2 AbanyaKorinto 1 - Nouveau Testament et Psaumes en Ndandi Version 1962

¹ Paulo, omukwenda wa Kristo Yesu busana nerisonda ryoMungu, na Timoteo, mugala wetu, oko kanisa yoMungu eyiri eKorinto, haguma nababuyirire bosi abari omo Akaya hosi.

² Olukogo lubye okwinywe nobuholo bukalwa oko Mungu Tata wetu noMukama Yesu Kristo.

OMungu musibikya

³ OMungu asikibawe, Tata woMukama wetu Yesu Kristo,

⁴ Tata weriganyira noMungu werisibikya ryosi omo malige wetu gosi imotwatoka erisibikya abari omo malige wahi omwisibikya eryo tukasibikibawamo nomungu.

⁵ Ngoko amagali waKristo akatukanyira, neryo ritya erisibikya ryetu nibya likakanyirira busana na Kristo.

⁶ Nikwa twamagalwa ini busana nerisibikya ryenyu nerilamibwa ryenyu, kutse twamasibikibwa, ini busana nerisibikya ryenyu erikakola eriyiyinia omu magali ayo muka galawamo.

⁷ Nakandi amaha wetu busana nenyu asikire, itunasi ngoko muri haguma omo magali, mwasyabya omwisi­bikya litya.

⁸ Sitwanzire, bagala betu, mukabya butaminya amagali ayo twabana eAsia, eriritoha inene kwilaba amaka wetu, kyaleka itutaswabya namaha weribyaho.

⁹ Nikwa itwe twabya nolu banza omwisi wetu lwerihola, imotutayiketera itwe bene, nikwa Mungu oyu kalubukaya abaholi:

¹⁰ oyu watubalaya oko luholo lunene lungaha, nakandi akandisyatubalya kulo. Nakandi turi na maha kwakandisyatubalya kandi nibya;

¹¹ nenyu nibya mukatuwatikaya haguma omwisaba ryenyu busana netu neryo busana nerihitya twahabawa busana na bangi, abangi ibatoka eriha ewasingya busana netu.

¹² Kusangwa eriyihalamba ryetu ryeri, eritulago ryemitima yetu riti, emitwalire yetu omo kihugo, okwinywe kwilaba, yabya ibuyirire nekwenene yoMungu, butsira omo menge womubiri, nikwa omu lukogo lwoMungu.

¹³ Kusangwa situribasakira eyindi myatsi ite eyo mwangatoka erisoma, neriminya, nakandi indi na maha ko mukandisyaminya erihika oko nduli.

¹⁴ Ngoko mwatuminya ko kihande ko turi eripipa ryenyu, ngoko inywe muri eryetu omo kiro kyoMukama Yesu.

Mungu siarisiganiraya

¹⁵ Nomwisika omo mutima, nabya nyanzire erihika kwinywe erimbere, imwatoka eribya nerisimwa kabiri.

¹⁶ Na busana nenyu eritwanganira eMakedonia, nerilwa Makedonia eribahi kako, nerikwamanisibwa ryenyu eriya eYudea.

¹⁷ Omugulu nasonda erikola eki, muti monagangaganga kwehi? Kutse ekyo nyiyisunzire erikola, ngayisunza ngoko mubiri kwehi, nyiti habye ega neyihi?

¹⁸ Ngoko Mungu siarisiganiraya eKinywa kyetu sikyabya kwinywe ega neyihi.

¹⁹ Kusangwa oMugala woMungu, Yesu Kristo, oyo twakangiriraya omo katikati kenyu ingye na Silvano na Timoteo siayirawa mo ega neyihi, nikwa omwiye, ni ega.

²⁰ Kusangwa erilaga ryosi ryoMungu ni Ega omwisi wuwe, nomwiye biri Bibye bitya, oko lukengerwa lwoMungu busana netu.

²¹ Noyu watuhaka baya amaguta ni Mungu;

²² oyu wabirituhira kwe kiminyisyo, kandi abirituha eKirimu kiwe mo muwato.

²³ Nikwa ngabirikira oMungu mo mulangiri wekirimu kyage—nyiti nasonda eribabalya kyaleka inindahika eKorinto.

²⁴ Butsira itwe erisonda eritabala okwikirirya ryenyu, nikwa turi bawatikya bobutseme bwenyu; kusangwa musikire omwi kirirya ryenyu.