AbanyaFilipi 2 - Nouveau Testament et Psaumes en Ndandi Version 1962

Oburingikania bwaKristo

¹ Neryo hamabya erisikya omwisi wa Kristo, kutse erisibikya ryolwanzo, kutse erisangira ryeKirimu, kutse eriganyira nolukogo,

² muhikanaye obutseme bwage eribya noburingi kania buguma, nolwanzo luguma, eribye nomutima muguma neriganirya iguma.

³ Simukola kindu nekiguma busana neriyianza kutse eriyipipa, nikwa omwiyikehya muganze mo babuya abandi kwilaba inywe.

⁴ Oburi mundu kwinywe sialangire ebindu biwe ibyobyene, nikwa ebindu byabandi.

⁵ Mubye noburingikania obu omukati-kati kenyu, obwabya omwisi wa Kristo Yesu:

⁶ oyo, nomwanabya nomubiri wo Mungu, mwataganza eriringirirana noMungu nga kindu kyerihamba kutsibu,

⁷ nikwa mwayitutula, mwimya omubiri womukobe, neriyirwa omwisosa ryabandu;

⁸ neribanika omo mubiri wabandu mwayikehya mwabya akowa erihika oko luholo, ega, oluholo lwomusalaba.

⁹ Neryo oMungu mwa muhamya endata mwamuha erina eriri endata komena gosi,

¹⁰ neryo oko rina ryaYesu oburi irwi rimukukamire, omo lubula nomo kihugo nomwisi we kihugo,

¹¹ noburi lulimi lukangaye ko Yesu Kristo ni Mukama, okwipipa ryoMungu Tata.

OMungu yukakola omwisi wetu

¹² Neryo, abanze bage, ngoko mwabiriowa endambi yosi, ritya lino, butsira omugulu nyiriho igowene nikwa kwilaba omugulu ndeho, muberereraye erilama ryenyu omubaha neri titimana;

¹³ kusangwa ni Mungu oyu kakola omwisi wenyu, erianza nerikola erisonda ribuya riwe.

¹⁴ Mukole emyatsi yosi butsira eriyitonga kutse obuhaka,

¹⁵ imwatoka eribya butsira ekyo mwangakungirwa kandi butsira olubanza, abana boMungu butsira bulema omukati-kati kolulengo luhengemire nolwobu haka, kandi omukati-kati kabo mukakoleraya ngesiseke omo kihugo,

¹⁶ erisikirira eKinywa kyengebe, inatoka eribana ekyo ngayipipiramo oko kiro kyaKristo isinditibitira busa kutse isindiluhira busa.

¹⁷ Nomonanguturirwa oko buhere bweriki rirya ryenyu, ngatsema neritsanga haguma ninywe bosi.

¹⁸ Ritya nenyu mwangatsanga neritsema haguma nage.

Timoteo na Epafrodito

¹⁹ Indi na maha omwisi woMukama Yesu eribatumako Timoteo luba, inatoka eritsemesibwa nengulu yenyu.

²⁰ Si ngwite mundu nga ye oyu wangaganirya emyatsi yenyu ndeke.

²¹ Abosi bakaganiraya emyatsi yabo, butsira ebyaYesu Kristo.

²² Nikwa munasi obubuya bwaTimoteo, ngoko mugala nise abirikola haguma nage erigendagendya engulu yowene.

²³ Ngayiketera erimutuma namabiminya ngomwatsi wage asyabya ati;

²⁴ kandi ngayiketera oMukama nage ko ngandi syasa luba.

²⁵ Nabiriganirya nga ritolere eribatumira Epafrodito omugala wetu omusangiri womubiri nomusangiri wobusoda, kandi ni mukwenda wenyu nomukoli wobwaga bwage,

²⁶ kusangwa akanabakandira, nerihahukya omutima kusangwa mwabiriowa kwalwere.

²⁷ Kwenene abya alwere, hakuhi nerihola. Nikwa oMungu mwamugenyera, nikwa siye iyowene nikwa nage abirinyigenyera, isinangabya nobulige endata oko bundi bulige.

²⁸ Kikaleka inabya nomuhwa weri mutuma imwatoka eritsema mwamulolako kandi, nage inabya butsira amaganiryo.

²⁹ Neryo mumukokaye omwise woMukam butsira amaganiryo. Neryo mumukokaye omwisi wo Mukama nobutseme bosi, musikaye abandu ngaba,

³⁰ ku sangwa mwabya hakuhi nerihola busana nomubiri waKristo, mwatalanda oko ngebe yiwe busana neribugirira omubiri wenyu busana nage.