Emibiri 15 - Nouveau Testament et Psaumes en Ndandi Version 1962

Erihindana ryekanisa

¹ Nikwa abandi bandu mo bandagala balwa eYudea moba kangirirya abalikyetu, bati, Mwamatindabana ngebihano byaMusa, isimwangatoka erilamibwa.

² Nikwa omugulu Paulo na Barunaba bamibinegena bakakuba obuhaka nabo, Paulo na Barunaba nabandi mobayisogwa erihetukira eYerusalema oko bakwenda nabakulu busana nomwatsi oyo.

³ Neryo ekanisa moyatsindikabo mobalaba Foiniki neSamaria, ibanemukani ryabo eribinduka ryeBihanda, mobatsemesya balikyetu bosi kutsibu.

⁴ Nomugulu bahika eYerusalema, mobakokibwa nekanisa nabakwenda nabakulu mobakaniryabo ebyosi ebyo Mungu akola nabo.

⁵ Nikwa abandi abikirirye abekihanda kyabaFarisayo mobahangana, bati, Ritolere ibabanibwa neri tegekabo bati bategaye erihana ryaMusa.

Erikania ryaPetero

⁶ Nabakwenda nabakulu mobahindana erikania omwatsi oyo.

⁷ Nenyuma wobuhaka bunene, Petero mwahangana mwabuga nabo, ati, Balikyetu, munasi ngoko Mungu ayisoga omukati kati kenyu oko biro byerimbere, ati omu buno bwage eBihanda byowe eKinywa kyengulu yowene nerikirirya.

⁸ Omungu oyo wasi omutima mwatula omwatsi kubo, iniakahabo eKirimu Kibuyirire ngoko atuhakyo;

⁹ mwatahira erigabana omukati kati ketu nabo, nikwa mwerya emitima yabo nerikirirya.

¹⁰ Neryo busana naki mukalenga oko Mungu erihira emiheke oko bikya byabiga eyo abotata wetu batatoka eriheka kutse itwe kwehi?

¹¹ Nikwa tukikiriraya ko tukandisyalamibwa omolukogo lwoMukama Yesu, ngabo.

Erikania ryaYakobo

¹² Nendeko yosi moyabya bukutu; mobahulikirira uku Barunaba na Paulo omugulu bakanaya ebiminyikalo nebyeri swekera ebyo Mungu ahabo erikola omo Bihanda.

¹³ Neryo babere babibuga, Yakobo mwasubiryabo, ati, Balikyetu munyi hulikirire.

¹⁴ Simeoni abiritulago ngoko Mungu atsuka eribana eBihanda, eriyisoga omukati-kati kabo ekitunga busana nerina riwe.

¹⁵ Nebinwa ebi byamaringana nebyabaminyereri, ngoko kisakire, kiti,

¹⁶ Enyuma waho nasyasubula, Nasyaswahimba enyumba ya Dawidi, eyatera; Nasyaswahimba, ahasambukala, Nasyahanganiayo,

¹⁷ Abakisiya babandu basonda-sondaye oMukama, NeBihanda byosi abakabirikirawa omo rina ryage,

¹⁸ OMukama atya, oyo waminyisaya emyatsi eyi eritsuka kera kera.

¹⁹ Neryo eritswera ryage riti sitwendereraye abeBihanda abakabindukira Mungu,

²⁰ nikwa tusakirebo tuti baleke ebikatsandaya byesisumba nerisingira nebinigire nomusasi.

²¹ Kusangwa eritsuka oko syondengo syerimbere Musa anawite oko miyi yosi abakatula emyatsi yiwe, ikasomerawa omo manyumba werihindana oko sabato syosi.

Ebarua yabakwenda

²² Neryo mokyatsemesya abakwenda nabakulu, haguma nekanisa yosi, eriyisoga abandu omukati-kati kabo neritumabo eAntiokia haguma na Paulo na Barunaba; mobatuma Yuda oyu kahulawa Baranaba, na Sila, abasondoli omukati-kati kabali kyetu,

²³ haguma nebarua eyi, iti, Balikyetu, abakwenda na bakulu, oko balikyetu abeBihanda eAntiokia neSiria neKilikia, tukabakeraya.

²⁴ Eritsuka ekiro towa abandu bakwitwe babi ribahahukya emitima nebinywa, erigangagangya oburingikania bwenyu, abo tutategeka,

²⁵ ryamatutsemesya ituhindene haguma eriyisoga bandu neritumabo kwinywe haguma nabanze betu Barunaba na Paulo,

²⁶ abandu babiriyisiga busana no Mukama wetu Yesu Kristo.

²⁷ Neryo twamatuma Yuda na Sila, nabo ibobene basyabatulira emyatsi eyi omo buno bwabo.

²⁸ Kusangwa yabiritsemesya eKirimu Kibuyirire netu eriti ndahira kwinywe omuheke owalabire emyatsi eyitolera eyi:

²⁹ muleke ekyabirihererwa oko sisumba, nomusasi, nekikani gawa, nerisingira; mwamayiteya ukwebi, imukakola ndeke. Mubye nobuholo.

³⁰ Abatsindikawa batya, mobandagalira eAntiokia; babere babihindanya endeko, mobahabo ebarua.

³¹ Neryo babere basomayo mobatsema busana nerihana eryo.

³² Yuda na Sila, ababya baminyereri, mobahana balikyetu nebinywa bingi mo bahabo maka.

³³ Nenyuma weriikalaho biro, balikyetu moba tsindikabo omo buholo oko batumabo.

³⁴ Nikwa Sila mwanza erisigalayo.

³⁵ Nikwa Paulo na Barunaba mobasigala eAntiokia, erikangirirya neritula eKinywa kyoMukama, haguma nabandi bangi nibya.

Olugendo lwa Paulo lwakabiri

³⁶ Nenyuma webindi biro bike Paulo mwabwira Barunaba, ati, Wase tusubule tuyabane balikyetu omo miyi yosi eyo twatula mwekinywa kyoMukama, tulebaye ngoko babere.

³⁷ Barunaba mwasonda eritwala Yoane oyo kahulawa mo Mariko haguma nabo.

³⁸ Nikwa Paulo mwataganirya nga ryowene eritwala oyo watswa kubo ePamfilia, oyu tagenda nabo oko mubiri.

³⁹ Neryo mohabya erinegena rikalire, kyaleka ibagabana; Barunaba mwatwala Mariko haguma naye moba sokera eKipuro omo bwato,

⁴⁰ Na Paulo mwayisoga Sila neryo mobalwayo, balikyetu ibamahirabo oko lukogo lwo Mukama.

⁴¹ Naye mwalaba eSiria na Kilikia iniakaha amaka oko syokanisa.