AbanyaFilipi 4 - Nouveau Testament et Psaumes en Ndandi Version 1962

Eribya nobuganirya buguma

¹ Neryo, balikyetu, abo nyanzire nabo ngwire olukando, obutseme bwage, nembita yage, musike mutya omwisi woMukama, abanze bage.

² Ngagong-gonga Ewodia kandi ngagong-gonga Sintike babye boburingikania buguma omwisi woMukama.

³ Nawe ngakugo, uwe tusangire nawe kwenene oko mubiri uwatikaye abakali aba, kusangwa babirikola haguma nage omo ngulu yowene haguma na Klementi nabandi abasangiri bomu biri haguma nage, amena wabo asakire omo kitabu kyengebe.

Mutseme omwisi wa Kristo

⁴ Mutseme omwisi woMukama omugulu gosi; kandi nyiti, Mutseme.

⁵ Muleke abandu bosi baminye eriyibombeka ryenyu. OMukama ari hakuhi.

⁶ Simubye namaganiryo busana nekindu nekiguma, nikwa omo byosi busana nerisaba nerihatikana haguma newasingya muminyisaye oMungu ebyo mukabulaya.

⁷ Nobuholo bwoMungu, obulabire eriminya ryosi, bwasyateya emitima yenyu namaringikania wenyu omwisi wa Kristo Yesu.

Muganiraye ebibuya

⁸ Eribuga, balikyetu, ebyosi ebiri kwenene, ebyosi ebiri byeri sikibwa, nebyosi ebitunganene, nebyosi ebiri bibuya, nebyosi ebyanganzwa, nebyosi ebyerisimwa, hamabya hari ekibuya kilabire, kutse hamabya hari ekyangapipwa, muganiraye emyatsi eyi.

⁹ Ebyo mwabiriiga kwingye nebyo mwabiriangi rira nebyo mwabiriowa nebyo mwabirilangira kwingye, muko lebyo, noMungu wobuholo asyabya haguma nenyu.

Paulo akasima erihitya rya baFilipi

¹⁰ Ngatsema omwisi woMukama kutsibu, kusangwa mwa masala mwaswanyibuka; mwabya imukanyibuka, nikwa mo mwabula omwanya.

¹¹ Sindibuga nga ngarira eribula ebindu; kusangwa nabiriiga eritsema omo byosi.

¹² Nyinasi erikehibwa, kandi nyinasi erihamibwa; omo myatsi yosi nabiriiga ekibisa mire kyeriuguta neribya nenzala, eribana ebindu neribulabyo.

¹³ Ngatoka erikola emyatsi yosi omwisi woyu akamba akagala.

¹⁴ Momwanyiyirire ndeke erisangira amalige wage.

¹⁵ Ne nyu abaFilipi munasi okwitsuka ryengulu yowene, omugulu nalwa eMakedonia, sihabya ekanisa eyasangira haguma nage omo mwatsi werihitya nerihabwa nina nywe imwebene;

¹⁶ kusangwa eTesalonika momwanyitumira engendo nguma neyakabiri busana nobwaga bwage.

¹⁷ Butsira eribya nga ngasonda erihitya; nikwa ngasonda ebiguma ebyangakanya busana nendundi yenyu.

¹⁸ Nikwa ngwite ebindu byosi, nokwilaba; nabiriuguta, inabiriangirira uku Epafrodito ebindu mwalebeka, obuhere bukakumba ndeke, obuhere obukahere rawa obukasimawa neritsemesya oMungu.

¹⁹ Kandi Mungu wage asyahikania ebyosi ngo bwaga bwenyu bosi ngobusoki omo lukengerwa omwisi wa Kristo Yesu.

²⁰ Olukengerwa lubye oko Mungu wetu na Tata busana na kera na kera. Bibye bitya.

²¹ Mubukaye oburi mubuyirire omwisi wa Kristo Yesu. Abali kyetu abari haguma nage bakababukaya.

²² Ababuyirire bosi bakababukaya, nabenyumba ya Kaisari kutsibu.

²³ Olukogo lwoMukama Yesu Kristo lubye nekirimu kyenyu.