AbaEbrania 11 - Nouveau Testament et Psaumes en Ndandi Version 1962

Aberikirirya

¹ Nikwa erikirirya ni minya kundu ryemyatsi eyo tukahira ku maha, kandi ni yisinga emyatsi iteyalolwako.

² Ku sangwa busana naryo abandu bakera mobabana erisimwa naYe.

³ Busana nerikirirya tukaminya kwe kihugo kyabumbawa neki nywa kyoMungu, kyo kyaleka ekikalolawako ikyabumbwa omo bindu ebiteminyikala.

⁴ Busana nerikirirya Abeli mwaha Mungu obuhere owaligawa kwilaba obwa Kaina, na busana nabo mwabana erisimwa kwatunganene, oMungu mwaminyisya kwamaliga erihitya riwe; nomwanahola, nikwa busana nerikirirya riwe na lino akinabuga.

⁵ Busana nerikirirya Enoka mwatwalwa endata sialole okwihola; naye mwatabanika, kusangwa Mungu iniamabimutwala. Nikwa abere ate atwalwa inianemoganzwa kwakatsemesaya Mungu.

⁶ Kandi butsira erikirirya siryetokekana erimutsemesya. Ku sangwa oyu kayitunda hakuhi noMungu atolere erikirirya kwane nakandi kwakandisyahemba abakamusonda-sonda.

⁷ Busana nerikirirya Noa iniamabiminyisibwa noMungu busana nemyatsi eyiteyalolwako, mwahulikirira mwabatsa obwato busana neri lamya ekitunga kiwe; busana neki mwatswera e kihugo kyo lubi kandi mwabya omuri womwandu weritunganene erikahika busana nerikirirya.

⁸ Busana nerikirirya Abrahamu mowa omugulu abirikirawa eriya aho akandisimya mo mwandu; mwalwayo, isiasi eyakaya.

⁹ Busana nerikirirya mwabya mubunga omo kihugo kyerilaga, mwabya ngomugeni mukyo, mwabya omo mahema haguma na Isaka na Yakobo, abari bomwandu haguma naye busana neri laga eryo.

¹⁰ Kusangwa mwalindirira namaha omuyi owawite ebibanza bisikire, noMungu ni muhimbi nomubumbi wago.

¹¹ Busana nerikirirya Sara mwabana amaka weriheka obukule, iniambilabya emigulu yiwe, kusangwa aganza oyo walaga ngoyu tesiganiraya.

¹² Neryo oko mundu muguma, naye abya ngoyu holire olubuto luwe molwabya lungana nesyongununu syelubula na kandi lungana nemisege yoko mukokoro wengetsi abatetoka eriganzwa.

¹³ Aba bosi mobahola omwikirirya, isibetahamba eryalagawa, nikwa ibabirilangirabyo neribukyabyo ibine ngerya, ibakabuga ko bari bageni na babunga omo kihugo.

¹⁴ Kusangwa bandu abakabuga batya bakakanganaya ko bakasonda-sonda e kihugo kyabo.

¹⁵ Kumbe baribya bakaringikania e kihugo ekyo balwamo ngababya babwene omwanya werisubayo.

¹⁶ Nikwa lino bakasonda e kihugo kyowene kwaho, kye kyelubula. Neryo Mungu siari nesisoni eriahulwa mo Mungu wabo, kusangwa abirikokotya omuyi busana nabo.

¹⁷ Busana nerikirirya Abrahamu, omugulu alengawako, mwahera Isaka mo buhere noyo wahabawa erilaga mwasika eriha mo buhere mugala wuwe mubutwa muguma,

¹⁸ oyo wahulawa ati, Busana na Isaka olubuto lwawe lwasyahulwa.

¹⁹ Mwaganza ko Mungu angatoka erilubukya bandu oko baholi; neryo, mwaswamubana akandi nga mo musyo.

²⁰ Busana nerikirirya Isaka mwaha omuyisa webikandisyasa ku Yakobo na Isau.

²¹ Busana nerikirirya Yakobo, abere asonda erihola, mwaha omuyisa oko buri mugala wa Yosefu, eri unamira oko mutwemutwe womutso wuwe akakukamira.

²² Busana nerikirirya Yosefu, abere asonda ihola, mwahula erilwayo ryabaIsraeli kandi mwategeka busana nerita amakuha wuwe.

²³ Busana nerikirirya Musa, abere abibutwa, mwabiswa emikera isatu nabamubuta, kusangwa balangira kwari mwana mubuya; mobatubaha eritegeka ryomwami.

²⁴ Busana neri kirirya Musa abere abikula, mwagana eriahulwa mo mugala wa mwali wa Farao,

²⁵ iniakayisoga erisangira erikolwa nabi haguma na bandu boMungu kwilaba eritsema omwitsemera ebibi erikalaba.

²⁶ Mwaganza eritsumwa erihingana na Kristo ko biri bindu bilabire obuteke bweMisiri kusangwa mwayike tera ebihembo.

²⁷ Busana nerikirirya mwalwa eMisiri, mwa tubaha eriagarirwa ryomwami; kusangwa mwasika nga kalebaya oyute lolawako.

²⁸ Busana nerikirirya mwahira erirya ryeriki ruka nerilagalirya omusasi, neryo oMutogotya owehimbere siatule kubo.

²⁹ Busana nerikirirya abandu mobasoka engetsi yomunyama nga bari oko kitaka kyumire; nikwa abanyaMisiri, omugulu balenga erikola batya, mobasendibwa.

³⁰ Busana nerikirirya ekiyite kyeYeriko mokyaterera ahisi kyamabitimbwako ebiro birinda.

³¹ Busana nerikirirya Rahaba omusingiri mwatahera haguma nabagana eriowa, kusangwa mwakokya abalingi nga bira.

³² Nangaswabuga byahi kwehi? Kusangwa ngabula endambi erigambula ebya Gideoni, nebyaBaraka, nebya Samisoni, nebya Yefuta, nebya Dawidi, nebya Samweli, nebya baminyereri—

³³ abakinda amami busana nerikirirya, mobakola ebitunganene, mobabana ebyalaganawa, mobakumba amuno wesyondale,

³⁴ abalimaya omuliro owakagulumira kutsibu, ababala oboya bwemiyari, ababana amaka omo bolobolo, ababya namaka omo malwa, mobahiga emilondo yabandi.

³⁵ Abakali mobakokya abaholi babo abalubukibawa. Abandi mobagalibwa neriholi bwa, ibakagana eriboholwa, ibatoka erilubuka oko ngebe yowene kwilaba.

³⁶ Abandi mobagalwa erisekereribwa neriswiribwa, namahulula neribohwa.

³⁷ Mobitwa momabwe, mobatubwa omo misumeno mo bitswe bibiri, kandi mobalengwako, mo bitwa omo miyari; mobalendera ibanambite esyongobi syembuli nesyesyombenehene, mobahungwa kwebyosi, mobagalibwa, mobakolwa nabi—

³⁸ ne kihugo sikyabya kitolerebo—ibaka timbatimba omo mbwarara noko bitwa, kandi omo masamba nomo miangalu ye kihugo.

³⁹ Aba bosi nomo banabya basikire mobatangirira ebyala ganawa,

⁴⁰ kusangwa Mungu iniamabitubikira ekindu kyowene kwilaba aho, ebo sibaberere bate haguma netu.