गलातियो 2 - परमेस्वर को सच्चो वचन ख जाननू

ढ़ेर सारा गुरू हुन को व्दारा पोलुस ख माननेता

¹ चऊदा साल को बाद मी बरनबास को संग फिर यरूसलेम ख गयो, अर तीतुस ख भी संग ले गयो।

² मोरो भेज्यो जानो परमेस्वर की मर्जी को हिसाब से भयो; अर जे अच्छी खबर मी दुसरी जात या समाज हुन म परचार करते रहू हैं, ओ ख मी न उन ख बता दियो, पर अकेलो म उन ख जे बड़ा संमझीया जात रह, ताकि असो नी होय की मोरी या बखत की या पुरानी दऊड घाम बेकार ठहरे।

³ पर तीतुस ख भी जो मोरो संग हतो अर जे यूनानी हैं, पुजा देन को लाने मजबूर नी करयो कय्हो।

⁴ यू वी झुठ बोलन वाला भई हुन को कारन भयो जे चोरी से घुस आया रह, कि वा आजादी ख जो मसी यीसु म हम ख मिले हैं, भेद लेखा हम ख दास बनाहे।

⁵ थोड़ी देर को लाने उनको बस म होनू हम न नी मानो, एकोलाने कि सुसमाचार की सच्चाई तुम म बनी रहे।

⁶ फिर जे अदमी कुछ संमझीया जात रह (वी चाहे कसा भी हता मोखा ऐसे कुछ मतलब नी हाय; परमेस्वर कोई कि तरफ दारी नी करा उनसे जे कुछ समझीया जात रह, मो ख कुछ भी नी प्राप्त नी भयो

⁷ पर एको उल्टो जब उन न विस्वास मान लियो कि मोखा उसी ही दुसरा यहूदी हुन म सुसमाचार को काम पतरस ख सोपियो गयो, वसोच ही खतना नी दिया वाला हुन को लाने मो ख अच्छी खबर सुनानो सोपियो गयो।

⁸ काहेकि जेना पतरस से खतना वाला म सिखावन को काम बड़ो होसला सहित करवायो, ओ न मोसे भी दुसरी जात हुन म बड़ो काम करवायो)

⁹ अर जब उन न वा दया ख जे मो ख मिलो हतो जान लियो, ते याकूब, अर कैफा, अऊर यूहन्ना न जे कलेसिया का खंमा समझीया जात रह, मो ख अर बरनबास ख संगति को जेवनो हात दियो कि हम दुसरी जात हुन को पास जाए अर वी खतना वाला को पास;

¹⁰ सिर्फ यू बोल्यो कि हम गरीब लचार कि चिन्ता करे, अर यूईच काम करन को लाने मी उनको संग म भी मेहनत करत रह।

पोलुस को व्दारा पतरस को सताव

¹¹ पर जब कैफा अन्ताकिया म आयो, ते मी न ओको मुंडो पर जवाब दियो काहेकि उ दोसी हतो रह।

¹² एकोलाने कि याकूब कि तरफ से कुछ अदमी हुन को आनो से पहले दुसरी जात हुन को संग खायो करत रह, पर जब वी आया ते खतना वाला अदमी हुन को डर को मारे उ पिछु हट गयो अर किनार होन लग्यो।

¹³ ओको संग म बचियो वाला यहूदी हुन न भी कपट करयो, असो तक कि बरनबास भी उनको कपट म पड़ गयो।

¹⁴ पर जब मी न देखो की वी चोक्खो या जिन्दो सुसमाचार कि सच्चाई पर सिधो तरीका से नी चला, ते मी न सब को सामे कैफा से कय्हो, “जब तू यहूदी हो ख दुसरी जात हुन को जसो चला हैं अऊर यहूदी हुन को जसो नी ते तू दुसरी जात वाला ख यहूदी हुन को जसो चलन ख काहे बोला हैं?”

भरोसा को व्दारा धर्मी ठहरनू

¹⁵ हम तो जनम से यहूदी आय, पापी दुसरी जात वाला म से नी।

¹⁶ तेभी असो समझ ख कि इंसान नेम को काम हुन से नी, पर सिर्फ यीसु मसी पर भरोसा करन को व्दारा धर्मी ठहरा हैं, हम न तुम भी मसी यीसु पर भरोसा करो कि हम नेम का काम हुन से नी, पर मसी पर भरोसा करन से धर्मी ठहरे; एकोलाने कि नेम को काम हुन से कोई इंसान धर्मी नी ठहरन को।

¹⁷ अपुन जो मसी म धर्मी ठहरनो चाहवा हैं, अदि हम ही पापी निकले ते का मसी पाप को सेवक आय? कभी भी नी!

¹⁸ काहेकि जे कुछ मी न गिरा दियो अदि ओखा ही फिर से बनाऊँ हैं, ते मी स्वंय ख पापी मानू हैं।

¹⁹ मी तो नेम को व्दारा नेम को लाने मर गयो कि परमेस्वर को लाने जीऊँ या जिन्दो होऊ।

²⁰ मी मसी को संग सुली पर चढ़ायो गयो हैं, अब मी जिन्दो नी रयो, पर मसी मोरो म जिन्दो हैं; अर मी सरीर म अबा तो जिन्दो हैं ते सिर्फ उ भरोसा से जिन्दो हैं जे परमेस्वर को पोरिया पा हैं, जेना मोसे प्रेम करयो अर मोरो लाने अपनो तुम ख दे दियो।

²¹ मी परमेस्वर की दया ख बेकार नी जान देहु; काहेकि अदि नेम को हिसाब से धर्मी होतो, ते मसी को मरनो झुठो ठहरतो।