AbanyaRoma 10 - Nouveau Testament et Psaumes en Ndandi Version 1962

Erigana rya Israeli

¹ Bagala betu, erisonda ryomutima wage nerisaba ryage oko Mungu nyiti balamibawe.

² Ngatula omwatsi wabo ko bawite omuhwa oko Mungu, nikwa siweriminya.

³ Ku sangwa isibasi eritunganene erikalwa oko Mungu, nerisonda erihangania ryabo, mobataliga eriowa eritunganene ryoMungu.

⁴ Kusangwa Kristo ni nduli yebihano, obuli mundu oyuri nerikirirya atungananibawe.

⁵ Musa akasaka ati omundu oyu kakola eritunganene erika hangana oko bihano asyabyaho muryo.

⁶ Nikwa eritunganene erimene okwikirirya riti, Subuge omo mutima wawe uti, Nindi wasyahetukira elubula kwehi? (riringene ngeriandagalya Kristo)

⁷ kutse, Nindi wasyakimira ekurimu kwehi? (riringene ngeri hetukya Kristo erimulusya oko baholi).

⁸ Nikwa kikabuga kitiki kwehi? eKinywa kiri hakuhi nawe, noko minywa yawe nomo mutima wawe (ni kinywa kyerikirirya ekyo tukakangiri raya);

⁹ kusangwa, wamakangya omo minywa yawe ko Yesu ari Mukama ukikiriraya omo mutima wawe ko Mungu amulu bukaya oko baholi, iwalamibwa.

¹⁰ Kusangwa omundu akikiriraya omo mutima neryo iniakatungananibawa, kandi akakangaya neminywa yiwe inialamibwa.

¹¹ Amasako akabuga ati, Sihari omundu oyu kamwikiriraya oyo wasitwa esisoni.

¹² Kusangwa sihari erisombola omo katikati komuYuda nomuGiriki; Omukama muguma ni Mukama wabosi yukaha ebindu biwe oko bosi abakamulakira.

¹³ Nikwa, Oburi mundu oyu kalakira erina ryoMukama asyalamibwa.

¹⁴ Nikwa abandu basyalakira oyo batebaliga bati kwehi? Kandi basyaliga bati oyo batebowa na kera kwehi? Kandi basyowa bati hate omutuli wago kwehi?

¹⁵ Nabandu bangatulago bati bataryatumawa kwehi? Ngoko kisakire kiti, Ebisandu byabakatula engulu yowene ko biri bibuya kundu!

¹⁶ Nikwa abosi mobatasima engulu yowene; kusangwa Isaya ati, Mukama, nindi wamaliga ekyo tukabuga kwehi?

¹⁷ Ritya eriliga rikalwa okwowa, nekikogubawa kikalwa okwitulago ryaKristo.

¹⁸ Nikwa ngabulaya, sibetowa kwehi? Kwenene babiriowa; kusangwa ati, Omulenge wabo abiritsungana omo kihugo kyosi Nebinywa byabo oko syonduli sye kihugo.

¹⁹ Kandi ngabulaya nyiti, Israeli mwataminya kwehi? Musa mwatsuka eribuga ati, Nasyaleka imwatsura abate kihanda, Nasyabahitania nekihanda kitawite menge.

²⁰ Neryo Isaya siariubaha eribuga ati, Nabiribanika oko batanyisondaya; Nabiriyikangya oko batabulaya busana nage.

²¹ Nikwa busana na Israeli ati, Ekiro kyosi nabirikakya ebyala byage oko bandu bateowa nabepono.