AbanyaFilipi 3 - Nouveau Testament et Psaumes en Ndandi Version 1962

Eriyiteya busana nabateyba

¹ Eribugirira balikyetu, mutseme omo Mukama. Eribasakira emyatsi eyi ngabya ngabasakira sirinyiluhaya, kandi nenyu inabatolere.

² Muyilebaye busana nesyombwa, muyilebaye busana na bakola nabi, muyilebaye busana nabakayibandanga.

³ Ku sangwa itwe turi beribana ryekwenene, abakakukamira Mungu omo Kirimu, itukayipipa omwisi wa Kristo Yesu, isituriyike tera omubiri.

⁴ Nikwa ingye ngwite ekyeriyiketera omo mubiri. Omundu amaganirya awite ekyeriyiketera omo mubiri, ingye kwilaba:

⁵ nabanibawa ekiro kyomunani, owekihanda kyeIsraeli, omo kitunga kyaBenyamina, muEbrania wabaEbrania; omuFarisayo omo bihano,

⁶ busana nomuhwa omwendererya wekanisa, busana neritunganene oko bihano isingwite ekyanga kungwa.

⁷ Nikwa ebyo byabya ngendundi busana nage, monaganzabyo mwitalya busana na Kristo.

⁸ Ega, ngaganza ebindu byosi mwitalya busana nendundi ilabire yeriminya Kristo Yesu Mukama wage. Busana naye nabiritalya ebindu byosi, ngaganzabyo ngebiti, inatoka eribana Kristo mo ndundi

⁹ inabanika omwisi wuwe, isingwite eritunganene ryage, eriri oko bihano, nikwa eryo riri omwisi wa Kristo omwikirirya, eritunganene erikalwa ewoMungu omwikirirya;

¹⁰ inatoka erimuminya nobutoki bwerilubuka riwe, nerisangira amagali wuwe, eribya ngaye omo luholo luwe,

¹¹ inatoka erihika okwilubuka oko baholi.

Erisimbirira ebyemuliro

¹² Sinditabana eki kutse sindinahikana; nikwa ngasimbirira erihambakyo mo kyage, busana nekyo Kristo angwatirako.

¹³ Balikyetu, sindiganza nga nabiriwata kukyo; nikwa ekiguma ngakola, eribirirwa ebiri nyuma ngasimbirira ebiri emuliro,

¹⁴ ngayitsinga oko lugendo lwerihika oko nduli busana nolu hembo lweribirikira ryendata eryoMungu omwisi wa Kristo Yesu.

¹⁵ Itwe ababirihikana tubye noburingikania obo; kandi omo yindi myatsi mwamabya nobundi buringikania, Mungu asyababisulirabo.

¹⁶ Nikwa aho twabirihika tukwamirire tutya.

Esyonzigu syomusalaba waKristo

¹⁷ Balikyetu, munyigerereraye, musamarire abo abakalendera ngolulengo lwetu olo muwite.

¹⁸ Kusangwa bangi, abo naba bwira engendo nyingi na lino ngababwira nemisonia, nyiti bakalendera nge nzigu syomusalaba wa Kristo.

¹⁹ Enduli yabo ni heribwa, omungu wabo ni nda, kandi bakayihalamba omwi soni syabo, bakaganiraya emyatsi ye kihugo.

²⁰ Nikwa ewetu ni lubula, eyo tukalindirira oMulamya, oMukama Yesu Kristo,

²¹ oyu wasyabindula omubiri oyu wetu wobolo eribya ngo mubiri wuwe wolukengerwa, busana nobutoki obo obukaleka iniakinda emyatsi yosi erimowa.