प्रकाशितवाक्य 1 - परमेस्वर को सच्चो वचन ख जाननू

¹ यू यीसु मसी को दर्सन आय, यू उनका परमेस्वर कि तरफ से मिल्यो जसो उ अपना चेला हुन ख आन वालो भविस्य म होन वाली घटना दिखाय। यीसु न अपनो स्वर्गदूत भेज ख यू दर्सन को ग्यान अपनो दास यूहन्ना ख बतायो,

² यूहन्ना बतावा हैं कि ओ ना जो कई देख्यो हैं, उ परमेस्वर को वचन अर यीसु मसी कि गवाई हैं

³ भलो हैं उ इंसान जो या भविस्यवानी का पढ़ ख समझ रयो हैं, अर भला हैं वी जो ऐका वचन सुना हैं अर येमा लिखी बात हुन ख मनन करा हैं काहेकि उ बखत नजीक आ गयो हैं।

साती कलेसिया ख चितावनी

⁴ यूहन्ना कि तरफ से आसिया कि सात कलेसिया हुन का चेतावनी ओकी तरफ से जो हैं अऊर जो थो अर जो आन वालो हैं; ओकी तरफ से अर वी सात आत्मा कि तरफ से जो ओको सिंहासन को जोने हमेसा रहवा हैं,

⁵ अऊर यीसु मसी कि तरफ से तुम सब इंसान हुन ओकी किरपा अर सान्ति मिलती रैय! जो भरोसा को काबिल अर गवाह अर मरीया वाला हुन म से जिन्दा होन वाला म पहिलऊठो अर दुनिया को राजा हुन को मुखिया आय, उ हम से प्रेम करा हैं, अऊर ओ ना अपनो खून को दुवारा हमका पाप हुन से छुड़ायो हैं,

⁶ अर अपनो बाप परमेस्वर को लाने हम ख याजक हुन को राज्य बना भी दियो; ओकीच ही बड़ाई अर ओकी सक्ती हमेसा-हमेसा लक बनी रैय! आमीन!

⁷ देखनु, उइच बददल हुन म आन वालो हैं, सब झन उनका देखेगो जिन्ना ओखा भेदो वी भी ओखा देखेगो, अर दुनिया का पुरा गोत ओको कारन छाती पीटेगो। यू हकीगत हैं हाँ आमीन!

⁸ प्रभु परमेस्वर, जो हैं अऊर जो हतो अऊर जो आन वालो हैं, उइच सर्वसक्तिमान प्रभु, असो बोला हैं, “मीच ही पहिलो अऊर आखरी आय।”

यूहन्ना ख मसी को दर्सन

⁹ मी यूहन्ना, जो तुमरो भई आय अर यीसु को कलेस अर राज्य अर धीरज म तुमरो संग सामिल आय। परमेस्वर को वचन सुननो अर यीसु मसी की गवाई को कारन पतमुस नाम को टापू म हतो

¹⁰ मी प्रभु को दिन आत्मा म आ गयो, अर अपनो पिछु तुरई को जसो आवाज का बडी जोर से असो कहते सुनियो,

¹¹ “जो कुछ तुम देख रया हैं ओखा किताब म लिख अर ओखा सात कलेसिया हुन का भेज दा, इफिसुस, स्मुरना पिरगमुन, थुआतीरा, सरदीस, फिलदिलफिया, अर लउदीकिया का।”

¹² तब मी न ओखा, जो मोसे बोलत रह हतो, देखन को लाने अपनो मुंडो घुमायो; अऊर पिछु घुमका मी न सोना की सात दीवट देखी

¹³ अर दीवट को बीच म इंसान को पोरिया जसो एक अदमी ख देखो, जो पाय तक को कपड़ा पहिनायो हतो अर छाती पर सोना को पट्टा बाँधियो हतो रह।

¹⁴ ओकी मुंडी का बाल सफेद ऊन वरन पालो को समान उजरो हतो, अर ओकी आँखी आगी की लपेट को समान हती।

¹⁵ ओखा पाय उत्तम पितर को समान हता जो मानलेव भट्टी म तपायो गयो होय, अर ओकी आवाज समुंदर कि लहर को समान गरजत करत रहा।

¹⁶ उ अपनो जेवनो हात म सात तारा लेका खड़ो हतो, अर ओको मुड़ो से झरझराट दो धार वाली तलवार निकलत रहा। ओको मुड़ो असो चमकत रहा जसो सूरज भर दोपहर म चमका हैं

¹⁷ जब मी न ओखा देखो ते ओखा पाय हुन पा उभडो मुड़ो गीड़ पडीयो। ओ ना मो पर अपनो जेवनो हात धर ख कय्हो, “मत डरा मी पहलो अर आखरी मीइच आय।”

¹⁸ जीवन को सोता मीइच ही आय। मी मर गयो रह अर अब देख मी हमेसा-हमेसा जिन्दो हैं; अर माऊत अर अधोलोक कि चाबी मोरो ही जोने हैं।

¹⁹ एकोलाने तुमना जो कई देख्यो हैं अऊर जो अबा हैं अऊर जो बाद म होन वालो हैं उ सब लिख ला।

²⁰ एकोमतलब वी साती तारा को भेद जिनखा तुना मोरो जेवनो हात म देखो हतो, अर वी सात सोना की दीवट को भेद: वी सात तारा साती कलेसिया हुन का दूत आय, अर वी सात दीवट सात कलेसिया हुन आय।