2 AbanyaKorinto 7 - Nouveau Testament et Psaumes en Ndandi Version 1962

Obulige bweritsemesya Mungu

¹ Neryo, banze, kusangwa tuwite ebilagano ebyo, tuyeraye oko bitisirire byosi byomubiri nebyekirimu, itunemoberererya ebibuyirire omubaha Mungu.

² Mutukingulire emitima yenyu; sitwetayira omundu yo nabi, situritatsandya mundu, situri tahunga mundu.

³ Sindibuga nyitya busana neribatswera lubanza; kusangwa monabuga erimbere, nyiti, muri omo mitima yetu, erihola haguma kutse eribyaho hagumaguma.

⁴ Ngayiketera nywe, eriyipipa ryage ni nene busana nomwatsi wenyu, nabirisibikibwa ndeke, nabiritswaibwa nobutseme omo bulige bwetu bosi.

⁵ Kusangwa twabere twahika eMakedonia, omubiri wetu siabya neriluhuka, nikwa motwagalwa oko mbande syosi, eyihya habya amalwa, nomwisi, eriubaha.

⁶ Nikwa oyu kasibikaya abomutima molo, Ye Mungu, mwatusibikya busana nerihika ryaTito;

⁷ nakandi, butsira okwihika riwe risa, nikwa busana nerisibikya eryo asibikibawa omwisi wenyu omugulu atukani raya olukando lwenyu, neririra ryenyu nomuhwa wenyu kyaleka inatsema kutsibu kwaho.

⁸ Nomo nanabalolaya oko bulige omo barua yage, mondabya nobulige busana nekyo (nikwa kandi monabya nobulige): kusangwa ngalangira ebarua eyo moyabaha obulige, nikwa ni busana nakatambi

⁹ lino, nyitse mire butsira busana neribalolya oko bulige, nikwa nyitsemire kusangwa mwabirilolibwa oko bulige obukaleta eribinduka, kusangwa mwabiribana bulige bwomusindo woMungu, neryo imwatatalya kindu busana netu.

¹⁰ Kusangwa obulige bwo­musindo woMungu bukayira eribinduka okwilamibwa obute bwangaleta eriswabindulwa: nikwa obulige bwe kihugo bukayira oluholo.

¹¹ Tasamalira, omwatsi wenyu, obulige mwahabawa bwomusindo woMungu, mobwayira obolo neriyibombeka, erilusibwa oko lubanza, erihitana ringaha, ega eriubaha ringaha, olukando lungaha, omuhwa gungaha, ikisya lingaha! Omo myatsi yosi mwabiriyiminyisya ko mwabiriera eribya butsira olubanza oko mwatsi oyu.

¹² Neryo nomo nabasakira, monda basakira busana nomwatsi woyo wakola ebibi, kutse busana noyu wagalawa busana nebibi, nikwa busana nerilembera ryenyu busana netu, iryatoka eriminyikala okwinywe embere syoMungu.

¹³ Busana nekyo twabirisibikibwa: kandi omwisi bikibwa ryetu, motwatsema kwilaba busana nobutseme bwa Tito, kusangwa ekirimu kiwe mokyaluhukibwa busana ninywe bosi.

¹⁴ Kusangwa kumbe nabiribapipa omo mwatsi muguma embere siwe, monditwa esisoni: nikwa ngoko twabuga emyatsi yosi kwenene, neryo eribapipa eryo twabuga embere syaTito moryabanika kwenene.

¹⁵ Nakandi olwanzo luwe okwinywe lulabire, omugulu akabya akibuka ngoko mwabirimowa inywe bosi, ngoko mwamukokaya omubaha nerititimana.

¹⁶ Nyitse mire kusangwa omo myatsi yosi namayiketera inywe.