2 AbanyaKorinto 3 - Nouveau Testament et Psaumes en Ndandi Version 1962

Omubiri wakera nowasesene

¹ Tukatsuka kandi eriyihalamba kwinywe kwehi? Kutse tutolere ngabandi esyobarua syeritusima kwinywe, kutse esikalwa okwinywe kwehi?

² Inywe muri barua yetu yerisimwa, eyandikirwe omo mitima yenyu, eyasibwe ikasomawa na bandu bosi.

³ Muminyikere ko muri barua ya Kristo itwe twayira, eyitasakawa omo wino nikwa omo Kirimu kyoMungu oyuriho, butsira oko bihande byamabwe nikwa oko bihande byemitima yabandu.

⁴ Itukayiketera Mungu busana na Kristo.

⁵ Butsira eritolera itwe bene eriganza ekinduki nga kikalwa kwitwe; nikwa eritoka ryetu rikalwa oko Mungu.

⁶ Oyu watutoleraya eribya abagombe berilagana rihyarihya, erite ryamasako, nikwa omo Kirimu; kusangwa erisaka rikita, nikwa eKirimu kikaha engebe.

⁷ Nikwa omubiri woluholo owasakire nowabatsire oko mabwe mwasa nolukengerwa olwaleka abaIsraeli ibatatoka erisamalira obusu bwaMusa busana nerikangabania ryobusu buwe eryabya ryerihwaho,

⁸ Neryo omubiri weKirimu siendisyabya nolu kengerwa kwilaba aho kwehi?

⁹ Kusangwa omubiri weritswera lubi amabya nerikangabania, neryo omubiri weritunganene iniabya nerikangabania erilengire aho.

¹⁰ Kusangwa kwenene ekyabya erikangabania sikikiri nerikangabania busana nerika ngabania erilengireryo.

¹¹ Kusangwa ekikahwaho kyamabya kyariasa nerikangabania, ekikabyaho kitolere eribya nerikanga bania kwilabaho.

¹² Neryo kusangwa tuwite amaha ayo, turi nobutubaha,

¹³ butsira nga Musa, oyo wahira kisukuriryo omo buso buwe, abaIsraeli ibataswasamalira enduli yerikangabania eryabya rika hwaho.

¹⁴ Nikwa amaringikania wabo mwakalibwa; kusangwa erihika oko kiro kyamunabwire, omugulu bakasoma erilagana ryakera ekisukuliryo ekyo sikyetasukulwa, kusangwa kikalusi bawaho na Kristo iyowene.

¹⁵ Nikwa nerihika na munabwire omugulu Musa akasomawa ekisukuliryo kiswikire oko maringi kania wabo;

¹⁶ nikwa omugulu mundu akabindukira oMukama ekisukuliryo kikalusibawaho.

¹⁷ Nikwa oMukama ni Kirimu ekyo, naho eKirimu kyoMukama kiri, hari eriyigenderya.

¹⁸ Netu itwe bosi, nobusu butaswikirwe, tukasamalira oluke ngerwa lwoMukama tukahindukibawa omwisosa ryomusindo wolukengerwa omo gundi musindo wolukengerwa; kusangwa eki kikalwa oko Mukama oyuri eKirimu.