Emibiri 20 - Nouveau Testament et Psaumes en Ndandi Version 1962

Olugendo lwa Paulo eMakedonia

¹ Olukanda lwabere lwabiumbya, Paulo mwatumira oko biga, mwahanabo mwalagana nabo neryo mwaya eMake donia.

² Abere abilaba omo kihugo ekyo iniamabisikya emitima yabo, mwahika ewabaGiriki.

³ Neyo mwabyayo emikera isatu, nomugulu abaYuda bamuyira embita asonda erisokera eSiria, mwasonda eriswalaba eMakedonia.

⁴ Sapateri weBeroya, omu gala wa Piru, mwagenda naye; noku banyaTesolonika, Aristarko na Sekundo; na Gaya we Derube, na Timoteo: noku banyaAsia, Tikiko, na Trofimo.

⁵ Abo bobatsuka embere bakatulindirira eTroa.

⁶ Nikwa itwe motwasoka omo bwato erilwa Filipi enyuma we biro ebyo byobundu bute mo kihamya, nenyuma webiro bitano motwahika kubo eTroa, neyo motwikala ebiro birinda.

Erilubuka rya Eutiko

⁷ Noko kiro kyeritsuka yenga, twabere twabihindana eritsu tsanga obundu, Paulo mwakaniryabo akasonda erilwayo omu ngyakya; neryo mwayitsinga okwibuga erihika omukati kanene.

⁸ Habya esiseke nyingi omo ngonde yendata aho twabya tuhindene.

⁹ Nomulwana yokahulawa mo Eutiko abya ikere omo ryeseryo, mwayitsingirako kutsibu omugulu Paulo ayi tsinga okwibuga; neryo mwakindwa notugotseri mwatogera ahisi erilwa omo nyumba yakasatu endata, mobamutelula iniamabihola.

¹⁰ Nikwa Paulo mwakimira ahisi mwamunami rako, mwamubagarira mwabuga ati, Simusweke, akineho.

¹¹ Neryo Paulo naye abere abihetukira endata abitsutsanga obundu nerirya, mwakania nabo endambi nyiri, erihika okwikya, neryo mwagenda.

¹² Nabo mobatwala omulwana inianeho, mobabuyahirwa.

¹³ Neryo erilaba emuliro omo bwato, motwasokera eAsosi; itukasonda erimuhira omo bwato eyo; kusangwa iniamabite geka atya, iniakasonda eriyayo omo bisandu.

¹⁴ Abere ahindana netu eAsosi, motwamwingirya omo bwato motwahika eMitilene.

¹⁵ Nerilwayo omo bwato motwahika engyakya ahisirya oko Kio; nekindi kiro motwahika eSamo; nekiro kyenyuma kwekyo motwahika eMileto.

¹⁶ Kusangwa Paulo iniabiriganirya erilaba Efeso, kusangwa sianzire eriikala eAsia; kusangwa anguha eriyabya eYerusalema, oko kiro kya Pentekote ryamatokekana.

Paulo na bakulu bEfeso

¹⁷ Abere ane Mileto mwatumira oko bakulu bekanisa eEfeso.

¹⁸ Babere babimuhikako, mwabuga nabo ati, Nenyu munasi ko nabya nenyu endambi yosi eritsuka ekiro nahika eAsia,

¹⁹ inyinemukolera oMukama eriyibombeka haguma nemisonia, nerirengwako ebyanyihikako busana nesyo mbita syabaYuda;

²⁰ ngoko ndayikakiraya eribabwira ekindu ekyangaha endundi, neribakangirirya embere syabandu no mwendi nyumba nomwendi nyumba,

²¹ eritulago oko baYuda na baGiriki eribindukira oko Mungu neriikirirya Mukama wetu Yesu Kristo.

²² Na lino lebaya, ngaya eYerusalema, inyibohire omo Kirimu, isinyasi ebyasyambikako kweyo;

²³ kyenekyo eKirimu Kibuyirire kikambwira omu miyi yosi, kiti omuliki namalige bikandindirira.

²⁴ Nikwa sindi ganza engebe yage nga yagula kutse ngekindu nyanzire rye neribuga olugendo lwage nomubiri ogo nimaya oko Mukama Yesu, eritula engulu yowene yolukogo loMungu.

²⁵ Na lino lebaya, nyinasi inywe bosi konabirilendera nenyu erikangirirya ebyobwami simwendi syaswalola oko busu bwage.

²⁶ Kikaleka inababwira munabwire nyiti sinyiri ko musasi winywe bosi,

²⁷ kusangwa mondagana eribabwira erihana ryosi ryoMungu.

²⁸ Muyitegaye inywe bene nekihyo kyosi, eKirimu Kibuyirire kyabiribahira mo bateya, eririsya ekanisa yoMukama eyagula omo musasi wuwe.

²⁹ Nyasi nasyabya nabilwaho amakungu akalire asingira omu katikati kenyu, siendisyasigania ekihyo;

³⁰ nomokatikati kenyu hasyahangana bandu bakabuga emyatsi eyite yakwenene, erikurira abiga enyuma kubo.

³¹ Neryo mutegaye, mwibuke ngoko emituta isatu mondaleka erihana oburi mundu omo kiro nomwitungi nemisonia.

³² Na lino ngabahira oko Mungu noko kinywa kyolukogo luwe, olukatoka eribahimba neribaha omwandu omukati-kati kababirihigulwa.

³³ Mondarumwa kubitsipa kutse miringa kutse kulukimba lwomundu nomu guma.

³⁴ Inywe munasi kwebyala ebi bikakola ebikanyibuga obwaga, nobwabari haguma nage.

³⁵ Onm myatsi eyi yosi nabiribakangya ngoko erikola ritya mundu angawatikya abolo bolo, eriyibuka ebinywa byoMukama Yesu, ngoko abuga ati, Erihitya rikaleta omuyisa kwilaba erihabwa.

³⁶ Abere abibuga atya, mwakukama mwasaba nabo bosi.

³⁷ Nabosi mobarira mobakerya Paulo mobamuryatsirira,

³⁸ mobabya nobulige kwilaba busana nekinywa abwirabo, ati sibendisyaswamulolako kandi. Mobamutsindika bamukolya oko bwato.