1 Timoteo 5 - Nouveau Testament et Psaumes en Ndandi Version 1962

Emyatsi yabakwakali neya balangiri

¹ Suhayire omukulu nikwa umuhane ngoyu kahana ise; nabalwana nga bagala benyu,

² abakali bahumira ngabo koyo, na bakali bakiri balere kwaho nga bali benyu, omwikenga ryosi.

³ Usikaye abakwakali abari bakwakali kundu.

⁴ Omukwa kali amabya awite abana kutse abitsikulu, batsuke eriiga erikenga abekitunga kyabo, nerituha ababutabo; kusangwa eki kikaligawa embere syoMungu.

⁵ Oyuri mukwakali kundu, iniabirisiganibwa iyowene, abirihira amaha wuwe oko Mungu kandi akakwamirira erigo nerisaba omo kiro nomo mwisi;

⁶ nikwa oyu kayibuyahirawa ni muholi nomwangabya aneho.

⁷ Utegeke eki, ibatoka eribya butsira ekyo bangaku ngirwa,

⁸ Omundu amatindatuga ekitunga kiwe, na kwilaba aho abenyumba yiwe, iniamagana erikirirya kandi ni mubi kwilaba oyu tikirirye.

⁹ Sihabye omukwakali ukasakawa oyuri mulere oko mituta amakumi endatu, kutse oyu wabya abirihikibwa kwilaba engendo nguma;

¹⁰ atolere erisimirwa emibiri mibuya, ini abirikulya abana, iniabirikokya abageni, iniabirinabya ebisandu byababuyirire, iniabiriwatikya abakagalawa, iniabiriyihira okwi kola emibiri yowene emisindo yosi.

¹¹ Nikwa ugane erisaka abakwakali abalere; kusangwa omugulu bakakwa esyongumbu bakatswa oko Kristo ibasonda erihikibwa,

¹² neryo ibabana olubanza kusangwa bakasiga erilaga ryabo ryerimbere.

¹³ Na kandi bakiga erigalaganda, ibakalendera omo buri nyumba, isi galaganda risa nikwa esyondumangania nabakayitulunganaya omo myatsi ya bandi, bakabuga emyatsi itatolere.

¹⁴ Ritya ngasonda abakwakali balere bahikibawe, babute abana, bate geke esyonyumba syabo, sibahe enzigu omwanya weritutsuma.

¹⁵ Kusangwa abandi babiritala bakakwama eSatani.

¹⁶ Hama bya omulume kutse omukali oyu wikirirye oyu wite oko kitunga kiwe kwa bakwakali, awatikayebo; ekanisa siritoherawe, iyatoka eriwatikya abari bakwakali kundu.

¹⁷ Abakulu abakatabala ndeke baganzawe ngabatolere eri habwa erisikya engendo ibiri, na kwilaba aho abakakola omwi tulago nerikangirirya;

¹⁸ kusangwa amasako akabuga ati, Subohe oko buno bwende omugulu ikahumba enganu, kandi ati, Omuhingi atolere obuhingi buwe.

¹⁹ Sulige erihandikirira mukulu utawite abalangiri babiri kutse abasatu.

²⁰ Nikwa abakakwamirira erikola nabi, ukungirebo emuliro wabosi, abandi batoke eribya neriubaha.

²¹ Embere syoMungu nesyaKristo Yesu nabalaika abayisogawa ngakutegeka uberere raye amategeko aya butsira eriyira ebitaga, kandi suyire erisombola abanze.

²² Siwanguhe erihira ebyala oko mundu, kandi susangire oko bibi byogundi mundu; uyibike mo mubuyirire.

²³ Suswepulaya amagetsi masa, nikwa ebinyu bike busana nenda yawe nesyondwala syawe syengendo nyingi.

²⁴ Ebibi byabandi bandu biminyekere, bikalola eiri olu banza; nabandi bandu bikakwamabo enyuma.

²⁵ Ritya emibiri yowene iminyekere; nomugulu itaminyekere, siyangatoka eribiswa.