2 Timoteo 4 - Nouveau Testament et Psaumes en Ndandi Version 1962

Amalwa owene werikirirya

¹ Ngakutegeka emuliro woMungu nowa Kristo Yesu oyu wasyatswera abariho nabaholi okwiminyikala riwe nobwami buwe:

² ukanaye eKinywa, ubye nomuhwa oko mugulu owene noko mugulu watuwene, usingane, ukunge, uhane, nerilinda ryosi nerikangirirya.

³ Kusangwa endambi ikandisyasa omu gulu batindasyaliga erikangirirya eryekwenene; nikwa basyabya namatwi owakasesa basyayisondera abakangirirya ngoko esyo ngumbu syabo siri,

⁴ basyabindula amatwi wabo okwowa omwatsi wakwenene basyalendera omo nganu.

⁵ Nikwa uwe, usike emigulu yosi, usike omwagalwa, ukole mubiri weritula engulu yowene, uhikanaye omubiri wawe.

⁶ Kusangwa nyiri hakuhi neriuturirwa ngobuhere; omu gulu wage werigenda abirihika.

⁷ Nabirilwa amalwa owene, nabiribuga olugendo, nabiriteya erikirirya.

⁸ Eritsuka lino nyibikirwe embita yeritunganene, eyo Mukama, oMutsweri utunganene, asyamba eKiro ekyo, kandi singye ingyowene nikwa oko bosi abanzire eributuka riwe.

⁹ Ubye nomuhwa eriasa aho nyiri luba.

¹⁰ Kusangwa Dema abirinyisigania, kusangwa anzire e kihugo kino, abiriya eTesa lonika; Kreske naye ayire eGalatia, Tito eDalamatia.

¹¹ Luka iyowene yukine haguma nage. Wimaye Mariko umulete haguma nawe; kusangwa akanyikolera ndeke.

¹² Titiko nabi rimutuma yEfeso.

¹³ Wamasa, iwaleta erikoti eryo nasigira ye Karpo eTroa, nebitabu nibya, nikwa kwilaba ebyengobi.

¹⁴ Alesanduro omuhesi wemiringa mwangira nabi kutsibu; oMukama asyamutuha ngemibiri yiwe.

¹⁵ Nawe uyitegaye busana naye, kusangwa akalwa kutsibu neritulago ryetu.

¹⁶ Omwisubirya ryage ryerimbere sihabya omundu ukanyiha nganira; abosi mobanyisiga. Ekyosikiganzawekubo!

¹⁷ Nikwa oMukama mwanyimanira, mwamba akagala kerikania eKinywa ndekendeke, eBihanda bitoke eriowakyo. Ritya monalamibwa omo buno bwendale.

¹⁸ OMukama asyandamya oko bibi byosi nerinyiteya busana nobwami buwe bwelubula. Olukengerwa lubye kwiye kera na kera. Bibye bitya.

¹⁹ Unyikereraye Pirisila na Akwila nenyumba ya Onesiforo.

²⁰ Erasto abirisigala eKorinto; nikwa Trofimo monamusiga eMuleto inialwere.

²¹ Ubye nomuhwa weriasa emuliro weritsuku. Eubulo akakukeraya, na Pude, na Lino, na Klaudia, na balikyetu bosi.

²² OMukama abye haguma nekirimu kyawe. Olukogo lubye nenyu.