AbanyaRoma 9 - Nouveau Testament et Psaumes en Ndandi Version 1962

Obulige bwa Paulo busana na Israeli

¹ Ngabuga kwenene omwisi wa Kristo, sindibiha; omutima wage akabya mulangiri wage omo Kirimu Kibuyirire,

² ko ngwite obulige bunene neriagalwa eritehwa omo mutima wage.

³ Kusangwa nanganza eribya omutakirwa erilusibwa oko Kristo busana na bagala betu abekitunga kyage.

⁴ Ni baIsraeli, abahabawa eribya bagala, nolukengerwa, nerilagana, nerihabwa ebihano, nerikukamira, nebyalaganawa;

⁵ abahabawa abakulu, noko kihanda kyabo, oko mubiri, Kristo mwalwa mukyo. OMungu oyuri endata kobosi abye nomuyisa na kera nakera. Bibye bitya.

⁶ Nikwa sirye eribuga riti eKinywa kyoMungu mokya burangana. Kusangwa sibabosi ababutawa naIsraeli bakabya baIsraeli,

⁷ kandi olubuto losi lwa Abrahamu si bana buwe; nikwa ati, Ni busana na Isaka olubuto lwawe lwasyahulwa.

⁸ Rye ribuga riti aba bomubiri bo bate bana boMungu, nikwa abana berilaga bobakaganzawa molubuto.

⁹ Kusangwa erilaga ryeri riti, Nasyasubula oko mugulu ngoyu na Sera asyabya nomugala.

¹⁰ Kandi butsira ikyo kyene nikwa omugulu Rebeka amabiheka obukule bwamundu ye sokulu Isaka.

¹¹ Nomo banabya batebabutwa isibetakola kibuya kutse kibi, oburingi­kania bweriyisoga bwoMungu butoke eribererera, butsira busana nemibiri nikwa busana neribirikira riwe,

¹² iye mwa bwirwa ati, Omukulu asyakolera omulere.

¹³ Ngoko risakire riti, Nabirianza Yakobo, nikwa Isau nyimukwire obusu.

Obukari nolukogo byoMungu

¹⁴ Byamabya biri bitya tubugeki kwehi? Ko Mungur awite ekitatunganene kwehi? Eyihi na hake!

¹⁵ Kusangwa abwira Musa ati Nasyaganyira oyo nasyaganyira, kandi nasyakwa olukogo ukwoyo nasyakwa olukogo.

¹⁶ Kyo kikaleka ibitalwa okwisonda ryomundu kutse oko mibiri nikwa bikalwa okwi genyera ryoMungu.

¹⁷ Kusangwa amasako akabwira Farao ati Nabirikuhangania busana nerisonda eri erikangania amaka wage omwisi wawe, erina ryage rikanganibawe omo kihugo kyosi.

¹⁸ Ritya akaganyira oyo akasonda, iniakalya omutima woyo anzire erikalya.

¹⁹ Neryo ukandimbwira uti, Busana naki akaswabana erilolo oko bandu kwehi? Kusangwa ni ndi angatoka erilwa nerisonda riwe kwehi?

²⁰ Nikwa, uwendi uwe mundu buyira, ukakubi sanaya oMungu yo buhaka kwehi? Kwikwa ekikabumbawa kyangabuga noyuriakibumba kiti, Busana naki ukanyibumba utya kwehi?

²¹ Kwo mubumbi siari nehamuli okwibumba, erilusya omo muko muguma mwenyungu yobubuya neyindi busana nemibiri mityamitya kwehi?

²² Ko Mungu amasonda erikangya eriagarirwa riwe neriminyisa akagala kuwe, abiri lindirira neritindaluha ringi esyonyungu syerihitana esyabu mbawa busana neriheribwa,

²³ busana neriminyisya ebindu byolukengerwa luwe busana nebisya byeriganyira ebyo abiriko kotya erimbere busana nolukengerwa,

²⁴ busana netu itwe abirikira, butsira abaYuda ibobene nikwa noko Bihanda kwehi?

²⁵ Ngoko akabuga kwenene omo buno bwaHosea ati, Abatabya ekitunga kyage, nasyabirikirabo mo kitunga kyage, Noyo tabya mwanze wage wobukali nasyamwahula mo mwanze wage.

²⁶ Na ho ihohene aho babwirirawa ati, Simuri bandu bage; Ho basyahurirwa mo bagala boMungu oyuriho.

²⁷ Isaya akabuga kutsibu busana naIsraeli: ati, Nomo eriganza ryabagala baIsraeli ryangabya nge misege yengetsi, abakisiya bakubo basyalamibwa;

²⁸ kusangwa Mukama asyabugirira eritswera riwe oko kihugo omo bukari mo luba.

²⁹ Kandi ngoko Isaya aminyerera kera ati, Kumbe oMukama wemilondo atatusigira abana, Kumbe twabirirbya ngeSodomo neriyirwa ngeGomora.

³⁰ Twasyabugaki kwehi? Tuti eBihanda abatakwamirira eri tunganene babiribanaryo, eritunganene busana nerikirirya;

³¹ nikwa Israeli oyo wakwama eritunganene erimene oko bihano mobatahika okwiberererya ebihano ebyo.

³² Busana naki kwehi? Kusangwa mobatakwamiriraryo omwikirirya, nikwa nga rimene oko mibiri. Mobatwikala okwibwe ryeritwikalya,

³³ ngoko kisakire kiti, Lebaya ngahira omu Sioni eribwe ryasyaleka bandu ibatwikala, Eribwe ryasyaleka ibayihinda; Noyo kamwikiriraya siendisitwa esisoni.