2 AbanyaKorinto 9 - Nouveau Testament et Psaumes en Ndandi Version 1962

Erihitya erikatsemesaya Mungu

¹ Omo myatsi yerihitya busana nababuyirire eribasakira ni buyira:

² kusangwa nyasi musikire eriwatikya, nakandinyinemuyihalamba busana nenyu oko banyaMakedonia nyiti abanya Akaya babya basikire oko gundi mututa; nomuhwa wenyu abiribukya bangi bakubo.

³ Nikwa ngatuma bagala betu, neryo eriyihalamba ryetu busana nenyu iritabya buyira omo mwatsi oyu, imwikala imunasikire, ngoko nabuga;

⁴ hakasyabya abandi boko banyaMakedonia abasa haguma nage bakasyabeya mutasikire, netu tukitwa esisoni—sindibahula tsenenyu—omwiyiketera eri.

⁵ Ritya monaringikania ko rito lere erihatikana bagala betu nyiti batsuke eribahikako embere kwingye bakokotaye embere erihitya eri mwabirilaga, ribye risikire ngerihitya ryolwanzo butsira erihungwa.

⁶ Omwatsi woyu: oyu kabiba nengekemu asyagesa nenge kemu, noyu kabiba bingi asyagesa bingi.

⁷ Oburi mundu akole ngoko amaringikania omo mutima wuwe, butsira nobuhemu kutse erikunwa, kusangwa Mungu anzire oyu kahitaya no butseme.

⁸ Mungu akatoka erileka olukogo losi ilwakanya okwinywe, neryo imwabya nebyosi ebibatolere ebiro byosi nerikanya omo mibiri yosi yowene.

⁹ Ngoko kisakire kiti, Abiripanzira ehosi, eriha abera; Eritunganene riwe rikabyaho kera na kera.

¹⁰ Oyu kaha omubibi embuto nobundu busana na karyo asyabaha nerikanya esyombuto syenyu, kandi asyakanya ebi guma byeritunganene ryenyu.

¹¹ Nenyu mwasyatundisibwa omo byosi busana nerihitya ryosi, erikandisyaha busana netu ewasingya oko Mungu;

¹² kusangwa erikola omubiri oyu siriribuga obwaga bwababuyirire basa nikwa rikatswaga omo wasingya nene oko Mungu.

¹³ Busana nerilengwako ryo mubiri oyu bakapipa Mungu busana neriowa ryenyu eriliga engulu yowene yaKristo, na busana nomuhwa werihitya ryenyu busana nabo na busana nabandi bosi;

¹⁴ omugulu bakabakwa olu kando neribasabira, busana nolukogo olulabire olwoMungu omwisi wenyu.

¹⁵ Wasingya ibye oko Mungu busana nerihitya riwe eriteryangatoka eribugwa!