1 Petero 5 - Nouveau Testament et Psaumes en Ndandi Version 1962

Mutegaye ekihyo kyoMungu

¹ Neryo ngahana abakulu omukati-kati kenyu, ingye mukulu mulikenyu, nomulangiri owamagali wa Kristo, kandi ngo musangiri wolukengerwa olukandisyabisulwa.

² Mulisaye ekihyo kyoMungu ekyo muri nakyo, imwalebya butsira eriha tikanwa nikwa nerianza, ngerisonda ryoMungu; butsira eri yitsutsa ebitsipa ebyesyonye, nikwa nomuhwa;

³ butsira eriyiyira mo bakama ukwabo muri nabo nikwa mubye ekiso sekanio kyekihyo.

⁴ Kandi omugulu oMulisya mukulu asyaminyikalibwa mwasyabana embita yolukengerwa eyitehi nduka.

⁵ Ritya abalere mukenge abakulu. Ega, inywe bosi mwambale eriyikehya busana nerikolerana, kusangwa Mungu akalwa na bakayihamaya, nikwa akaha olukogo oko bakayike haya.

⁶ Muyikehaye nibya omwisi webyala byamaka byo Mungu, naye iniatoka eribahamya oko mugulu atolere.

⁷ Mumuhire kwamaganiryo wenyu gosi, kusangwa akabagani raya.

⁸ Muyitegaye, mulebaye. Enzigu yenyu Satani nge ndale eyikaruruma, nerigendagenda, nerisonda oyo yangarya.

⁹ Mulwe nayo, imunasikire omwikirirya ryenyu, imunasi ngoko emyatsi eyo yeriagalwa kwiri oko balikyenyu omo kihugo kyosi.

¹⁰ Kandi nenyu mwamabiagalwa akatambi, Mungu wolukogo losi, oyo wababirikira oko lukengerwa luwe lwerikota omwisi waKristo, asyabasubya, eribasikya, neribaha akagala.

¹¹ Eri tabala ribye kwiye kera na kera. Bibye bitya.

¹² Omo byala byaSilvano, omugala wetu oyu tesiganiraya, ngamuganza nyitya, ngabasakira omo binywa bike, erihana neritulago nyiti olu ni lukogo lwakwenene lwoMungu; mu hangane mulo musike.

¹³ Oyuri eBabeli oyo wayisogawa haguma nenyu akabakeraya; na Mariko mugala wage.

¹⁴ Mu keranaye neriryatsirira ryolwanzo. Obuholo bubye ninywe bosi abari omwisi waKristo.