2 AbanyaKorinto 10 - Nouveau Testament et Psaumes en Ndandi Version 1962

Ehamuli ya Paulo

¹ Ingye Paulo, ngabago busana neriyibombekano bolobolo bwa Kristo, ingye oyuri molomolo omugulu ndi mo meso wenyu, nikwa inyikalire omugulu ndeho:

² ega, ngabago nyiti omugulu nyine haguma nenyu sinyi kangaye obutubaha neriyiketera eryo ngaganiraya erikangya oko bandi abakatuganiraya nga tukalendera omo musindo womubiri.

³ Kusangwa nomo twikere omo kihugo siturilwa omo misindo we kihugo,

⁴ kusangwa ebyuma byamalwa wetu sibye kihugo nikwa biwite amaka oko Mungu eriterya ebikalire.

⁵ Tukateraya amahaka noburi kindu kikakakiraya eriminya ryoMungu, neriyira buringikania bosi mo bukobe eriowa Kristo,

⁶ erisika okwisuyira obutowa bosi, omugulu eriowa ryenyu ryamahikana.

⁷ Mulebaye ebiri embere syameso wenyu. Omundu amayi ketera kwari wa Kristo, ayibukaye ngoko ari wa Kristo, netu ko tune tutya.

⁸ Kusangwa nomo nangayipipa kwilaba hake busana nehamuli yetu, eyo Mukama atuha eribahimba butsira eribaherya, sinangitwa esisoni.

⁹ Sinyiminyikale nga ngabu bahaya omo syobarua syage.

¹⁰ Kusangwa bakabuga bati, Esyobarua siwe siritohire sikalire, nikwa eribyaho ryomubiri wuwe ni ryolo, nomubuge wuwe ni weriponwa.

¹¹ Omundu ngoyo aminye ngoko ebyo tukabuga omo barua tuteho, ko tukakola tutya ituneho.

¹² Kusangwa situri nobutubaha bweri yitswera kutse eriyiringirirania nabandi abakayipipa. Nikwa omugulu bakayiringiriranaya bobene nerilengana ibobene, bari nobutaminya.

¹³ Nikwa sitwendiyihamya kwilaba olulengo, nikwa twa syabya omo luringa Mungu atuhiramo, erihika okwinywe.

¹⁴ Kusangwa sitweyikirukaya, nga si twetabahikako; twabya berimbere eribahikako nengulu yowene ya Kristo.

¹⁵ Situriyi hamaya kwilaba oluringa, omo mibiri yabandi bandu; nikwa amaha wetu ati ngoko erikirirya ryenyu rikakanya, aherikolera ryetu naho hasyakanya ndeke,

¹⁶ neryo itwatoka eritula engulu yowene omo bihugo eyisirya kwinywe, butsira eriyihamya omo mubiri owabirikoleka omo lulengo lwogundi.

¹⁷ Nikwa oyu kayihamaya ayihamaye omwisi woMukama.

¹⁸ Kusangwa si mundu oyu kayisima oyu kaligawa, nikwa omundu oyu Mukama akasima.