AbanyaKolosai 2 - Nouveau Testament et Psaumes en Ndandi Version 1962

Sibatebawe

¹ Kusangwa nyanzire imwaminya ngoko ngabalwira, na busana nabo abari eLaodikia, na busana na bosi abatebalola oko busu bwage oko mubiri;

² emitima yabo isibikibawe, baringirawe haguma omo lwanzo, nomo busoki bosi bwerisika ndeke ryeriminya neriminya ekibisire kyoMungu, ye Kristo,

³ omwisi wuwe obusoki bwamenge neriminya mo bibisire.

⁴ Ngabuga eki sihabye omundu akabateba nebinywa byekisehya.

⁵ Kusangwa nomo nangabya ndeyo omo mubiri, indi haguma nenyu omo kirimu, ngatsema erilangira eriyitondeka ryenyu nerisika ryerikirirya ryenyu omwisi wa Kristo.

⁶ Neryo ngoko mwangirira Kristo Yesu Mukama, mulendere mutya omwisi wuwe,

⁷ mubye nemirihi omwisi wuwe neri himbwa omwisi wuwe nerisika omwikirirya, ngoko mwakangi riribawa, imwalabya eriha ewasingya.

⁸ Mulebaye sihabye omundu oyu kabombola omo menge neriteba erite moki, ngemitsye yabandu, kandi ngemitsye yeki hugo, butsira nga Kristo.

⁹ Kusangwa omwisi wuwe hikere erihikana ryosi ryoMungu omo mubiri,

¹⁰ nenyu mwabirihika okwihikana ryengebe omwisi wuwe, oyuri mutwe weritabala ryosi nehamuli yosi.

¹¹ Omwisi wuwe mwabanibawa neribana eritayirawa nebyala, busana nerilusya omubiri wabandu omwi bana ryaKristo;

¹² nenyu mwatabawa haguma naye omwibati sibwa, kandi mwalubukibawa haguma naye omwikirirya eryo Mungu akakola, oyo wamulubukaya oko baholi.

¹³ Nenyu, mwabya imuri baholi busana namalolo wenyu neritindabana ryomubiri wenyu, Iye mwabayira abariho haguma naye, iniamabitubuyira amalolo wetu gosi,

¹⁴ iniamabisangula ebi hano ebyatutsongera omo masako, ebyabya obuyigo bwetu; mwalusyaboho, mwakongomererabo oko musalaba.

¹⁵ Iniabi risingula amami nebyobutoki, mwahemulabyo neriminyikala, iniakakindabo mugo.

¹⁶ Neryo simuleke omundu eribatswera omo myatsi yakaryo neripulya kutse busana nekiro kikulu kutse omukera muhya muhya kutse sabatu.

¹⁷ Ebi ni kitsutsu kyebikandisyasa; nikwa omubiri ni waKristo.

¹⁸ Sihabye omundu oyu kabiba kwo luhembo lwenyu eribahatikana eriyikehya nerisaba abalaika iniakahangana oko syonzoli, neriyihamya busana nesyongumbu syoburingikania buwe,

¹⁹ isiawatene nomutwe, kugo omubiri gosi akatugawa nerilukwa haguma busana nesyonungo nemisisa, akakula nerikula eryoMungu.

²⁰ Mwamabya mwarihola haguma na Kristo oko bihano bye kihugo, busana naki mukabyaho nga mukine be kihugo? busana naki mukakwama ebihano? ebikabuga biti,

²¹ Suwate kukyo, kutse sugeraye, kutse sutule kukyo

²² (ebikahula emyatsi eyo eyikahera yosi busana nerikolwa), ngebihano neri kangirirya ryabandu.

²³ Kwenene ebi biwite erisosa ryamenge ryerisaba erisonda ryabandu neriyikehya nerikaramira omubiri, nikwa sibiwite endundi erikakakirya esyongumbu syomubiri.