2 Yoane 1 - Nouveau Testament et Psaumes en Ndandi Version 1962

Mutegaye

¹ Omukulu oko mukali oyo wayisogawa na bana buwe, abo nyanzire omo kwenene, kandi butsira ingye musa nikwa nabosi abasi ekwenene,

² busana nekwenene eyikere omwisi wetu kandi yasyabya netu kera na kera:

³ Olukogo, eriganyira, nobuholo byasyabya netu, erilwa oko Mungu Ise, noko Yesu Kristo, oMugala wIse, omo kwenene nolwanzo.

⁴ Monatsema kutsibu eribya abandi oko bana bawe ibaka kwama ekwenene ngoko twabiritegekwa na Tata.

⁵ Na lino ngakugo, we mukali, butsira nga ngakusakira ekihano kihyakihya, nikwa ekyo twabya nakyo okwitsuka ryerimbere, kiti, twanzane.

⁶ Olu ni lwanzo, tukwame ebihano biwe; ekihano kyeki, ngoko mowa eritsuka erimbere, kiti, mulendere omo lwanzo.

⁷ Kusangwa abatebya babirihulukira omo kihugo, abandu abateliga erihika ryaYesu Kristo omo mubiri; omundu ngoyo ni mutebya kandi ni nzigu yaKristo.

⁸ Muyitegaye, simutalaye emyatsi eyo mwakolera, nikwa mutoke eriimya oluhembo oluhikene.

⁹ Omundundi oyu kayilabiriraya isiari sika omwikangirirya ryaKristo isiawite oMungu; noyu kikala omwikangirirya ryaKristo awite Tata noMugala.

¹⁰ Omu ndundi amabahikako isiarileta erikangirirya eri, simumukokaye omo nyumba kutse erimukerya;

¹¹ kusangwa oyu kamukeraya iniamabisangira emibiri yiwe mibi.

¹² Nomo ngwite bingi eribasakira, sinyanzire erisaka oko karatasi nomo wino, nikwa ndi namaha weriyakubana nerikania nawe ameso na wandi, neryo obutseme bwetu buhikane.

¹³ Abana ba mwali wenyu oyo wayisogawa bakakukeraya.