3 Yoane 1 - Nouveau Testament et Psaumes en Ndandi Version 1962

Erikokya abageni

¹ Omukulu oko Gayo mwanze, oyu nyanzire omo kwene ne.

² Omwanze, ngasaba nyiti, emyatsi yawe yuwane kandi ubye inunakalire; nyinasi ko mutima wawe anikere ndeke.

³ Kusangwa monatsema kutsibu omugulu abandi babagala benyu bahika neritula ekwenene yawe, ngoko ukalendera omo kwenene.

⁴ Sinangabana obutseme obulengire obii, eriowa kwa bana bage bakalendera omo kwenene.

⁵ Omwanze, ukakola omubiri gobutasiganirya omo byosi ukakolera bagala betu na bageni nibya,

⁶ ababirikania olwanzo lwawe embere yekanisa. Wasyakola ndeke eritsindikabo ngoko bitolere omugombe woMungu.

⁷ Kusangwa babirihongoka busana neRina, isibetimya kindu oko Bihanda.

⁸ Neryo twangimira bandu ngabo, itwatoka eribya bakoli berisangira omo kwenene.

Diotrefe na Demetrio

⁹ Nabirisakira ekanisa eKinywa; nikwa Diotrefe, oyu wanzire eriyihira embere omukati-kati kabo siariliga ehamuli yetu.

¹⁰ Neryo nasyabya nasa nasyabukya emibiri akakola, akatuha yira nebinywa bibi. Kandi butsira ebyo bisa, nikwa akagana erikokya balikyetu, kandi akakakiraya abanzire erikokyabo iniakahigabo omo kanisa.

¹¹ Omwanze, sugerereraye ebibi nikwa ugerereraye ebibuya. Oyu kakola ebibuya ni woMungu; oyu kakola ebibi siaritalola okoMungu.

¹² Demetrio akakanibawa na bandu bosi, nekwe nene nayo; netu nibya tukamukanaya, kandi munasi eritulago ryetu ni kwenene.

¹³ Nabya nebingi erikusakira, nikwa sinyanzire erikusakira omo lukutsa nowino;

¹⁴ Ndi na maha werikulolako luba, twasyakania ameso na wandi.

¹⁵ Ubye nobuholo. Abira bakakukeraya. Ukeraye abira, wahulebo omo mena wabo.