फिलिप्पियो 2 - परमेस्वर को सच्चो वचन ख जाननू

मसी कि नम्रता अर महानता

¹ पर अदि मसी म कई सान्ति, अर प्रेम से हियाव, अर आत्मा कि संग म हता, अर कई दया अर भलाई हैं,

² ते मोरो यू खुसी पूरा कर कि एक मन रह, अर एक ही प्रेम, एक ही चित, अर एक ही इच्छा रख।

³ विरोध या झूठी बड़ाई का लाने कई नी कर, पर नम्रता से एक दूसरो ख अपनो से अच्छो समझे।

⁴ हर एक अपनो ही स्वार्थ की नी, यानी दूसरा का स्वार्थ कि भी चिन्ता कर।

⁵ जसो मसी यीसु को स्वभाव हतो वसो ही तुमारो भी स्वभाव हो;

⁶ जे न परमेस्वर को स्वरूप म हो ख भी परमेस्वर को तुल्य होन ख अपनो बस म रख कि चीज नी समझ।

⁷ याने अपनो तुम ख असो सून्य कर दियो, अर दास को स्वरूप धारण कियो, अर अदमी का समान म हो ख गयो।

⁸ अर अदमी को रूप म प्ररगट हो ख अपनो तुम ख दीन करियो, अर यहाँ तक कि आदेस मानन ते रय्हो कि मरन हाव, सूली कि मरन भी सहन कर लियो।

⁹ यू लाने परमेस्वर न ओ ख बेजा महान भी करियो अर ओ ख उ नाम दियो जो सब नामो म चोक्खो हैं,

¹⁰ कि जीई स्वर्ग म अर धरती पर अर धरती को नीचु हैं, वी सब यीसु ख नाम घुटना टेके;

¹¹ अर परमेस्वर बाप कि बड़ाई का लाने हर एक जुबा मानन ख ले कि यीसु मसी ही प्रभु आय।

दुनिया म उजियालो जसो चमको

¹² एकोलाने अरे मोरो प्यारो भई, जो तरीका तुम हमेसा से आदेस मानते आयो हैं, वसो ही अब भी नी अकेलो मोरो संग रहते भयो पर विसेस कर ख अब मोरो दूर रहन पर भी डर हैं अर कापते भयो अपनो अपनो मुक्ति को काम पूरो करते जा।

¹³ काहेकि परमेस्वर ही हैं जे न अपनी जो भी इच्छा निमित तुमारो मन म इच्छा अर काम, दोई बात हुन को करन को प्रभाव डाल दियो हैं।

¹⁴ सब काम बिना कुडकुडाए अर बिना लडाई का कियो कर,

¹⁵ काहे कि तुम बेकसूर अर सीधो हो ख टेढे अर जिद्दी अदमी हुन ख बीच परमेस्वर ख निस्कलक वारिस बने रय्हो, जेका बीच म तुम जीवन को वचन लाने भयो दुनिया म जलते दिया हुन का जसो दिखाई देव हैं

¹⁶ कि मसी को दिन मोखा घमण्ड करन का हो लाने कि नी मोरो दऊडनो अर नी मोरो मेहनत करनो बेकार भयो।

¹⁷ अदि मोखा तुमारो विस्वास रूपी बलिदान अर सेवा का संग अपनो लहू भी बहाना पडे हैं, तेबी मी खुसी हूँ अर तुम सब का संग खुसी करू हैं।

¹⁸ असो ही तुम भी खुसी हो अर मोरो संग खुस करा।

तीमुथियुस अर इपफ्रदीतुस

¹⁹ मो ख प्रभु यीसु म आसा हैं कि मी तीमुथियुस ख तुमारो नजीक पर भेजूगो, काहे तुमारो हालत सुन ख मो ख सान्ति मिले।

²⁰ काहेकि मोरो नजीक असो स्वभाव को कोई नी जो सुध्द मन से तुमारो चिन्ता करा।

²¹ काहेकि सब अपनो स्वार्थ कि खोज म रह हैं, नी कि यीसु मसी की।

²² पर ओ ख ते तुम नी परख अर जान भी लियो हैं कि जसो पोरिया बाप ख संग करू हैं, असो ही ओ न सुसमाचार ख फैलान म मोरो संग मेहनत कियो।

²³ एकोलाने मो ख आसा हैं कि जसो ही मो ख जान पडेगा कि मोरी का हालत होए, वसो ही मी ओ ख तुरंत भेज दूगो।

²⁴ अर मोखा प्रभु म विस्वास हैं कि मी तुम भी जल्दी आऊ।

²⁵ पर मी नी इपफ्रुदीतुस ख जे मोरा भई अर सहकर्मी अर संग सेना अर तुमारो दूत, अर जरूरी बात हुन म मोरी सेवा चऊकरी करन वाला आय, तुमारो नजीक भेजनो जरूरी समझा हैं।

²⁶ काहेकि ओखा मन म तुम सब म लगो हुआ हतो, यू कारन उ बे चैन रवह हतो काहेकि तुम न ओ की बिमारी ख हाल सुना हता।

²⁷ अर निस्चय से ही उ बीमार ते हो गयो हतो यहाँ तक कि मरन पर हतो, पर परमेस्वर ने ओखा ऊपर दया करी अर केवल ओ पर ही नी पर मो पर भी करी कि मो ख सोक पर सोक नी हो।

²⁸ एकोलाने मी न ओ ख भेज को अर भी कोसिस कियो कि तुम ओ ख फिर मिल ख कर ख खुसी हो जा अर मोरो भी दुख कम हो जाहे।

²⁹ एकोलाने तुम प्रभु म ओ ख बेजा खुसी का संग मिलनू, अर असो हुन ख आदर कियो करनो,

³⁰ काहेकि उ मसी को काम ख लाने अपनो जान हुन पर जोखिम उठा ख मरन को नजीक आ गयो हतो काहे कि जो कमी तुमारो ओर से मोरी सेवा म भई ओ ख पूरो करा।