AbaEbrania 9 - Nouveau Testament et Psaumes en Ndandi Version 1962

Hema ryerilagana ryakera

¹ Nerilagana eryo ryerimbere ryabya riwite ebihano byerikukamira nebyahabuyirire he kihugo.

² Kusangwa ehema yakokotibawa, olwerimbere, omwabya ekyabya kitekire kwe esyotala, nobutala, na mandu werikangania ko Mungu aneho; hakahulawa mo habuyirire.

³ Enyuma wolukimba lwakabiri habya ehema iyikahulawamo Ahabuyirire ha Habuyirire,

⁴ ihawite aheriherera ryazahabu busana nerihisya uvumba nerisanduku eryerilagana eryabiribambiribwa oko mbande syosi na zahabu, nekisya kyezahabu ekiri mwa mana, nomutso wa Arona owalasaya amasasa, nehisayi hyamabwe hyerilagana;

⁵ nendata kuryo habya abakerubi bolukengerwa erisukurirya ekitumbi kyolukogo. Emyatsi eyi sitwangatoka eriswahula ebyosi mo kigumakiguma lino.

⁶ Erikokotya eri ryamabiyirwa ritya, abahereri bakingira ebiro byosi omwihema eluhande lweyihya, nerikola emibiri yabo yobuhereri;

⁷ nikwa omuhereri mukulu akaya omo hema yakabiri iyowene nibya engendo nguma nyisa oko mututa isiariingira mo atahekire omusasi owakaherera busana naye na busana nebibi byabandu.

⁸ Busana neki eKirimu Kibuyirire kikaminyisaya kwe nzira eyikaya ahabuyirire siriyalibukala omugulu ehema yoluhande lweyihya ikineho

⁹ (eyikabya eki sosekanio kyomugulu wasesene). Omwitondeka ryomwatsi oyu, erihitya nobuhere bikahererawa ebitatoka eriyira omulenge womutima woyu kakukamira mo mubuya,

¹⁰ nikwa bikahula akaryo neripulya neriyikosa yemisindo ebyo bisa, ebi ni tegeka busana nomubiri ebyategekawa erihika oko mugulu weri binduka.

Eritongolibwa ryetu

¹¹ Nikwa Kristo abere ahika ngo muhereri mukulu wemyatsi mibuya eyabirihika, busana nehema enene kwilaba na nyibuya kwilaba (eyitakokotibawa nebyala, eryo ni buga riti, siyeri hangika yeno)

¹² mwingira engendo nguma busana na kera na kera omo Habuyirire, isiaritwala omusasi wesyombene nowebyana byesyonde nikwa owuwe iyowenewene, iniama bibana eritongolya rya kera na kera.

¹³ Kusangwa kumbe erilagalirya ryomusasi wesyombene nesyonume haguma neribu ryenyana oko bandu bebibi bikahigula busana neriera ryomu biri,

¹⁴ omusasi wa Kristo, oyu wayiha oko Mungu ate nekitingu omo Kirimu kya kera na kera siendsyalaba kwaho nerierya omulenge womutima wenyu oko mibiri eyiholire erikolera oMungu oyuriho kwehi?

¹⁵ Neryo iye ni musangania werilagana rihyarihya, neryo abakabirikirawa ibatoka eribana omwandu werikota owalagawa, kusangwa oluholo lwabiribanika olukagula ababya omo malolo wabaketa erihana omwilagana ryakera.

¹⁶ Kusangwa ahari erilaga ryomwandu oluholo loyo walaga akatsuka eriminyikala.

¹⁷ Kusangwa erilaga rikabererera oko luholo, kusangwa siriri namaka oyo walagaryo akineho.

¹⁸ Kikaleka erilagana ryeri mbere iritahagana hate musasi.

¹⁹ Kusangwa Musa abere abikangania oko bandu bosi eritegeka ryosi ryebihano, mwimya omusasi owehyana hyesyonde nowesyombene, na magetsi nobweya bwesyombuli bwengula nehisopo, mwalagaliryago oko kitabu noko bandu bosi,

²⁰ ati, Oyu ni musasi werilagana ogo Mungu abategekera.

²¹ Kandi omo musindo oyo mwalagalirya omusasi oko hema noko bindu byosi ebyakola omubiri weriku kamira.

²² Na kwenene oko ebihano hakuhi nebindu byosi bikeribawa omo musasi, kumbe omusasi atariutika eribuyirwa ryebibi nga siriri.

Kristo mwayiha engendo nguma

²³ Ritya ryabya ritolere ebisosekanio byebindu byelubula ibyeribwa omo musindo oyo, nikwa ebindu byelubula namahere awalabire aya.

²⁴ Kusangwa Kristo abiriingira butsira omo hema eyikakolawa nebyala, eyiri ekisosekanio kyeya kwenene, nikwa abiriingira omo lubula, lino aminyikale embere syo Mungu busana netu.

²⁵ Kandi isiariyiha ngendo nengendo ngo muhereri oyo wingira oko buri mututa ngendo nguma ahabuyirire atwala omusasi ate wuwe;

²⁶ kusangwa kumbe kibye kitya nga abya tolere eriagalwa engendo nyingi eritsuka okwihangika rye kihugo. Nikwa lino, abiriminyikala engendo nguma oko nduli yemigulu agumiraye ebibi eriyiha mo buhere.

²⁷ Neryo ngoko ryahirawa busana nabandu erihola ngendo nguma, nenyuma waho eritswerwa lubi iryahika,

²⁸ Kristo naye, amabiyiha ngo buhere ngendo nguma eriheka ebibi bya bangi, asyaminyikala engendo ya kabiri, butsira busana neri swayiha busana nebibi nikwa busana nerilamya abakamulindi rira nomuhwa.