1 Petero 4 - Nouveau Testament et Psaumes en Ndandi Version 1962

Tusangire amalige waKristo

¹ Nikwa kusangwa Kristo mwagalwa omo mubiri, nenyu mwambale oburingikania obo, kusangwa oyu kagalawa omo mubiri iniamabiombya oko bibi,

² neryo abyeho oko biro bikisiya akiri omo mubiri busana nerisonda ryoMungu butsira oko syongumbu syabandu.

³ Omugulu owabirilaba abye ungaho erikola ebye Bihanda byanzire erikola, erilendera omwi singira, nesyongumbu, nerikunda, eriya lumba, neritamira, nebyamalolo awerisaba esisumba.

⁴ Nabo bakasweka ko mutesangira nabo omo syonye esyo, kandi bakabanegulira;

⁵ nikwa basyatulirago oyu sikire eritwa esyombanza syabariho nabaholire.

⁶ Kusangwa eki kyalekire engulu yowene iyatulwa oko baholi, neryo nomo batswerawa omo mubiri nga bandu, ibatoka eribyaho omo kirimu ngo Mungu.

Awandi mahano

⁷ Enduli yemyatsi yosi iri hakuhi; neryo mubye noburingi kania bwamenge neriyiteya busana nerisaba.

⁸ Kwilaba emyatsi yosi musike omo muhwa werianzana, kusangwa olwanzo lukakuningira ebibi bingi.

⁹ Mukokanaye butsira eritongana.

¹⁰ Ngoko oburi mundu abiribana erihitya, ko mwangakolerana mutya, nga babiki bolukogo misindomisindo lwoMungu;

¹¹ omundu amabuga, abuge ngakabwirawa noMungu; noyu kakola omubiri akolego ngoyu awite amaka Mungu akaha; ritya Mungu apipawe omo myatsi yosi busana na Yesu Kristo. Olukengerwa neritabala ni biwe na kera na kera. Bibye bitya.

Simwagalawe ngabakola nabi

¹² Abanze, simusweke busana nerilengwako ryomuliro eri kabahikako eribalengako, nga kindu kitasibwe kikabahikako.

¹³ Nikwa mutseme aho mukasangira amagali wa Kristo, imwa toka eritsema neritsanga omugulu olukengerwa luwe lwasyabi sulwa.

¹⁴ Mwamatsumwa busana nerina ryaKristo, imuri nomuyisa, kusangwa ekirimu kyolukengerwa nekyoMungu kikere kwinywe.

¹⁵ Nikwa sihabye omundu kwinywe oyu kagalawa ngomwiti, kutse mwibi, kutse omukoli wekibi, kutse oyu kayihira oko myatsi ite yiwe; nikwa omundu amagalwa nga muKristiano,

¹⁶ siakwe esisoni, nikwa apipe Mungu omo rina eryo.

¹⁷ Kusangwa endambi yabirihika eritswera ritsuke omo nyumba yoMungu; neryo ryamatsuka ukwitwe, enduli yaba teowa engulu yowene yoMungu yasyabya iti kwehi?

¹⁸ Kandi kyamasonda erilemana erilamya oyu tunganene, oyu tekenga Mungu na mukola nabi basyaminyikala hahi kwehi?

¹⁹ Neryo abakagalawa ngerisonda ryoMungu basyakola ndeke neribika emitima yabo oko Muhangiki oyu tesiganiraya.