AbanyaKolosai 3 - Nouveau Testament et Psaumes en Ndandi Version 1962

Musondaye ebiri endata

¹ Mwamabya mwabirilubukibwa haguma na Kristo, musonda sonde emyatsi eyiri endata aho Kristo ari, anikere oko byala byamali byoMungu.

² Muhire oburingikania wenyu oko myatsi eyiri endata, butsira oko myatsi eyiri omo kihugo.

³ Kusangwa mwabirihola, nengebe yenyu ibisire haguma na Kristo omwisi woMungu.

⁴ Omugulu Kristo oyuri ngebe yetu asyaminyikalibwa, nenyu mwasyaminyikala haguma naye omo lukengerwa.

Eriita ebye kihugo omwisi wenyu

⁵ Neryo mwite ebiri bye kihugo omwisi wenyu: erisingira, ebitisirire, engumbu nyibi, erisonda ibi, erirumwa, eriri erisaba esisumba.

⁶ Busana nebi erihitana ryoMungu rikasira abagala batiowa.

⁷ Nenyu mwabya mukalendera mwebi, omugulu mwabyaho mubyo.

⁸ Nikwa lino mulusaye ebi byosi: erihitana, eriagarirwa, ekininga, eritsuma, neribuga ebyesisoni erilwa omo buno bwenyu.

⁹ Simubihirane, kusangwa mwabirilusya omundu wakera nemibiri yiwe,

¹⁰ imwabiriambala omundu muhyamuhya, oyo kayirawa mo muhyamuhya omwiminya omo kisosekanio kyomuhangiki wuwe.

¹¹ Aho sihari toka eribya muGiriki nomuYuda, oyo bwene noyo tabwene, omu yira, nomugendi, omukobe, noyu kayigenderaya, nikwa Kristo yo byosi, nomwisi webyosi.

Mwambale bihyabihya

¹² Nga bayisogawa noMungu, ababuyirire nabanze, mwa­mbale omutima werigenyera, obubuya, eriyikehya, eriyibo mbeka, neritindaluha,

¹³ erigenyerana, neribuyirana omundu amabya ari nomwatsi oko gundi; ngoko Mukama abiribabuyira nenyu ko mwangabuyira mutya.

¹⁴ Neryo kwilaba ebyosi ebi mwambale olwanzo olukaboha ebyosi haguma erihikana.

¹⁵ Kandi muleke obuholo bwa Kristo butabale omo mitima yenyu, obo mwabirikirawamo omo mubiri muguma. Kandi mubye newasingya.

¹⁶ eKinywa kyaKristo kikale omwisi wenyu neriboga; omo menge gosi nerikangirirania nerihanana omo syosauma nomo nyimbo nesyonyimbo syekirimu neri imbira oMungu nolukogo omo mitima yenyu.

¹⁷ Nebyosi mukakola, omo kinywa kutse omo mubiri, mukole ebyosi omo rina ryoMukama Yesu, eriha ewasingya oko Mungu Tata busana naye.

Erihana abosi

¹⁸ Abakali, mowe abibanywe, ngoko ritolere omwisi wo Mukama.

¹⁹ Abiba, mwanze abakali benyu, simukalihe kubo.

²⁰ Abana, mowe abakababuta omo myatsi yosi, kusangwa eki kikatsemesaya oMukama.

²¹ Abise, simuhitanaye abana benyu, imobataluha.

²² Abakobe, mowe omo myatsi yosi abari bakama benyu omo kihugo, butsira erikola oko meso, nga bakatsemesaya abandu, nikwa omo mutima muguma, eriubaha oMukama.

²³ Ebyosi mukakola, mukole nomutima nomuhwa, ngerikolera oMukama, butsira abandu.

²⁴ Imunasi ko mwasyangirira oko Mukama omwandu ngo luhembo lwenyu; mukakolera Mukama Kristo.

²⁵ Kusangwa omukola nabi asyarihwa kandi ebibi abirikola, kandi sihari erisombola ebitaga nebite bitaga.