1 AbanyaKorinto 11 - Nouveau Testament et Psaumes en Ndandi Version 1962

Eriswika omutwe

¹ Mubye abakanyigerereraya nage ngoko ngagerereraya Kristo.

² Ngabapipa kusangwa mukanyibuka omo myatsi yosi imukakwama emitsye ngoko nabahayo.

³ Nikwa nyanzire muminye ko mutwe woburi mulume ni Kristo, nomutwe womukali niba wuwe, nomutwe wa Kristo ni Mungu.

⁴ Omu lume oyu kasaba kutse akakangiriraya nomutwe anaswikire akita omutwe wuwe esisoni,

⁵ nikwa omukali oyu kasaba kutse erikangirirya ataswikire omutwe wuwe iniakita omutwe wuwe esisoni—riringene nginiabirisisa omutwe wuwe.

⁶ Kusangwa omukali amatindaswika omutwe, iniatwa esyonzwiri siwe; nikwa ryamabya ini soni busana nomukali erisiswa kutse eritwasyo, ambalaye omutwe.

⁷ Kusangwa omulume siatolere eriswika omutwe wuwe, kusangwa iye ni sosa nolukengerwa byoMungu; nikwa omukali ni lukengerwa lomulume.

⁸ (Ku sangwa mulume mwatabumbwa erilwa oko mukali, nikwa omu­kali yo walwa oko mulume.

⁹ Kandi omulume mwatabumbwa busana nomukali, nikwa omukali yo wabumbawa busana nomulume.)

¹⁰ Ekyo kikaleka omukali iniatolere eribya nekyeriswika omutwe wuwe busana nabalaika.

¹¹ (Nikwa, omwisi woMukama omukali siariho hate homulume, nomulume siariho hate homukali;

¹² kusangwa ngoko omukali abumbawa erilwa oko mulume, na ritya lino omulume akabutawa nomu kali. Nemyatsi yosi ikalwa oko Mungu.)

¹³ Mutswere busana nenyu; rinuwene omukali iniasaba Mungu ataswikire omutwe kwehi?

¹⁴ Ebyatsuka sibyebakangiriraya ko mulume amayira esyonzwiri nyirinyiri sikamwita esisoni kwehi,

¹⁵ nomukali amayira esyonzwiri nyiri, ni bubuya buwe. Kusangwa esyonzwiri siwe ahabawasyo busana neribya ekyambalo.

¹⁶ Omundu amanza eribya werikuba obuhaka itwe nekanisa yoMungu situwite eyindi mitsye.

Obutara bwoMukama

¹⁷ Nikwa omwitegeka eri ngabategeka lino sindibasima, kusangwa omugulu mukahindana simwehindana oko kyowene nikwa oko bitowene.

¹⁸ Kusangwa eritsuka ebyosi, omugulu mukahindana omo kanisa, ngowa ko hari erigabana omukati kati kenyu; nage nyirimwikiriryabyo hakehake,

¹⁹ kusangwa ebite byakwenene bitolere eribya omukati-kati kenyu abakwenene omukati-kati kenyu baminyikale.

²⁰ Omugulu muka hindana haguma, ebyo mukarya sirya ryoMukama.

²¹ Ku sangwa omwirya muguma akatsuka erirya ebyalya biwe, nogundi inianakwire enzala, nogundi iniakunda.

²² Niki! Simuwite amanyumba weririramo neripuriryamo kwehi? Kutse mukapona ekanisa yoMungu neriita esisoni abatawite kindu kwehi? Ngababwiraki kwehi? Ngabasima kwehi? Eyihi, sindibasima.

²³ Kusangwa ekyo nahabawa noMukama kyo ngabaha nenyu, OMukama Yesu omo ekiro ahoterawa mwimya obundu,

²⁴ abere aha ewasingya, mwatsutsangabo, ati, Oyu ni mubiri wage owabiribunika busana nenyu. Mukole mutya erinyibuka.

²⁵ Nolutehi mwayiralo atya, enyuma werirya, ati, Olutehi olu ni lagana lihyalihya omo musasi wage. Mukole mutya emigulu yosi mukapulayalo erinyibuka.

²⁶ Kusangwa emigulu yosi mukarya obundu obu neripulya olutehi olu, mukakanganaya oluholo loMukama erihika ahasyasira.

²⁷ Neryo mundundi oyu karya obundu kutse eripulya olutehi loMukama omo musindo atatolere asyabya oko lubanza lweri pona omubiri nomusasi byoMukama.

²⁸ Omundu ayilebaye, neryo arye oko bundu neripulya oko lutehi.

²⁹ Kusangwa oyu karya neripulya atetalebya akaminya omubiri woMukama akarya neripulya eritswerwa lubi riwe.

³⁰ Ekyo kikatuma bangi bukwinywe ibabya bolobolo nabakoni, nabandi babirihola.

³¹ Nikwa twamayitswera kwenene, sitwendisyaswatswerwa.

³² Nikwa omugulu tukatswerawa noMukama, tukakungawa itutaswatswerwa haguma nabe kihugo.

³³ Ritya, bagala betu, omugulu mukahindana haguma okwirya, mulindane.—

³⁴ Omundu amakwa enzala, arireewuwe—isimwangahindana okwitswerwa lubi. Neyindi myatsi nasyategekayo naswasa.