1 AbanyaKorinto 13 - Nouveau Testament et Psaumes en Ndandi Version 1962

Erihitya erilabiri ni lwanzo

¹ Nomo nangabuga omo mibuge yabandu neyamalaika, nikwa ndawite olwanzo namabya ngekyuma, ekikabugaya olukanda kutse olusengo lwekyuma.

² Namabya namaka weri minyerera, ngaminya ebibisire byosi na menge gosi, kandi ngwite erikirirya ryosi, ngatoka erilusya ebitwa, nikwa ndawite olwanzo, inandi buyira.

³ Namahitya ebyosi ngwite, kandi namaha omubiri wage erihisibwa, nikwa ndawite olwanzo, isinditabana endundi.

⁴ Olwanzo siluriluha lukayira ndeke; olwanzo silurilwa obuha kutse siluriyipipa;

⁵ siluri nepono kutse erikola ogundi nabi. Olwanzo siluriyisondera endundi yalo; siluri hitana luba kutse eriganirya ekibi;

⁶ siluritsemera ebitowene, nikwa lukatsemera ebitunganene.

⁷ Olwanzo lukaheka emyatsi yosi, lukikiriraya emyatsi yosi, lukabya namaha wemyatsi yosi, lukasika omo myatsi yosi.

⁸ Olwanzo silurihwa na kera; nikwa eritulago, ryasyalaba; nikwa emibuge, yasyombya; neriminya, ryasyalaba.

⁹ Kusangwe eriminya ryetu rikine kitswe neritulago ryetu naryo ni kitswe;

¹⁰ nikwa omugulu ekyowene kyosi kyasyabya kyahika, ekitswe kyasyahwa.

¹¹ Omugulu nabya omwana, monabuga ngo mwana, monaganirya ngomwana, monasoha ngomwana; oko mugulu namabikula, monaleka emibiri yobwana.

¹² Kusangwa lino tukalangira hake omo kilolero, nikwa oko mugulu oyo twasyalangira nga bandu bakalolanako omo meso. Lino nyasi kihande; oko mugulu oyo nasyaminya kundu, ngoko nabiri minywa kundu.

¹³ Neryo ebi bisatu bikabyaho, erikirirya, namaha, nolwanzo; nikwa ekilengirebyo lo lwanzo.