2 Timoteo 2 - Nouveau Testament et Psaumes en Ndandi Version 1962

Eribya neritindasiganirya

¹ Neryo nawe, mugala wage, ubye namaka omo lukogo oluriomwisi waKristo Yesu,

² nebyo wanyowako embere waba langiri bangi ubikayebyo oko bandu abatesiganiraya abakandi syatoka erikangirirya abandi.

³ Usangire nage amalige ngo musoda gowene waKristo Yesu.

⁴ Sihari omusoda oyu kayigobaya omo myatsi ye kihugo, kusangwa erisonda riwe ni tsemesya oyo wamuyira mo musoda.

⁵ Oyu kasingana omo bitsange siariambala akakira amatindasingana ngeritegeka ryabyo.

⁶ Omulimi oyu kalima yu tolere eritsuka erisangira oko biguma.

⁷ Uganiraye ndeke ebyo ngabuga, kusangwa Mukama asyakuha amenge omo myatsi yosi.

⁸ Wibuke Yesu Kristo, oyu walubuka oko baholi, oyu walwa oko lubuto lwaDawidi, ngoko engulu yowene yage ikatulago, engulu yowene eyo ngagalawamo neribohwa omo mahulula, ngo mukola nabi.

⁹ Nikwa eKinywa kyoMungu sikibohire omo mahulula.

¹⁰ Neryo ngasika omo myatsi yosi busana naba yisogawa, nabo babane erilama eriri omwisi wa Kristo Yesu eritulungene nolukengerwa lwerikota.

¹¹ eKinywa eki sikye siganiraya kiti: Twamabihola haguma naye, twasyabyaho haguma naye;

¹² Twamasika, twasyatabala haguma naye; Twamamugana, naye asyatugana;

¹³ Twamasiganirya, iye siarisiganiraya— kusangwa siangatoka eriyigana.

Eriyiteya oko buhaka

¹⁴ Wibukayebo ebi, uhanebo embere syoMukama baleke erikuba obuhaka bwebinywa, ebitawite omuga-so nikwa bika heraya abakowa.

¹⁵ Uyire omuhwa erihuluka embere syo Mungu iwabirisimwa, omukoli womubiri oyu tewangakwa esisoni, iniakahamba ndeke eKinywa kyakwenene.

¹⁶ Usage eribuga eritekenga Mungu ngeri, kusangwa rikandisyatwala bandu omo butakenga Mungu kwilaba,

¹⁷ nekinywa kyabo kyasyatanda ngekironda kikalire. Himeneo na Fileto ni bakubo,

¹⁸ mobatala erilwa omo mwatsi wakwenene bati erilubuka ryabirilaba. Bakabindula erikirirya ryabandi.

¹⁹ Nikwa eki banza kyoMungu kisikire, kihangene ikinawite ekibohi eki: OMukama anasi abuwe, kandi, Oburi mundu akahula erina ryoMukama alwe oko bibi.

²⁰ Nikwa omo nyumba nene sihari esyonyungu syezahabu nesyebitsipa nyisa nikwa nesyemiti nesyeribumba, esindi ni syerisikya nesindi site nerisikya.

²¹ Neryo omundu amayerya oko site nerisikya, asyabya enyungu yomubiri werisikya, ini amabihigulwa eritolera omubiri woMukama, iniabiritolera oburi mubiri mubuya.

²² Nikwa usage esyongumbu syobu lwana ukwame eritunganene, erikirirya, nolwanzo, nobuholo, haguma nabakabirikira oMukama nomutima mubuya.

²³ Nikwa ugane ndeke kutsibu obuhaka butyabutya bwobukiru; unasi ko bukaleta amalwa.

²⁴ Kandi omugombe siatolere eribya akanegena, nikwa abye molo oko bosi, omukangirirya oyu wasi, oyu kalindirira,

²⁵ oyu kakunga abakalwa naye nobolo. Mungu mbino angahabo eribinduka nerihika okwiminya omwatsi wakwenene,

²⁶ ibatoka eribala ekitego kyeSatani, abakahambawa naye erikola erisonda riwe batoke eribala erilwa mo kitego kyeSatani.