseme.

¹⁸ Nengyakya Paulo mwingira haguma netu omwa Yakobo: abakulu bosi ibanemo.

¹⁹ Twabere twabibu kyabo, motwakaniryabo emyatsi yosi mugumamuguma eyo Mungu akola omo Bihanda busana nomubiri wuwe.

²⁰ Nomu gulu bowabyo mobakenga Mungu, mobabuga naye bati, Unalangire, mulikyetu, esyoelfu nyingi syoko baYuda abikiri raya; abosi bari nomuhwa busana nebihano,

²¹ babiribwirwa busana nawe ambu ukakangiriraya abaYuda bosi abari omo Bihanda baleka Musa, neribwirabo sibabanaye abana babo kutse erikwama emitsye.

²² Ni kyahi ekyangakolwa kwehi? Basyowa ndeke kowabirihika.

²³ Neryo ukole ekyo tukaku bwira. Tuwiteabalumebanibabirilahirya:

²⁴ Wimayeabandu aba uyeraye haguma urihirebo ibatoka erisisa emitwe yabo. Ritya abosi basyaminya kohate kindu omwebyo babiriowa busana nawe nikwa kunemukwama ebihano.

²⁵ Nikwa busana neBihanda ababirikirirya, twabirituma ebarua neritegeka tuti baleke ekyabirihererwa okwisumba, nomuregano, nebikani gawa, nerisingira.

²⁶ Neryo Paulo mwimya abandu abo, nengyakya mwayerya haguma nabo mwingira mwehekalu, mwabwirabo omwatsi werihikana ryebiro byerieribwa nobuhere bwoburi mundu wakubo.

Eritsimbwa ryaPaulo

²⁷ Omugulu ebiro birinda bikisiya ibyahwa abaYuda beAsia, abamulolako omo hekalu, mobatwa eyisesi omo ndeko, moba mutsimba,

²⁸ mobabugira iguma bati, Inywe balume be Israeli, mutuwatikaye: Oyu yo mundu oyu kakangiriraya abandu ehosi eripona abandu nebihano nahano; kandi mwa katwala abaGiriki omo hekalu, bakatsandaya ahabuyirire.

²⁹ Kusangwa babya babirilangira Trofimo omunyaEfeso, iniane haguma naye omo muyi, mobaringikania bati Paulo yuriamu twala omo hekalu.

³⁰ Neryo omuyi gosi mwabya molukanda, nabandu mobahindana bakatibita; mobatsimba Paulo moba mukurira eyihya wehekalu neryo-neryo esyonyuyi mosyakingwa.

³¹ Babere balenga erimwita, engulu moyahika oko mukulu wabasoda bati eYerusalema kwamabitsanda.

³² Neryo-neryo mwimya abasoda nabakapiteni mobandagala bakatibita; nomu­gulu balangira mukulu wabasoda, mobaleka eriswirya Paulo.

³³ Neryo omukulu wabasoda mwahikaho mwamuhamba mwa tegeka ati abohawe omo mahulula abiri neryo mwabulya ati kwe nindi kandi ayirire ati?

³⁴ Abandi bomo ndeko mobabuga kindi, nabandi kindi; neryo kusangwa babugira iguma mwata toka eriminya ekyekwenene, mwategeka ati atwalawe omo manyumba wabasoda.

³⁵ Abere ahika oko bisambiro, mwa hekwa nabasoda busana nerikala yendeko;

³⁶ kusangwa endeko yabandu moyakwama ikabugira igoma, iti, Mumulusayeho!

³⁷ Nomugulu abasoda basonda eriingirya Paulo omo nyumba ya basoda, mwabulya omukulu wabasoda ati, Wanganaliga inakubwira mwatsi kwehi? Naye ati, Unasi kiGiriki kwehi?

³⁸ Suri munyaMisiri, monzo, oyo watwa eyisesi noyo wasondo lera abiti esyoelfu ini omo mbwarara kwehi?

³⁹ Nikwa Paulo mwasubirya ati, Indi muYuda, we Tarso omuyi we Kilikia, endulani yomomuyi owate muke; ngakusaba, omba hamuli yeribuga na bandu.

⁴⁰ Abere amuha ehamuli, Paulo inianimene oko bisambiro, mwakoherya abandu; nomugulu babya bukutu, mwabuga nabo omo kiEbrania, ati: