AbanyaEfeso 1 - Nouveau Testament et Psaumes en Ndandi Version 1962

Omuyisa weritongolibwa

¹ Paulo omukwenda wa Kristo Yesu busana nerisonda ryo Mungu, oko babuyirire abatesiganiraya omwisi wa Kristo Yesu:

² Olukogo kwinywe nobuholo ebikalwa ewoMungu Tata wetu noko Mukama Yesu Kristo.

³ Omuyisa abye oko Mungu na Tata woMukama wetu Yesu Kristo, oyu watutsumula omwisi wa Kristo noburi muyisa wekirimu aho elubula,

⁴ ngoko ayisoga twe omwisi wuwe embere wekibanza kye kihugo, tubye babuyirire butsira bulema embere siwe.

⁵ Mwategeka ati tubye abagala buwe omwisi wolwanzo busana na Yesu Kristo, ngeritsema ribuya ryerisonda riwe,

⁶ okwisima ryolukengerwa lwolukogo luwe olo atuha busa omwisi woMwanze.

⁷ Omwisi wuwe tuwite eritongolibwa busana nomusasi wuwe, eribuyirwa ryebibi byetu, ngo busoki bwolukogo luwe

⁸ olo atukanyiraya omo menge neriminya.

⁹ Kusangwa abirituminyisya ekibisamire kyerisonda riwe omo menge gosi neriminya ryosi, ngerisima riwe eryo ahira omwisi wa Kristo

¹⁰ ngeritondekania ryerihikana ryemigulu, erihi ndania emyatsi yosi omwisi wa Kristo, emyatsi eyiri elubula nemyatsi eyiri mona kihugo.

¹¹ Omwisi wuwe twayirawa mo mwandu, ngoko twategekawa erimbere ngerisonda ryoyo kakola emyatsi yosi ngerihana ryerisonda riwe;

¹² tubye okwipipa ryolukengerwa luwe, itwe tukayiketera Kristo erimbere:

¹³ omwisi wuwe nenyu, mwamabiowa eKinywa kyekwenene kyengulu yowene yerilama ryenyu, —omwisi wuwe mwama bikirirya, imwamabibya oko kibohi kyeKirimu Kibuyirire kyerilaga,

¹⁴ nakyo ni muwato womwandu wetu erihika aho twasyabana eritongolibwa ryebindu, okwipipa ryolukengerwa luwe.

Erisaba ryaPaulo busana nekanisa

¹⁵ Busana nomwatsi oyu, kusangwa nabiriowa erikirirya ryenyu omwisi woMukama Yesu nolwanzo lwenyu busana nababuyirire bosi,

¹⁶ sindiombaya eriha ewasingya busana nenyu, neribibuka omwisaba ryage nyiti,

¹⁷ Mungu wo Mukama wetu Yesu Kristo, Tata wolukengerwa, abahe ekirimu kyamenge neribisurirwa ryerimuminya,

¹⁸ ameso wemitima yenyu iniakoleribwa, imwatoka eriminya amaha ayo abababirikirira, nobusoki bwolukengerwa lwomwandu wuwe omwisi wababuyirire,

¹⁹ kandi obukulu obulabire erilengwa bwamaka wuwe omwisi wetu itwe twikirirye, ngerikola ryamaka manene wuwe

²⁰ ago akola omwisi wa Kristo amulubukya omo baholi nerimwikalya oko byala biwe byamali aho molubula,

²¹ endata hali okwitabala ryosi nehamuli nobutoki nobwami, nendata koburi rina erikahulawa, butsira omo mugulu oyu musa nikwa noko wakasa;

²² kandi abirihira emyatsi yosi omwisi webi sandu biwe kandi abirimuyira mo mutwe endata oko myatsi yosi busana nekanisa,

²³ eyiri mubiri wuwe, erihikana ryoyu kahikanaya ebyosi omwisi webyosi.