AbanyaEfeso 3 - Nouveau Testament et Psaumes en Ndandi Version 1962

Eribisula ryekibisire kyerilama ryeBihanda

¹ Busana nomwatsi oyu ingye, Paulo, mundu womuliki wa Kristo Yesu busana nenyu eBihanda—

² mwamabya imwabiriowa obuteya bwolukogo lwoMungu obo nahabawa busana nenyu,

³ ngoko naminyisibawa ekibisamire omwibisulirwa, ngoko nabiribasakira hake emuliro.

⁴ Omugulu mukasoma ebi imwatoka eriminya ebyo nyasi oko kibisamire kyaKristo,

⁵ ekitaminyisibawa oko bagala babandu oko sindi syondego ngoko lino kyabiribisulirwa oko bakwenda buwe babuyirire na baminyereri omo Kirimu;

⁶ kiti, ngoko eBihanda ni bari bomwandu haguma, nerisangira omubiri muguma, nerisangira omwelaga omwisi wa Kristo Yesu busana nengulu yowene.

⁷ Ingye nayirawa omukwenda wengulu yowene eyi ngerihitya ryolukogo lwoMungu olo nahabawa busana neri kola ryakagala kuwe.

⁸ Ingye, nomo nyiri mukemuke kwilaba ababuyirire bosi, nahabawa olukogo olu, erikanirya eBihanda obusoki bwa Kristo obutesondekanibawa,

⁹ erileka abandu bosi ibalangira eritondekania ryekibisamire ekyabisawa oko migulu yosi omwisi woMungu oyu wahangika ebindu byosi;

¹⁰ Neryo oko mugulu walino amenge manene goMungu aminyikalibawe nekanisa oko mami nebyamaka.

¹¹ Ebi byabya ngerisonda ryakera na kera eryo abereraya omwisi wa Kristo oMukama wetu,

¹² omwisi wuwe turi nobutubaha omwiyi ketera erimuhikako busana nerikirirya ryetu omwiye.

¹³ Kika leka inabagonga-gonga nyiti simuluhe busana namalige wage ago ngagalawa mo busana nenyu, ayo ni lukengerwa lwenyu.

¹⁴ Busana neki ngakukamira Tata,

¹⁵ busana naye oburi kitunga omo lubula namuna kihugo bikahulawa,

¹⁶ abahe ngobusoki bwolukengerwa luwe eribana amaka busana ne Kirimu omo mundu womwisi,

¹⁷ kandi Kristo ikale omo mitima yenyu omwikirirya; nenyu imwamabya nemirihi neri sika omo lwanzo,

¹⁸ imwatoka eribya nobutoki eriminya haguma na babuyirire bosi obugali nobuli bwendata nobuli bweyikwa,

¹⁹ neriminya olwanzo lwa Kristo olulengire eri minya, imwatoka erisulibwa neriusula ryosi ryoMungu.

²⁰ Nikwa lino ukwoyo ukatoka erikola kwilaba byosi ebyo tukabulaya kutse eriganirya nga kagala akakakola omwisi syetu,

²¹ olukengerwa lubye kwiye omo kanisa nomwisi wa Kristo Yesu erihika oko syondengo syosi, ekera na kera. Bibye bitya.