AbaEbrania 5 - Nouveau Testament et Psaumes en Ndandi Version 1962

Eriherera rya Kristo

¹ Kusangwa oburi muhereri mukulu oyu kayisogawa omukati kati kabandu akahirawa erikola busana nabandu embere syoMungu, eriherera erihitya namahere busana nebibi.

² Iye akatoka erikola ryolo-ryolo nabatasi nabatere, kusangwa naye akalengawako nobolobolo.

³ Busana neki atolere eriha obuhere busana nebibi biwe na busana nebibi byabandu.

⁴ Omundu siariyiha erisikya eri, nikwa akabirikirawa noMungu, ngoko Arona abirikirawa.

⁵ Ritya Kristo mwatayisikya eriyirwa mo muhereri mukulu, nikwa ahirawa noyu wamubwira ati, Uri Mugala wage, Munabwire namakubuta;

⁶ Ngoko abiribuga ehandi ati, Uri muhereri na kera na kera, Omo musindo wa Melkisedeki.

⁷ Omo biro ebyo byomubiri wuwe, Yesu mwaherera erisaba nerigo, haguma nerilakirira nemisonia, okwoyo watoka erimulamya oko luholo, kandi mogubwa busana eri ubaha riwe ryobugenge.

⁸ Nomwanabya Mugala, mwiga eriowa busana nebyagalawamo;

⁹ neriyirwa mo mubuya kundu mwabya enzuko yerilama yerikota oko bosi bakamowa,

¹⁰ ini abiriahulwa noMungu mo muhereri mukulu omo musindo wa Melkisedeki.

Amasabu nakaryo

¹¹ Busana neki turi nebingi byeribuga ebikalire eribindulwa, kusangwa muri batsiha eriowa.

¹² Kusangwa nomo mutolere lino eribya abakangirirya, muri nobwaga bwomundu weribaka ngirirya emyatsi yerimbere yekinywa kyoMungu. Muri no bwaga bwamasabu butsira akaryo kakalakalire;

¹³ kusangwa oburi mundu oyu kapulaya amasabu siawite menge omo kinywa kyeritunganene kusangwa ni mwana.

¹⁴ Nikwa akaryo kaka lakalire ni ka bakulu, ni kababiriiga eriminya erigabula ekibuya nekibi.