रोमियो 10 - परमेस्वर को सच्चो वचन ख जाननू

¹ अरे भई हुन, मोरो मन कि लोभ अर उनका लाने परमेस्वर से मोरी विनती हैं कि वी उध्दार पाहे।

² काहेकि मी गवाही देऊ हैं कि ऐको परमेस्वर का लाने धुन रवह हैं, पर समझदार का संग नी।

³ काहेकि वी परमेस्वर का धर्म से अनजान हो ख अर अपनो धर्म स्थापित करन कि कोसिस कर ख, परमेस्वर को न्यीय हुन को अधीन नी भयो।

⁴ काहेकि मसी नेम ख परिपूर्णता पहुँच हैं, अर हर एक विस्वास करन वालो ख धर्म प्रदान कर हैं।

उध्दार सब हुन का लाने

⁵ काहेकि मूसा न यी लिखो हैं कि जे अदमी उ धार्मिक हुन पर जो नेम से हैं, चल हैं, उ ओ से जिन्दो रहेगो।

⁶ पर जे विस्वास को दुवारा धर्म हैं उन ख लाने असो लिखो हैं कि तुम अपनो मन असो विचार मन कर कि स्वर्ग म ऊपर कऊन चढ़े। अऊर मसी ख नीच लान ख लाने।

⁷ अथाह कुण्ड या “अधोलोक म निच कऊन जाहे?” का मसी ख मरे हुयो म से हैं ऊपर लान को लाने!

⁸ परन्तु यू सच्चो सास्र का कह हैं “यू कि वचन तोरो नजीक हैं, अर उ तोरो मुँह म अर तोरो मन म यू ईच विस्वास को वचन आय जे हम प्रचार करन हैं,” यू विस्वास को वचन हैं जेको हम प्रचार कर हैं,

⁹ कि पर तू अपनो मुँह से यीसु ख प्रभु जाना ख अंगीकार करिये, अर अपनो मन से विस्वास कर कि परमेस्वर न ओ ख मरे भेयो मी से जिन्दो कियो, ते तू जरूर उध्दार पाएगो।

¹⁰ काहेकि धार्मिक का लाने मन से विस्वास करन से अच्छो इंसान ठहरयो हैं, अर मुँह से स्वीकार करन से ओ ख उध्दार मिल हैं।

¹¹ काहेकि सुध्द सास्र यू कह हैं, “कि जे कोई ओ पर विस्वास करेगों उ लज्जित नी होगो।”

¹² अब यहूदी हुन अर यूनानी हुन न कई पक्छ पात नी हैं एकोलाने उ सब को प्रभु आय अर अपनो सब नाम लेन वालो का लाने उध्दार मिल हे।

¹³ काहेकि, “जे कोई प्रभु को नाम लेहे या लेन ख होए, उ उध्दार पाएगो।”

¹⁴ जे पर उन न पर विस्वास नी कियो, वी ओको नाम कसो लेहे? अर जेको बारा म सुन्यो नी उ पर कसो विस्वास करिये? अर प्रचारक हुन का बिन कसो सुने?

¹⁵ अर अगर भेजो नी जाहे, ते कसो प्रचार करे? जसो लिखो हैं, “उन का पाय का ही सुन्दर आय, जे भली बात हुन का सुसमाचार लाने हैं।”

¹⁶ पर सब हुन न उ सुसमाचार पर कान नी लगायो: जोतिस यसायाह कह हैं, “अरे प्रभु, कऊन न हमारो अच्छो समाचार पर विस्वास रख हैं?”

¹⁷ एकोलाने विस्वास सुनना से, अर सुन्ना से मसी को वचन से होए हैं।

¹⁸ पर म कहूँ हैं कि उनना नी सुनो? सुन ते जरुरी हैं; काहेकि लिखो हैं, “उनको आवाज पूरो धरती म, अर उनको वचन दुनिया कि कोना तक पहुँच गयो हैं।”

¹⁹ मी फिर कहूँ हैं, का इस्राएली लोग हुन ख मालूम ही नी हता? पहले ते मूसा कह हैं, “मी उन ख व्दारा जे जाति नी हैं, तुमारो मन म जलन उपजाऊँगो; मी एक मुर्ख जात को व्दारा तुम ख घुस्सा दिलाऊँगो।”

²⁰ फिर यसायाह बड़ो हिम्मत को संग कहूँ हैं, “जे मोखा नी ढ़ूँढत हता, उन न मोखा पा लियो अर जे मोखा पूछत भी नी हता, उन पर मी प्रगट होए गयो।”

²¹ पर इस्राएल को बारा म उ असो कह हैं, “मी बखत को दिन अपनो हात एक हुकुम नी पालन करनवालो अर झगड़ा करनवालो प्रजा की ओर फैलाए रयो।”