Emibiri 10 - Nouveau Testament et Psaumes en Ndandi Version 1962

Kornelio

¹ Ekaisaria habya mundu oyu kahulawa mo Kornelio, omukulu wa basoda erigana wekihanda kyeItalia,

² omundu mugenge oyu kubaha Mungu iye nenyumba yiwe yosi, iniakahitaya ndeke oko bandu, nerisaba Mungu endambi yosi.

³ Hakuhi nendambi yomwenda yeritungi mwalangira ndeke omonzoli omulaika woMungu akasa akabuga naye, ati Kornelio.

⁴ Naye mwamusamarira neriubaha, mwamubulya, ati, Niki Mukama? Naye mwamubwira ati, Erisaba ryawe nerihitya ryawe byabirihetuka emuliro woMungu ngerimwi bukya.

⁵ Na lino utume abandu eYopa, ulete Simoni oyu kahulawa mo Petero;

⁶ ikere na Simoni, omubambi wesyongobi, enyumba yiwe ihererenie nengetsi.

⁷ Omulaika oyo wabuga naye abere abigenda, mwabirikira abagombe biwe babiri nomusoda mugenge oko bakamukolera emigulu yosi,

⁸ abere abibwirabo ebyosi mwatumabo eYopa.

Erilota ryaPetero

⁹ Nengyakya, bakagenda basonda erihika hakuhi nomuyi, Petero mwaya omo nyumba yendata erisaba hakuhi neritungi.

¹⁰ Neryo mwakwa enzala mwasonda erirya; nikwa omugulu bakokotaya akaryo mwabya ngakalota,

¹¹ mwalebya olubula ilukingukere, nekindu ikikandagala, ngolukimba lunene, luka ndagalibawa nesyongonde ini erihika oko kitaka.

¹² Mulo imuri esyonyama misindo yosi esyemigulu ini nesikakululuka nesyonyonyu syomukyanya.

¹³ Nomulenge mwasa okwiye, ati, Hangana, Petero, usinze urye.

¹⁴ Nikwa Petero mwabuga, ati, Eyihi Mukama; sindinatarya kindu buyira kutse kibi na kera.

¹⁵ Nomulenge mwamubwira engendo ya kabiri, ati, Ebyo Mungu abirierya isiwahulebyo mo buyira.

¹⁶ Omwatsi oyu mwakolwa engendo isatu, nekindu ekyo mokyasumbirwa elubula neryo-neryo.

¹⁷ Omugulu Petero atikatika mo mutima wuwe ngesyonzoli esyo amalolako nga ni musindoki, lebaya, abandu babiri aba tumawa na Kornelio bamabibulya enyumba ya Simoni, ibana hangene okwirimbo,

¹⁸ mobabirikira eribulya nga Simoni oyo kahulawa mo Petero nganikeremo.

¹⁹ Nomugulu Petero abya akaringikania esyonzoli, eKirimu mokyamubwira, kiti, Langira bandu basatu bakakusonda.

²⁰ Hangana wandagala, ugende nabo sutikatike; kusangwa ingye natumabo.

²¹ Neryo Petero mwakima mweya abandu abo mwabwirabo ati, ni ingye oyo mukasonda; ekikabaleta niki kwehi?

²² Nabo bati, Kornelio, omukulu werigana, mundu mubuya neriubaha Mungu, oyo kasimawa nekihanda kyosi kyabaYuda, abwirawa nomulaika oyu buyirire erikutumirako eriya ewuwe, owe ebinywa byawe.

²³ Neryo mwingiryabo mo bageni buwe. Nengyakya mwahangana mwagenda nabo, nabandi balikyetu beYopa mobagenda naye,

Petero na Kornelio

²⁴ nengyakya mobingira Kaisaria. Na Kornelio inianalindirirebo, iniabirihindania ekitunga kyabo nabira biwe.

²⁵ Petero abere abiingira, Kornelio mwahindana naye mwagwa ahisi oko bisandu biwe, mwamukukamira.

²⁶ Nikwa Petero mwamuhangania, ati, Hangana; nage indi mundu.

²⁷ Nomugulu akanaya naye mwingira mweya ibahi ndeneho bangi;

²⁸ neryo mwabwirabo ati, Inywe munasi ko riganirwe omuYuda akaikala haguma kutse eriyabana abekindi kihanda; nikwa Mungu abirinyikangya ko nde nangahula mundu mo buyira kutse mo mubi.

²⁹ Neryo omugulu natu mawa ko monasa mondagana. Neryo ngabulaya ekyaleka imwanyitumirako.

³⁰ Kornelio mwabuga, ati, Lino ni biro bini nabya ngateya endambi yomwenda erisaba omo nyumba yage; lebaya, omundu mwimana embere syage nolukimba luhenirye,

³¹ ati, Kornelio, erisaba ryawe ryamogubwa nerihitya ryawe ryamibukwa embere syoMungu.

³² Neryo utume eYopa utumire ku Simoni oyo kahulawa mo Petero; ikere omo nyumba ya Simoni mubambi wesyongobi, hakuhi nengetsi.

³³ Neryo-neryo monakutumi rako, nawe wamayira ndeke ukasa. Lino itwe bosi turi hano emuliro woMungu, eriowa ebyosi ebyo Mukama abirikutegeka.

³⁴ Neryo Petero mwakumbula obuno buwe, ati, Kwenene ngalebaya Mungu siariyira butaga,

³⁵ nikwa omo buri kihanda oyu kamubaha, nerikola ekitunganene, akaligawa naye.

³⁶ Mu nasi eKinywa ekyo atuma oko baIsraeli, eritula engulu yowene yobuholo busana na Yesu Kristo (iye ni Mukama wabosi),

³⁷ eKinywa ekyo mokyatulwa eYudea hosi, eritsuka eGalilaya enyuma yolubatisimo eyo Yoane akangiriraya:

³⁸ ngokoMungu ahakabaya Yesu we Nazareti neKirimu Kibuyirire namaka; ngoko alendera akakola ebibuya nerilamya abosi bagalibawa neSatani, kusangwa Mungu abya naye.

³⁹ Netu turi balangiri bebyosi akola omo kihugo kyabaYuda neYeru salema; mobamwita erimubamba oko muti.

⁴⁰ Nikwa Mungu mwamulubukya ekiro kyebisatu mwamuminyikalya;

⁴¹ butsira oko bandu bosi nikwa kwitwe abayisogawa noMungu eribya balangiri, itwe twarya neripulya haguma naye enyuma abilu buka omo baholi.

⁴² Naye mwatutegeka eritulago oko bandu, neribuga kwariyo yo Mungu ategeka eribya mutsweri wabariho nabaholire.

⁴³ Abaminyereri bosi bakatulago busana naye bati oburi mundu oyu kamwikiriraya akabana eribuyirwa ryebibi oko rina riwe.

⁴⁴ Nomugulu Petero abere akinabuga eki, eKirimu Kibu yirire mokyatogera oko bosi bowa eKinywa ekyo.

⁴⁵ Nabiki rirye omukati-kati kababwene abasa na Petero mobasweka, kusangwa erihitya ryeKirimu Kibuyirire kyutulirawa oko Bihanda nibya.

⁴⁶ Kusangwa mobowabo bakabuga omo mibuge neripipa Mungu. Neryo Petero mwabulya, ati,

⁴⁷ Nindi wangatoka eritagana amagetsi eribatisya abandu aba ababiriangirira eKirimu Kibuyirire ngatwe kwehi?

⁴⁸ Neryo mwategekabo ati, babatisibawe omo rina rya Yesu Kristo. Neryo mobamu bulya bati ikale nabo ebindi biro.