कुलुस्सियो 1 - परमेस्वर को सच्चो वचन ख जाननू

पोलुस न यीसु का चेला हुन को अभिनन्दन करयो

¹ पोलुस कि अर से, कि परमेस्वर कि मर्जी से यीसु मसी को अर प्रेरित, अर भई तीमुथियुस कि अर से,

² मसी म उ सुध्द अर विस्वासी भई हुन को नाम जे कुलुस्से म रहतो हैं: हमारो बाप परमेस्वर की ओर से तुम ख दया अर सान्ति प्राप्त होती रहे।

ओकी धन्यवाद की प्रार्थना इपफ्रास भई हुन को लाने

³ हम तुमरो लाने लगा तार प्रार्थना कर ख अपनो प्रभु यीसु मसी को बाप याने की परमेस्वर को धन्यवाद करते हैं,

⁴ काहेकि हम न सुनो हैं कि मसी यीसु प तुम्हारो भरोसा हैं, अर सब सुध्द अदमी हुन से तू प्रेम रखते हो;

⁵ तुमरो भरोसा अऊर प्यार उ आसा पर आधारित हैं, जे स्वर्ग म तुमरो लाने वेव्सतीत हैं अऊर जोको बारे म तुम न तब सुनायो, तब चोक्खो सुसमाचार को सही को वचन सुन चुक्या हैं,

⁶ जे तुमरो कने पहुँचिया हैं, अर जसो दुनिया म भी फल लावा अर बढ़तो जावा हैं, वसो ही जे दिन से तुम न ओ ख सुनो अर सच्चई से परमेस्वर की दया ख पहिचानो हैं, तुम म भी असो ही करह हैं।

⁷ ओकी ही सिक्छा तुम न हमारो प्यारो सहकर्मी इपफ्रास से पाया, जो हमारो लाने मसी को लाने भरोसा लायक दास हैं।

⁸ ऊही न हम ख बतायो हैं की सुध्द आत्मा न तुम लोगो म कितना प्यार प्रेम कियो हैं।

⁹ ऐको लाने जो दिन से यू सुनो हैं, हम भी तुम्हारो लाने या प्रार्थना अर विनती करनो नी छोड़ हैं कि तुम सारे आत्मिक ग्यान अर समझ सहित परमेस्वर की इच्छा की पहिचान म परिपूर्ण हो जाओ,

¹⁰ ताकि तुमारो चाल चलन प्रभु को काबिल होय, अर उ सब तरीका से खुस होए, अर तुम म हर तरीका को भली बात हुन ख फल लगे, अऊर तुम परमेस्वर की पहचान म बढ़ते जाए,

¹¹ तुम परमेस्वर की महिमामय सक्ति से अत्यधिक बल पा ख हमेसा मजबुत बना रहेय, सब कही खुसी को संग सह सकेगो।

¹² अर परमेस्वर बाप को धन्यवाद करते रहो, जेना हमका यू काबिल बनायो कि ज्योति म सुध्द अदमी हुन को संग की विरासत म सहभागी बनो।

¹³ परमेस्वर हमे अन्धकार ख अधीनता से निकल ख अपनो प्यारो पोरिया को राज्य म छुड़ा ले आयो।

¹⁴ युही पोरिया दुवारा ही हम ख छुटकारा मिल्यो हैं याने कि हम ख मिले हैं हमारो पाप हुन कि छमा।

¹⁵ उ तो नी दिखन वालो परमेस्वर को रूप अर पुरो दुनिया म पहिलोठा आय।

¹⁶ काहेकि ओको ही दुवारा पुरो दुनिया की रचना भई हैं, स्वर्ग की रैय या जमीन की दिखन वाली या नी दिखन वाली का सिंहासन का राज्य करन वालो का अधिकारी हुन का अधिकार सब चीज ओको ही व्दारा अर ओको ही दुवारा बनाई गई हैं।

¹⁷ उही सब चीज म पहिलो हैं, अर सब चीज ओमा ही टीकी रहवा हैं।

¹⁸ मसी उईच सरीर, एकोमतलब कलेसिया की सिर आय; उईच ही सुरूआत आय अर मरिया वाला म से जी ख उठन वाला म से पहिलो कि सब बात हुन म उईच ही सबसे बडो ठहरे।

¹⁹ काहेकि परमेस्वर बाप की खुसी येमा ही कि ओमा ही पूरो पुरो स्वरूप वास करे,

²⁰ मसी न सूली पर जे खून बहायो, ओको दुवारा परमेस्वर न सान्ति कि स्थापना करी। याहा परमेस्वर को सुभ संकल्प हतो की वाहा मसी को दुवारा सब कुछ ख, चाहे वाही जमीन पर हो या स्वर्ग म, अपनो से मेल करायो।

²¹ तुम जे पहलो निकालया गया था अर बुरो काम को कारन मन से दुसमन हता;

²² ओ न अब ओको जिन्दो सरीर म माऊत को दुवारा तुमरो भी मेल मिलाप कर लियो ताकि तुम ख अपनो सम्मुख सुध्द अर बीना कलंक को, अर बेकसूर बना ख खड़ो करे।

²³ अदि तुम भरोसा की नीव पर मजबूत बनी रहो, अर उ चोक्खो सुसमाचार की आसा ख जे ख तुम न सुनायो हैं नी छोड़यो, जेको प्रचार आकास को नीचू को पुरो दुनिया म करयो गयो; अर जेको मी पोलुस सेवक बनो।

कलीसिया को सेवक पोलुस अर ओको काम

²⁴ अब मी वी दुख को लाने खुसी मना उ हैं, न जे तुम्हारो लाने उठा उ हूँ अर मसी को क्लेसो खी घटी ओकी सरीर को लाने, अर्थात् कलीसिया को लाने, अपनो सरीर म पुरी करा हूँ;

²⁵ जेको मी परमेस्वर को उ प्रबन्ध को अनुसार सेवक बनू, जे तुम्हारो लाने मो ख सोपियो गयो, ताकि, मी परमेस्वर को वचन को पुरो-पुरो प्रचार करुँ

²⁶ अर्थात उ भेद ख जे टेमं अर पढ़ियो हुन से गुप्त रहयो, पर आबा ओ ख सुध्द अदमी हुन पर प्रगट हुओ हैं।

²⁷ जे पर परमेस्वर न प्रगट करन चाहायो कि उन ख ग्यात हुओ की दुसरी जात म भेद की महिमा को मूल्य का हैं, अर उ यू हैं कि मसी जे महिमा की आसा हैं तुम म रह हैं

²⁸ जेको प्रचार कर ख हम हर एक अदमी ख चेतावनी देवा हैं अर सारो ग्यान से हर एक अदमी ख सिखाव हैं, कि हम हर एक अदमी ख मसी यीसु म परिपग कर ख उपस्थित करहे।

²⁹ ऐको लाने मी ओकी वा सक्ति को अनुसार जे मोरो म सामर्थ्य को संग प्रभाव डाला हैं, तन मन लगा ख मेहनत भी करा हैं।