1 AbanyaKorinto 2 - Nouveau Testament et Psaumes en Ndandi Version 1962

Amenge goMungu

¹ Omugulu nabahikako, bagala betu, mondahika eribaminyi kalirya eritulago ryoMungu omo binywa byeriyipipa nebya menge.

² Kusangwa monayisinga nyiti sinangaminya kindi omukati-kati kenyu ni na Yesu Kristo oyo wabambawa.

³ Nage nabya nenyu omo bolobolo neriubaha rinene nerititimana ringi;

⁴ eribuga ryage neritulago ryage sibyabya byekisehya kyamenge, nikwa omwi kangania ryeKirimu na kagala,

⁵ eri kirirya ryenyu sirihangane omo menge wabandu nikwa omo kagala koMungu.

⁶ Nikwa oko babirikula tukabuga nabo amenge, nikwa si menge womugulu oyu kutse wabatabali bomugulu oyu, abakahwaho.

⁷ Nikwa tukabuga ekibisire amenge goMungu omo kibisire ayo abiribiswa, ayo Mungu ategeka embere yemigulu busana nolukengerwa lwetu.

⁸ Sihari omutabali womugulu oyu wabya asi eki; kusangwa kumbe baribya basi sibanga bambire oMukama werikengwa.

⁹ Nikwa ngoko kisakire kiti, Ekyo eriso riteryalangira, kutse ekyo kutu kutekowa, kutse omutima gomundu Siaritaganirye, byo Mungu abirikokoterya abamwanzire.

¹⁰ Mungu abirituminyikaliryebyo omo Kirimu. Kusangwa eKirimu kikasonda-sonda ebyosi, nibya emirindi yoMungu.

¹¹ Kusangwa ni mundu wahi oyo wasi amaringikania womundu kite ekirimu kyomundu ekiri omwisi wuwe kwehi? Ritya sihari oyu kaminya amaringikania goMungu kite eKirimu kyoMungu.

¹² Nikwa sitwetangirira ekirimu kye kihugo, nikwa eKirimu kikalwa oko Mungu, itwatoka eriminya erihitya tuka habawa noMungu.

¹³ Netu tukabuga eki omo binywa ebita kangiriribawa namenge wabandu nikwa ebikakangiriribawa neKirimu, tukabindula ebyekwenene byekirimu kwabo abawite eKirimu.

¹⁴ Omundu oyu te wekirimu siariangirira erihitya ryeKirimu kyoMungu, kusangwa ni bukiru kwiye, kandi siaritoka erimi nyaryo kusangwa rikaminyawa omo musindo wekirimu.

¹⁵ Omundu wekirimu akasoha emyatsi yosi, nikwa iye siariso hawa.

¹⁶ Kusangwa nindi yo wabiriminya oburingikania bwoMukama ati akamukangiriraya kwehi? Nikwa itwe tuwite oburingikania bwa Kristo.