2 AbanyaKorinto 11 - Nouveau Testament et Psaumes en Ndandi Version 1962

Omukwenda wakwenene nabamabihi

¹ Nikwa munyiganyire omo bukiru buke: nikwa mukana nyiganyira.

² Kusangwa namaya obuha oko mwatsi wenyu omo buha bwoMungu, kusangwa nabiribahindania oko mulume muguma busana neribaleta oko Kristo ngo mumbesa gowene.

³ Nikwa ngubaha nyiti rite ritya, ngoko enzoka yatebaya Hawa omo menge wayo, neryo oburingikania bwenyu sibuheribawe erilwa kobuguma nobubuya bwaKristo.

⁴ Ku sangwa oyu kasa erikangirirya ogundi Yesu oyo tutabakangiri raya kutse mukangirira ekindi kirimu ekyo mutangirira, kutse eyindi engulu yowene eyo mutangirira, mukakola ndeke erimuhurikirira.

⁵ Kusangwa ngayiganza nga sindi enyuma kutse na hake oko bakwenda bakulu kundu.

⁶ Nikwa nomo ndi mukiru omwibuga, sindi nyitya omwiminya; nikwa twamabika nganibwa omo myatsi yosi okwinywe.

⁷ Kutse monakola kibi eriyiyira mo mukemuke nenyu muhamibawe, kusangwa nabakangiriraya engulu yowene yo Mungu butsira buhingi kwehi?

⁸ Moniba oko sindi syokanisa eriimya obuhingi bwabo busana neribakolera.

⁹ Nomugulu nabya haguma nenyu monabya nobwaga, mondaritohera mundu; kusangwa abagala betu abalwa Makedonia, mobanyi letera olulengo lwebyo nyiri bwaga. Omo myatsi yosi mona yiteya eritindabaritohera, kandi ngandiyiteya.

¹⁰ Ngoko mwatsi wakwenene waKristo ari mwisi wage, sihari mundu wasyakakirya eriyihalamba ryage eriri omo kihugo kyaAkaya,

¹¹ Busana naki kwehi? Kusangwa sinyibanzire kwehi? OMungu anasi ko nyibanzire.

¹² Nikwa ekyo ngakola, ngandikolakyo, inatoka erilusya omwatsi wabakasonda eriyihalamba bati bakayiyira nga twi.

¹³ Kusangwa abandu abari batya ni bakwenda bamabihi, abakoli bomubiri weriteba, bakayibindula nga bakwenda ba Kristo.

¹⁴ Sikyeriswekera, kusangwa Satani naye akayibindula momulaika wekyakakala.

¹⁵ Nibya isi mwatsi munene abakwenda buwe bamayibindula mobakwenda beritunganene. Enduli yabo yasyabya ngemibiri yabo.

Eriyihalamba

¹⁶ Akandi ngabuga, nyiti, Omundu siaringikanaye ngindi mukiru. Nikwa mwamaganirya mutya, imwanyikokya ngo mukiru, neryo imonayihalamba hake.

¹⁷ Ekyo ngabuga, sindibuga ngerilwa oko Mukama, nikwa ngomo bukiru eriyi ketera weriyipipa.

¹⁸ Kusangwa abangi bakayihalamba omo mubiri, nage ngandiyihalamba nibya.

¹⁹ Kusangwa muka ganyira abakiru nobutseme, nenyu imuri bamenge.

²⁰ Ku sangwa mukalindirira omundu omugulu akabayira mobakobe, kutse omundu amabamera kutse akabapura, kutse amayihamya, kutse amabahwitsya omo busu.

²¹ Ngabuga omwisoni, twabya abolo busana nekyo. Nikwa omundu amayihalamba busana nekindu, (ngabuga ngo mukiru), nage ngayipipa busana nekyo.

²² Bamabya baIbrania, kwehi? Nage nibya. Ni baIsraele kwehi? Nage nibya. Ni mbuto yaAbrahamu kwehi? Nage nibya.

²³ Ni bakoli bomubiri waKristo kwehi? (Namabuga ngomusire) ingye kwilaba; omu mibiri okwilaba, omwibohwa kwilaba, omwi swiribwa ngendo kwilaba, omu luholo ngendo nyingi.

²⁴ Oko baYuda ngendo itano monahwitsibwa esyonyambi amakumi ani erilusya luguma.

²⁵ Nabirihunzwa omo myutso esyongendo isatu, monaswiribwa momabwe ngendo nguma, esyongendo isatu monabana eritahanguka ryobwatu, omo kiro kiguma neritungi igoma inyine omo ngetsi;

²⁶ oko lugendo ngendo nyingi, omunyusi hakuhi nerihola, na hakuhi nerihola oko banyeyi, hakuhi nerihola omo kihanda kyage, hakuhi nerihola oko bihanda, hakuhi nerihola oko muyi, hakuhi nerihola mo mbwarara, hakuhi nerihola omo ngetsi, hakuhi nerihola omukati-kati ka bagala betu bamabihi;

²⁷ oko mubiri noko bulige, erikuba to omo kiro ngendo nyingi, omo nzala nenyota, omwitsira akaryo ngendo nyingi, omwitsuku nomo ndumbu.

²⁸ Haguma nemyatsi iri yihya hari omwatsi owakanyiritohera biro byosi, amaganiryo wesyokanisa syosi.

²⁹ Nindi ni molo, nage sindi molo kwehi? nindi akatwikalibawa nage sindiagali bawa kwehi?

³⁰ Ryamatolera eriyipipa ngandiyipipa omo myatsi yobolo bwage.

³¹ OMungu naTata woMukama wetu Yesu ogomuyisa na kera na kera anasi ko ndebiha.

³² Oko Damaseke omutabali womwami Areta mwateya omuyi wa Damaseke busana nerinyitsimba;

³³ nikwa omo ryeseryo monaandagalibwa omo kitiri oko oluhimbo, neryo monabala ebyala biwe.