प्रकाशितवाक्य 19 - परमेस्वर को सच्चो वचन ख जाननू

¹ एकोबाद मीना स्वर्ग म मानलेव बड़ी भीड़ ख बड़ी जोर से असो कहते सुनियो, “हल्‍लिलूय्याह! उध्दार अर महेमा अर सामर्थ्य हमारो परमेस्वर ही की हैं।

² काहेकि ओखा निर्नय सच्चा अर भला हैं। ओ ना वा बड़ी वेस्या ख, जो अपनो गलत काम कि चाल चलन से दुनिया ख असुध्द करत रहा, न्याय करियो अर ओ ना अपना दास हुन को खून बदला लियो हैं।”

³ फिर दुसरी बार उनना कय्हो, “हालेलूय्या! ओको जलन को धुआँ युगयुग उठते रहेगो।”

⁴ तब चोबीस सियाना अदमी हुन अर चारी जीव हुन न गिर ख परमेस्वर ख पाय पड़िया, जो सिंहासन पा बठो हतो, अर कय्हो, “आमीन! हालेलूय्या!”

मेम्ना की सादी

⁵ एकोबाद सिंहासन म से एक सब्द निकलो, “अरे हमरा परमेस्वर से डरनवाला दासहुन, का छोटा, का बड़ा; तुम सब ओकी महेमा करो।”

⁶ फिर मीना बड़ी भीड़ को जसो ढ़ेर सारो पानी को सो सब्द, अर गर्जन को सो बड़ो सब्द सुनियो; “हालेलूय्या!” काहेकि प्रभु हमारो हैं परमेस्वर सक्तिमान राज्य करा हैं।

⁷ आव, अपुन खुस अर मगन होय, अर ओकी स्तुति करे, काहेकि मेम्ना की सादी आ गई हैं, अर ओकी दुलिन न खुद ख तैयार कर लियो हैं।

⁸ ओखा सुध्द अर चमकदार महीन मलमल पहिननो को अधिकार दियो गयो काहेकि उ महीन मलमल को मतलब सुध्द अदमी हुन को धर्मी का काम हैं।

⁹ तब स्वर्ग दूत न मोसे कय्हो, “असो लिख, कि धन्य वी हैं, जो मेम्ना को भोज म बुलायो गया हैं।” फिर ओ ना मोसे कय्हो, “यी वचन परमेस्वर ख सच वचन आय।”

¹⁰ तब मी ओखा पाय पड़न को लाने ओखा पाय हुन पा गिड गयो। ओ ना मोसे कय्हो, “देख असो मत करा,” मी तोरो अर तोरा भई हुन को संगी दास आय जो यीसु कि गवाई देन पा खड़ो हैं। परमेस्वर ही ख भजन करजे, काहेकि यीसु कि गवाई भविस्यवानी की आत्मा आय।

उजरो घोड़ा को सवार

¹¹ फिर मीना स्वर्ग को खुल्यो देखो, देखु हैं कि एक सफेद घोड़ा हैं; अर ओपर एक सवार हैं, जो भरोसा को कबील अर सच्चो कहलाय हैं; अर उ धर्म को संग न्याय अर युध्द करा हैं।

¹² ओकी आँखी आग कि ज्वाला हैं, अर ओकी मुंडी पा ढ़ेर सारा राजमुकुट हैं। ओपर एक नाम लिख्यो हैं, जेका ओखा छोड़ अर कोई नी जाना।

¹³ उ खून छिडकियो वालो कपड़ा पहिन ख हैं, अर ओको नाम परमेस्वर को वचन हैं,

¹⁴ स्वर्ग की सेना उजरो घोड़ा पा सवार अर उजरो अर सुध्द मलमल पहिन ख ओको पीछु-पीछु हैं।

¹⁵ जाति जाति ख मारन को लाने ओको मुंड़ो से एक चोक्खी तलवार निकला हैं। उ लोहा को राजदण्ड लेका उन पा राज करेगों, अर सर्वसक्तिमान परमेस्वर को भयानक प्रकोप की पानी जलाहट की मदिरा को रसकुण्ड म अंगूर खोदेगो।

¹⁶ ओको कपड़ा अर जाँघ पा असो नाम लिख्यो हैं, “राजा हुन को राजा अर प्रभु हुन को प्रभु।”

¹⁷ फिर मीना एक स्वर्ग दूत ख सूरज पा खड़ो होते हुए देख्यो। ओ ना बड़ी जोर से चिल्लाया ख बददल को बीच म से उड़न वाला सब चिड़िया हुन से कय्हो, “आव, परमेस्वर को बड़ो भोज को लाने इकजुट हो जाव,

¹⁸ जसो तुम राजा हुन को मांस, अर सरदारहुन को मांस, अर बलसाली इंसान हुन को मांस, अर घोड़ा हुन को अर उनको उपर क सवारहुन को मास अर का स्वतरत का दास, का छोटा का बड़ा, सब अदमी हुन को मांस खाव।”

¹⁹ फिर मीना उ जानवर, अर जमीन ख राजा हुन अर उनकी सेना हुन ख उ घोड़ा को सवार अर ओकी सेना से लड़न को लाने एकजुट देख्यो।

²⁰ उ जानवर, अर ओको संग उ झूटा भविस्यवक्ता पकड़ा गयो जेना उनको जोने असा चिन्ह दिखायो रहा जोको दुवारा ओ ना उनका भरमायो जिन पा उ जानवर की छाप हती अर जो ओकी मूर्ति की पूजा करत रहा। यी जिन्दा ही वी आग की झील म, जो गन्धक से जला हैं, डाल्या गया।

²¹ बचियो वाला उ घोड़ा को सवार की तलवार से, जो ओको मुंड़ो से निकला हैं, मार डाल्या गया; अर सब चिड़िया हुन न उनको मांस हुन से पेट भर लियो।