1 Yoane 1 - Nouveau Testament et Psaumes en Ndandi Version 1962

Erisangana na Kristo

¹ Ekyo ekyabya okwitsuka, ekyo towa, nekyo twabirilangira nameso wetu, ekyo twabirilebya nebyala byetu byabiritulako, ekikahula eKinywa kyengebe—

² nengebe moyaminyikalibwa, motwalola kuyo, itukatula omwatsi wayo, tukabakaniraya engebe, engebe yerikota, eyabya haguma na Tata kandi moya minyikalibwa okwitwe—

³ eyo twabirilolako twabiriowatukabakaniraya, ritya imwatoka erisakana haguma netu; ega, nerisakana ryetu riri haguma na Tata na Mugala wuwe Yesu Kristo.

⁴ Kandi tukabasakire emyatsi eyi, obutseme bwetu buhikane.

Erilendera omo kyakakala

⁵ Nengulu yeyi twabirimuwako tukabakaniraya, ko Mungu ni kyakakala nomwisi wuwe sihari mwirimya na hake.

⁶ Twa mabuga tuti twabirisakana naye itunemulendera omo mwiri mya, tukabiha isitwekwamirira omwatsi wakwenene;

⁷ nikwa twamalendera omo kyakakala, ngoko iye ari omo kyakakala, tukasakana, nomusasi wa Yesu oMugala wuwe akatweraya kwebibi byosi.

⁸ Twamabuga tuti situri kwebibi, tukayiteba, ekwenene siri omwisi syetu.

⁹ Twamakangya ebibi byetu, iye siarisiganiraya kandi atunganene, asyatubugira ebibi byetu neritwerya oko bitatunganene byosi.

¹⁰ Twamabuga sitweta kola ekibi, tukamuyira mo mubihi, nekinywa kiwe sikiri omwisi syetu.