1 AbanyaKorinto 3 - Nouveau Testament et Psaumes en Ndandi Version 1962

Amasabu na karyo

¹ Nikwa ingye, bagala betu, mondatoka eribuga nenyu nga bandu bekirimu, nikwa ngabandu bomubiri, nga bana balere omwisi wa Kristo.

² Monabaha amasabu butsira ebyalya ebikalakalire; kusangwa simwabya mutolerebyo; na lino simutolerebyo.

³ Kusangwa mukine bomubiri; kusa ngwa eritsura nerinegena byamabya bikine omukati-kati kenyu, simuri bomubiri, isimwelendera ngabandu kwehi?

⁴ Kusangwa omuguma amabuga ati, Ingye ndi wa Paulo, nogundi ati, Ingye ndi wa Apolo, simuri bandu buyira kwehi?

Erihera neriheherya

⁵ Neryo Apolo niki kwehi? Na Paulo niki kwehi? Ni bagombe abaleka imwikirirya, ngoko Mukama aha oko buri mundu.

⁶ Ingye nahera, Apolo muta mwamagetse, nikwa Mungu mwahasyo erikula nerikanya.

⁷ Ritya oyu kahera noyu kuta mwamagetse si kindu, yo noMungu oyu kaha erikanya.

⁸ Oyu kahera noyukuta mwamagetse baringene, noburi mundu asyahembwa ngoko akola omubiri wuwe.

⁹ Kusangwa Mungu yo tukakola haguma naye; nenyu muri irima ryoMungu, kandi muri enyumba yoMungu.

Ekibanza kyoMungu

¹⁰ Ngo lukogo lwoMungu olo nahabawa, ngomuhimbi mukulu wamenge monahira ekibanza, nogundi mundu aka himba mukyo. Oburi mundu ayitegaye ngoko amahimba mukyo.

¹¹ Kusangwa sihari kindi kibanza ekyo mundu angahira kye nekyabirihirwaho, ni Yesu Kristo.

¹² Neryo omundu amahimba oko kibanza esyofranka syemilinga, nekitsipa, namabwe wobuguri bunene, emiti, nebiti, nesyongesera—

¹³ omubiri woburi mundu asyaminyikalibwa; kusangwa eKiro kyasyakanganiago, kusangwa asyaminyikalibwa nomuliro, no muliro asyalenga omubiri woburi mundu nga ni musindo wahi akola.

¹⁴ Omubiri womundu oyo wahimba oko kibanza amabyaho, asyahabwa obuhingi.

¹⁵ Omubiri womundu ama hya, asyabana eritalya, nikwa iye asyalamibwa, ngo yuryalwa omo muliro.

Enyumba yoMungu

¹⁶ Simwasi ko muri ehekalu yoMungu kandi eKirimu kyo­Mungu ko kikere omwisi wenyu kwehi?

¹⁷ Omundu amaherya ehekalu yoMungu, Mungu asyamuherya. Kusangwa ehekalu yoMungu ibugirire, kandi nenyu muri ehekalu eyo.

Eriyiketera oMungu

¹⁸ Sihabye oyu kayitebaya. Omundu wukwinywe amagani rya nga ni wamenge oko mugulu oyu, abye kikiru iniatoka eribya wamenge.

¹⁹ Kusangwa amenge we kihugo kino ni bukiru oko Mungu. Kusangwa kisakire kiti, Akahamba abamenge omo menge mabi wabo,

²⁰ na kandi, OMukama anasi amaringikania wabamenge kwari buyira.

²¹ Ritya sihabye omundu oyu kayiketera abandu. Kusangwa emyatsi yosi ni yenyu.

²² Nomwangabya Paulo kutse Apolo kutse Kefa kutse e kihugo kutse engebe kutse oluholo kutse ebya linolino kutse ebikandisyabya,

²³ ebyosi ni byenyu; nenyu muri abaKristo; na Kristo ni woMungu.