2 AbanyaKorinto 12 - Nouveau Testament et Psaumes en Ndandi Version 1962

Eribisulirwa ryomukwenda

¹ Ritolere inayipipa nomo hyangabya hate ndundi; nikwa ngandibuga omwatsi werikangibwa omo bulime neribi sulirwa ryoMukama.

² Nyasi omundu omwisi waKristo, hamahwa myaka erikumi nini (kutse abya omo mubiri kutse abya eyihya oko mubiri, Mungu anasi), omundu oyo mwasu mbirwa endata omo lubula lwakasatu.

³ Nakandi, nyasi omundu oyo, (kutse abya omo mubiri, kutse abya eyihya oko mubiri, sinyasi; Alungu anasi),

⁴ ngoko asumbirawa endata oko Paradiso neriowa ebinywa ebilabire okwibugwa, ebitatolere eribugwa.

⁵ Oko mundu ngoyo nasyayihalamba, nikwa busana nage, sindiendisyayipipa, monomo bolobolo bwage.

⁶ Ku sangwa namanza eriyihalamba, sinangabya mukiru, kusangwa nasyabuga kwenene. Nikwa ngalekaryo, neryo omundu ini atanyiganza eribya kwilaba ekyo akalangira omwisi wage, kutse ekyo akowa kwingye.

⁷ Neryo busana nobunene bweribisula, obulabire, isinangaganirya eriyipipa kwilaba, neryo monahabwa omusakisaki omo mubiri, omukwenda wa Satani erinyiswirya, neryo sinangayipipa kwilaba.

⁸ Busana nomwatsi oyu mona hatikana Mukama esyongendo isatu, nyiti anyilweko.

⁹ Neryo mwabuga nage ati, Olukogo lwage lukutolere, kusangwa obutoki bwage bukabererera omo bolobolo. Neryo ngandiyipipa nobu tseme omo bolo bwage, neryo obutoki bwaKristo ibwikala ukwingyi.

¹⁰ Busana nekyo nyitsemire omo bolobolo, omwi hemulwa, omo maganiryo, omwendereribwa, omo malige busana naKristo: kusangwa omugulu ndi molo, oko mugulu oyo nyiri na maka.

¹¹ Nabere mukiru, inywe mwanyitsotsaya; kusangwa nabya nyitolere erisimwa nenyu: kusangwa si nabya muke oko ba kwenda bakulu na hake, nomo nabya isindi kindu.

¹² Kwenene ebitikotiko byabakwenda mobyakolwa omukati-kati kenyu omwisika ryosi; busana nebitikotiko nebyeriswekera nemibiri yeritoka.

¹³ Kusangwa omo mwatsi wahi momwakehibwa kwilaba esindi syokanisa rye neribya butsira eribaritohera kwehi? Munyibuyire ekibi eki.

Paulo akabana abanyaKorinto

¹⁴ Langira eri ni ryakasatu ninasikire eriasa ukwinywe; sindindisyabaritohera: kusangwa sindisonda-sonda kindukyenyu nikwa inywe: kusangwa bana sibatolere eribikira ababutabo; nikwa ababutabo busana nabana.

¹⁵ Nobutseme bungi nasyayiha nakandi nasyanubibwa busana ne birimu byenyu, namabanza kutsibu nage nasyanzwa hake kwehi?

¹⁶ Ko bibye bitya mondabaritohera, nikwa eribya na menge, monabasinga omwitebya.

¹⁷ Nabiriyitundisya omwabo natuma ukwinywe kwehi?

¹⁸ Monahana Tito, monatuma omugala wetu haguma naye. Tito mwabana endundi kwinywe kwehi? Motutakola omo kirimu kiguma? Motutabasula omo kisandu kiguma kwehi?

Ekibi kyabaKristo

¹⁹ Kandi mukaganiraya, muti, twayihambulaya ukwinywe? Embere syoMungu tukabuga omwisi wa Kristo. Kusangwa ebyosi, abanze, biri busana neribahimba.

²⁰ Kusangwa ngu baha nibya omugulu nasyasa nasyabalolako imuri ngoko nyitanzire kandi nasyaminyikala ngoko mutanzire; embino hasyabya erinegena, neritsura, neriagarirwa, neriyitendera, neri tsuma, neriyitonga, neriyikutya, nolukanda.

²¹ Neryo omugulu nasyaswasa kandi oMungu wage asyangira mo molomolo embere syenyu, nasyarira busana nabangi bakubo abakolanabi erimbere, abatabinduka oko bibi, nerisingira nesyongumbu nyibi bakola.