2 कुरिन्थियो 2 - परमेस्वर को सच्चो वचन ख जाननू

¹ मी न अपनो मन म यू निर्नय लियो हतो कि फिर तुमारो नजीक नाराज करन नी आऊ।

² यदि मी तुम ख दुख करू हैं, ते मो ख खुसी देन वालो कोन होय, अकलो उही जे ख मी न दुख कियो?

³ अऊर मी न यू बात तुम ख एकोलाने लिखो हैं कि कही असो नी हो कि मोरो आवन पर, जो न मो ख खुसी मिलनो चाहिए मी न ओसे नाराज होऊ; काहेकि मो ख तुम पूरा झन पर यू बात को विस्वास हैं कि जो मोरो खुसी हैं उही तुम पूरा झन ख भी आय।

⁴ बड़ो दु: ख अऊर मन को मुसीबत से मी ना बेजा सा आसू बाहा ख तुम ख लिखो हतो, एकोलाने नी कि तुम नाराज हो पर एकोलाने कि तुम उ बडो प्रेम ख जान ले, जो मो ख तुम से हैं।

मुजरिम ख माप करनु

⁵ यदि कोई न नाराज कियो हैं, ते मो ख ही नी पर कि ओखा संग बेजा कड़ाई नी करू कुई-कुई तुम सब ख भी नाराज करियो हैं।

⁶ असो अदमी का लाने यू सजा जे भई हुन म से ढ़ेर हुन न दियो, ढ़ेर हैं।

⁷ एकोलाने ऐ अच्छो यू हैं कि ओको मुजरिम ख माप करनु अऊर सान्ति दे, नी हो कि असो अदमी बेजा नाराज म डूब जाहे।

⁸ एको कारन मी तुम से विनती करू हैं कि ओ ख अपनो प्रेम ख प्रमाण दे।

⁹ काहेकि मी न एकोलाने भी लिखो हतो कि तुम ख अजमा लू पर तुम मोरी सब बात हुन ख मानन ख लाने तैयार हैं कि नी।

¹⁰ जे ख तुम कई माप करा हैं ओ ख मी भी माप करू हैं, काहेकि मी न भी जे कई ख माफ कियो हैं, अदि कियो, ते तुमारो कारन मसी कि जगह म हो ख माफ कियो हैं

¹¹ एकोलाने हम सैतान ख फन्दा म नी पड़नो चाहे हैं। हम ओकी चाल ख, अच्छी तरह जानह हैं।

मसी को दुवारा जय

¹² जब मी मसी को चोक्खो सुसमाचार सुनावन को त्रोआस आयो, अऊर प्रभु न मोरो लाने एक दरवाजा खोल दियो,

¹³ ते भी मोरो मन सान्ति नी मिलो हैं, एकोलाने कि मी न वा अपनो भई तीतुस ख नी पायो; एकोलाने मी ना वा को अदमी हुन से बिदाई लेख मकिदुनिया ख चलो गयो

¹⁴ अऊर परमेस्वर को धन्यवाद हो, जो हम ख लगातार मसी कि जीत सफर म लेख चला हैं अऊर हमारो दुवारा अपनो नाम को ग्यान कि सुगन्ध जगह फैलो हैं।

¹⁵ काहेकि अदमी चाहे छुटकारा कर रह हैं अर नास हो रयो हैं, हम उनका बीच परमेस्वर का लाने मसी कि सुन्दर सुगन्ध हैं।

¹⁶ कई का लाने ते मर का खातिर मरन कि बुरी बास आव हैं, अऊर कितना ख लाने जिन्दगी को खातिर जिन्दगी कि खुसबू अच्छो यू बात हुन को लायक कोन हैं?

¹⁷ काहेकि हम उ ढ़ेर सारो ख समान नी जे परमेस्वर को वचन म उलट फेर करा हैं; पर मन कि सच्चाई से अऊर परमेस्वर की ओर से परमेस्वर को उपस्थित जान ख मसी म कह हैं।