AbanyaEfeso 5 - Nouveau Testament et Psaumes en Ndandi Version 1962

Tulendere nga bana bekyakakala

¹ Neryo mubye abagerererya boMungu, nga bana banze.

² Mulendere omo lwanzo, ngoko Kristo atwanza kandi mwayiha busana netu, obuhere obukakumba ndeke obukahe rawa oko Mungu.

³ Nikwa obusingiri nebitisirire byosi kutse erirumwa sibyan ngahulwa omukati-kati kenyu, ngoko ritolere oko babuyirire.

⁴ Sihabye ebikita esisoni, kutse eribuga ebyobukiru, kutse ebyerisekererya, ebitatolere; nikwa kumbe habye eriha ewasi ngya.

⁵ Nikwa eki muminye ndeke, ko hate omusingiri kutse mundu mutyamutya, kutse oyu katsura (omusabi wesisumba) oyu wite omwandu omo bwami bwaKristo noMungu.

⁶ Simu leke omundu akabateba nebinywa ebitemo, kusangwa busana nemyatsi eyi erihitana ryoMungu rikasira bagala abatiowa.

⁷ Neryo simusangana nabo,

⁸ kusangwa kera mwabya omwi rimya, nikwa lino muri ekyakakala omwisi woMukama; mulendere ngabana bekyakakala

⁹ (kusangwa ebiguma bye kyakakala bikabanika omwisi webyosi ebiri bibuya ebitunganene nebyekwenene),

¹⁰ kandi mulenge eriiga ebikatsemesaya oMukama.

¹¹ Simusakane nemibiri yomwirimya eyite nebi guma, nikwa kumbe mwamakungayo.

¹² Kusangwa ikita esisoni eriahula emyatsi eyo bakakola bubi-sobiso;

¹³ nikwa omugulu emyatsi yosi ikakungawa ikaminyikalibawa nekyaka kala: kusangwa ebindu byosi ebikaminyikalibawa ni ekyakakala.

¹⁴ Kikaleka ikyabuga kiti, Ubuke, uwe omugotseri, uhangane oko baholi, Kristo asyakolerya kuwe.

¹⁵ Muyitegaye ndeke ngoko mukalendera, butsira bandu bate na menge nikwa ngaba menge,

¹⁶ mutongolaye endambi, kusangwa ebiro ni bibi.

¹⁷ Neryo simubye bikiru, nikwa muminye erisonda ryoMukama nga ni ryahi.

¹⁸ Kandi simu kunde nebinyu, kusangwa hari eritamira; nikwa musule ne Kirimu,

¹⁹ eribwirana omo sauma nesyonyimbo nesyonyimbo syeKirimu, eriimba neribuyahirwa omo mutima wenyu gosi oko Mukama,

²⁰ eriha ewasingya oko Mungu Tata oko mugulu gosi busana nebyosi omo rina ryoMukama wetu Yesu Kristo.

²¹ Mowane ogundi eriowa ogundi omwikenga Kristo.

Erihana ryeriherukania

²² Abakali, mowe abibanywe, ngoko oko Mukama.

²³ Ku­sangwa iba ni mutwe womukali ngoko Kristo ni mutwe wekanisa, omubiri wuwe, naye ni Mulamya wago.

²⁴ Ngoko ekanisa ikowa Kristo, ritya abakali bowe abibabo omo myatsi yosi.

²⁵ Abiba, mwanze abakali benyu, ngoko Kristo mwanza ekanisa mwayiha busana nayo,

²⁶ iniatoka erihigulayo, ini amabieryayo neriera ryamagetsi nekinywa,

²⁷ iniayiletera ekanisa eyolukengerwa, eyite nekitingu kutse mukunyo kutse ekindu kiringekyo; nikwa ibye ibuyirire butsira bulema.

²⁸ Ritya abiba kobanganza abakali babo batya ngemibiri yabo. Oyu kanza omukali wuwe akayanza.

²⁹ Kusangwa sihari mundu na kera oyu kakwa omubiri wuwe wekiniga, nikwa akahago nerisugago, ngoko Kristo akakolera ekanisa,

³⁰ ku sangwa turi bitsuko byomubiri wuwe.

³¹ Busana nomwatsi oyu omundu asyasiga ise na nyinya neribegerania nomukali wuwe, nababiri basyabya omubiri muguma.

³² Ekibisire eki ni kinene: nikwa ngahula Kristo nekanisa;

³³ nikwa, oburi mundu kwinywe anze omukali wuwe ngoko ayanzire, nomukali akenge iba wuwe.