1 AbanyaKorinto 8 - Nouveau Testament et Psaumes en Ndandi Version 1962

Esiswi syamahere

¹ Nikwa busana nebyalya bikahererawa esisumba; Tunasi itwe bosi tuwite amenge. Amenge akaha eriyitendera, nikwa olwanzo lukahimba.

² Omundu amaringikania ngasi kindu, isiaritaminya ngoko litolere eriminya.

³ Nikwa omundu amanza Mungu akaminyawa naye.

⁴ Na ritya erirya ebyalya ebikahererawa okwisumba, tunasi olusumba siluwite eribyaho, nakandi sihari Mungu yono muguma.

⁵ Kusangwa nomo hangabya ebikahulawa mo miu ngu omo lubula kutse omo kihugo ngoko hari emiungu mingi nabakama bangi—

⁶ nikwa kwitwe hari Mungu muguma, Ye Tata, nemyatsi yosi ikalwa kwiye netu tukabyaho busana naye, hari noMukama muguma, Yesu Kristo, busana naye emyatsi yosi ine nakandi busana naye netu turiho.

⁷ Nikwa, abosi sibawite eriminya eri. Abandi busana neri begera esisumba erihika na lino, bakarya ebyalya ebikahererawa esisumba kundu; nomulenge womutima wabo, ini molomolo, akatsanda.

⁸ Akaryo ko kateleka Mungu akatwanza. Twama tindarya sitwendibya babi, kandi twamarya sitwendiuwana kwilaba aho.

⁹ Nikwa ulebaye eriyigenderya ryenyu mutatso mene siribye ekyeritwikalya abolobolo.

¹⁰ Kusangwa omundu amakulolako uwe mundu weriminya, inunikere oko butala omo hekalu yolusumba omulenge womutima wuwe amabya ari molo, siendisyabana omuhwa werirya ebyalya ebikahererawa oko sisumba kwehi?

¹¹ ritya omundu molomolo oyu akaheri bawa busana neriminya ryawe, naye ini mugala wetu oyo Kristo aholera.

¹² Ritya, mukakola nabi oko bagala benyu mukahuta laya omulenge womutima wabo omugulu ari molomolo, imukakola nabi oko Kristo.

¹³ Kikaleka ebyalya byamahinaa omugala wetu, inindasyaswarya eyiswi na kera, busana neribuga ambu sinzwehinda mugala wetu.