1 Petero 2 - Nouveau Testament et Psaumes en Ndandi Version 1962

Eribwe eririho

¹ Neryo muhige ebibi byosi nepono yosi neriteba neritsura nerilega.

² Nge syomekeke, mwanze amasabu wekirimu awate nepono, imwatoka eritsuka erihika okwilama;

³ ku sangwa mwabirigerya ko Mukama ni wolukogo.

⁴ Muhike kwiye eribwe eryo eririho, eryaganawa nabandu nikwa embere syoMungu ryayisogawa neryenzwere nene;

⁵ nenyu ngamabwe awariho muhimbirwe omo nyumba yekirimu, eribya ekihanda kyabahereri ababuyirire, eriherera amahere wekirimu awakasi mawa noMungu busana na Yesu Kristo.

⁶ Kusangwa kiri omo masako kiti: Lebaya, nasyahira omo Sioni eribwe, eribwe ryengonde eryayisogawa eryenzwere nene, Noyu kamwikiriraya siendisyitwa esisoni.

⁷ Busana ninywe mukiriraya, iye ni wobuguri bunene, nikwa busana nabatikirirye, Eribwe eryo abahimbi bagana, Ryabiribya omutwe wengonde,

⁸ kandi, Eribwe ryasyatwikalya abandu, olukuka lwasyatoyabo; kusangwa bakatwikala oko kinywa kusangwa sibariowa, ngoko bahirawa erikola ritya.

⁹ Nikwa inywe muri kihanda kyayiso gawa, abahereri bobwami, ekihanda kibuyirire, abandu bo Mungu, imwatoka erikangania emibiri yeriswekera yoyo wababirikira erilwa omo mwirimya erihika omo kyakakala kiwe kyeriswekera.

¹⁰ Erimbere simwabya ekitunga nikwa lino muri kitunga kyoMungu; kera isimwetabana olukogo nikwa lino mwabiribana olukogo.

Erikola ndeke embere webihanda

¹¹ Abanze, ngabago nga babunga nabakalaba, mugane esyongumbu syomubiri, esikalwa nekirimu.

¹² Muyire emibere yowene omukati-kati keBihanda, nomo bangabahula nga bakolanabi, balangire emibiri yenyu mibuya ibapipa Mungu oko kiro kyeribalamirwa.

Eriowa abakulu

¹³ Mowe eritegeka ryosi ryabandu busana noMukama, kutse ryamabya ryomwami oyu lengire abosi,

¹⁴ kutse ryabarongani abakatumawa naye erisuyira abakakola ebibi nerisima abakakola ndeke.

¹⁵ Kusangwa ni sonda ryoMungu erisinga eritinda minya ryabandu bikiru omwikola ndeke ryenyu.

¹⁶ Mubyeho nga bandu abakayigenderaya, nikwa simukuningire eriyigende rya ryenyu omo bibi; nikwa mubyeho nga bakobe boMungu.

¹⁷ Musikaye abandu bosi. Mwanze abagala benyu. Mubahe oMungu. Musikaye omwami.

Eriagalwa

¹⁸ Abagombe, mowe abakama benyu nerikenga ryosi, butsira oko babuya nabakakola ndeke basa nikwa noko bakalire.

¹⁹ Nikwa omundu akasimawa amasika omwagalibwa bosa iniakaganiraya oMungu.

²⁰ Mwamaswiribwa busana nerikola nabi nomo mwangasika, erisimwa ni ryahi kwehi? Nikwa mwamakola eritunganene mukagalwa busana naryo mukasika, imukasimawa noMungu.

²¹ Kusangwa mwabirikirawa busana nebyo, kusangwa Kristo nibya mwagalwa busana nenyu, mwa basigira ekisosekanio, imwakwamirira olugobe luwe.

²² Mwa takola ekibi neriyihambulya moritabanika omo buno buwe.

²³ Omugulu atsumawa mwataswatsuma; omugulu agalawa, mwatakangitsya; nikwa mwayiketera oyo katswera ekitunga nene.

²⁴ Iye mwaheka ebibi byetu omo mubiri wuwe oko muti, neryo itwe itwatoka erihola oko bibi neribyaho omo ritunganene. Busana nemibibu yiwe yo yabalamaya.

²⁵ Ku sangwa mwabya imukatala ngesyombuli; nikwa lino mwama bisubula oko Mulisya noMuteya webirimu byenyu.