2 AbanyaKorinto 6 - Nouveau Testament et Psaumes en Ndandi Version 1962

Emibere yabakwenda

¹ Nerikola haguma naye, tukabahatikana nibya tuti, simwa ngirire olukogo loMungu lo buyira,

² (kusangwa akabuga ati, Nabirikuhulikirira oko mugulu weriligirwa, noko kiro kyomulamo nabirikuwatikya: tasamalira, lino ni mugulu weri ligirwa; tasamalira, lino ni kiro kiomulamo):

³ Eritindaha ekyeritwikalya omo myatsi yosi, omubiri wetu iniatabya mwe kyangakungwa.

⁴ Nikwa omo byosi erisimwa nga bakwenda boMungu, omwitindaluha inene, omomalige, nomwibula ebi tolere, omwagalwa;

⁵ omwiswiribwa, omo manyumba womu liki, omwisangirirwa, omwikola kutsibu, omwiteya, neritsira karyo;

⁶ omo mutima erire, omwiminya, omwiyibombeka, omwiwatikya, omoKirimu Kibuyirire, omo lwanzo lute neri tenya,

⁷ omo kinywa kyekwenene, omo butoki boMungu; busana nebyuma byamalwa byeritunganene omo byala byamali nebyamalembe, omu lukengerwa,

⁸ nomwihemulwa, omwi handikirirwa nomwisimwa: ngabatebya, nikwa abakwenene;

⁹ ngabatasibwe, nikwa ibanasibwe ndeke, ngabakisiya ibakahola, nikwa, lebaya ituneho; erikungwa isitwendiholibwa,

¹⁰ turinga nga bobulige, nikwa eritsema ebiro byosi; ngeribya mwera, nikwa eritundisya, eritindabya naki, nikwa tuwite ebindu byosi.

¹¹ Iyoo inywe banyaKorinto, obuno bwetu tukabakumbu lira, omutima wetu agalihiririre.

¹² Inywe simuhatatanibwe omwisi syetu, nikwa muhatatanibwe omwisonda ryenyu.

¹³ Busana neririha (ngabuga nga muri bana) inywe mugalihaye omo mitima yenyu.

Simusangire nabatikirirye

¹⁴ Simubye mukamatana haguma nabatikirirye, kusangwa eritunganene ryangasangira riti haguma nebibi, kwehi? kutse ekyakakala kiangasangana kiti nomwirimya, kwehi?

¹⁵ Kutse Kristo angasangana na Beliali, kwehi? Kutse omundu weri ikirirya angabya nerigabo iguma haguma noyu tikirirye, kwehi?

¹⁶ Kutse enyumba yoMungu yangasangana iti haguma nesi sumba kwehi? Kusangwa inywe muri enyumba yoMungu oyu riho, ngoMungu abiribuga, ati, Nasikala omukati-kati kabo neritamba haguma nabo; nasyabya Mungu wabo, nabo basyabya bandu bage.

¹⁷ Busana nekyo, mulwe omukati-kati kabo, muyisolole, oMukama akabuga, simutule okwekyo ekito wene, neryo nasyabakokya,

¹⁸ nasyabya Tata wenyu, nenyu mwasyabya bagala nabali bage, oMukama Mwenye Butoki akabuga.